Enfoká riba e Tèmpel

Dor di Presidente Russell M. Nelson

Presidente di E Iglesia di JesuCristo di e Santunan di e Delaster Dianan

Mi ta primintí [ku si pasa] mas tempu den e tèmpel [esaki] lo bendishoná bo den maneranan ku nada mas por.

Kerido rumannan, durante e sinku seshonnan magnifiko di konferensia general, nos a eksperensiá un biaha mas ku e shelunan ta habrí! Ta mi orashon ku bo a registrá bo impreshonnan i ku lo bo hasi nu seguimentu ku nan. Nos Tata Selestial i Su Yu Stimá JesuCristo, ta pará la pa yuda bo. Mi ta urgi bo pa alsa bo esfuersonan pa buska Nan yudansa.

Resientemente, Hermana Nelson i ami tabata tin e oportunidat pa mira un pre estreno di e di 4 temporada di e serie di e Buki di Mormon.¹ Nos a wòrdu inspirá dor di dje! Pèrmití mi mustra bsoo un parti kòrtiku for di un esena mustrando e Salbador aparesiendo na e Nefitanan.

Ta signifikante ku e Salbador a skohe pa aparesé na e hendenan na e tèmpel. Ta Su kas! E ta yená ku Su poder. Laga nos nunka pèrdè bista riba loke Señor ta hasiendo pa nos aworaki. E ta hasiendo Su tèmpelnan mas aksesibel. E ta aselerando e pasonan den kua nos ta konstruyendo tèmpelnan. E ta aselerando nos abilidat pa rekohé Israel. E ta hasiend’e mas fásil pa kada un di nos bira spiritalmente mas rafiná. Mi ta primintí [ku si pasa] mas tempu den e tèmpel [esaki] lo bendishoná bo den maneranan ku nada mas por.

Na e momentunan aki tin 168 tèmpel operando i 53 tèmpel nobo bou di konstrukshon i otro 54 den fase di diseño di pre konstrukshon!² Ta mi plaser di anunsiá nos plannan pa konstruí un tèmpel den kada un di e siguiente lokalidatnan: Busan, Korea; Naga, Philippines; Santiago, Philippines; Eket, Nigeria; Chiclayo, Peru; Buenos Aires City Center, Argentina; Londrina, Brazil; Ribeirão Prêto, Brazil; Huehuetenango, Guatemala; Jacksonville, Florida; Grand Rapids, Michigan; Prosper, Texas; Lone Mountain, Nevada; i Tacoma, Washington.

Tambe nos ta planifikando pa konstruí multipel tèmpelnan den areanan metropolitano grandi selektá kaminda tempu di biahe pa un tèmpel eksistente ta un desafio grandi. Pesei, ta mi plaser pa anunsiá kuater lokalidatnan adishonal na Siudad di Mexico kaminda tèmpelnan nobo lo wòrdu konstruí na Cuernavaca, Pachuca, Toluca, i Tula.

Mi kerido rumannan, ku nos enfoke riba tèmpel ta na maneranan ku nunka e tabata promé. Mi ta bendishoná boso pa krese bai mas serka d Dios i JesuCristo kada dia. Mi stima boso. Ku Dios lo ta ku boso te ora nos topa atrobe, mi ta pidi den e nòmber sagrado di JesuCristo, amèn.