Vense e Mundu i Haña Sosiegu

Mi kerido rumannan, mi ta gradesido di por saluda boso riba e mainta di Sabat glorioso aki. Boso ta konstantemente den mi mente. Mi ta maraviá riba e manera ku boso ta drenta den akshon kualke momentu ku boso mira otronan den nesesidat. Mi ta asombrá den e fe i testimonio ku boso ta demonstrá kada biaha. Mi ta yora pa boso dolónan, desapuntenan, i preokupashonnan. Mi stima boso. Mi ta sigurá boso ku nos Tata Selestial i Su Kerido Yu, JesuCristu, ta stima boso. Nan tin un konosimentu intimo di boso sirkunstansianan, boso bondat, boso nesesidatnan, i boso orashonnan pa yudansa. Kada biaha, mi ta hasi orashon pa boso por sinti Nan amor pa boso.

Eksperensiando Nan amor ta vital, manera e ta parse nos ta wòrdu invadí diariamente pa un kantidat grandi di notisianan tristu. Kisas boso ta tin dianan ku boso ta deseá di bisti boso pidjama, lora den forma di un bala, i pidi un hende pa lanta boso ora tur e tumultonan aki kaba.

Pero, mi kerido rumannan, tin asina tantu kos maravioso nos dilanti. Den e dianan benidero, nos lo mira e manifestashonnan mas grandi di e poder di e Salbador ku mundu a yega di mira hamas. Entre awor i e tempu ku E regresá “ku poder i gran gloria,”¹ E lo drama hopi privilegio, bendishonnan, i milagernan riba e fielnan.

Sinembargo, nos ta bibando aktualmente den loke hopi sigur ta e tempu mas kompliká den e historia di mundu. E komplikashonnan i desafionan ta laga hopi hende sinti abrumá i kansá. No opstante, konsiderá un eksperiensia resien ku por tira lus riba kon abo i ami por haña sosiegu.

Durante un kas habrí resien na e Tèmpel di Washington D.C., un miembro di e komité di kas habrí tabata testigu di un interkambio sabio ora e tabata guiando varios periodista prominente dor di e tèmpel. Di un manera un famia hóben a pega na e rekorido di e media aki. Un reportero a keda puntra tokante di e “rekorido” di e obrero di tèmpel miéntras e ta move dor di e tèmpel. E tabata ker a sa si e rekorido di e tèmpel ta un símbolo di e desafionan den e rekorido di un hende su bida.

Un mucha hòmber hóben a tuma nota di e kombersashon. Ora e grupo di e rekorido a drenta den e kamber di investidura, e mucha hòmber a mustra na e altar, kaminda hendenan ta bai na rudia pa hasi konvenionan ku Dios, i bisa, “O, esei ta bunita. Aki ta un lugá pa hendenan deskansá den nan rekorido di tèmpel.”

Mi ta duda ku e mucha hòmber tabata sa djis kon profundo su opservashon tabata. Probablemente e no tabatin ni un idea di e konekshon direkto entre hasi konvenio ku Dios den e tèmpel i e Salbador Su promesa impreshonante:

“Bini serka Mi, tur ku ta traha ta i kargá, i Ami lo duna boso sosiegu.

“Tuma mi yugo riba bo, i siña di mi; … i lo bo haña sosiegu den bo almanan.

“Pasó mi yugo ta suave, i mi karga ta lihé.”²

Kerido rumannan, mi ta afligí pa esnan ku ta bandoná Iglesia pasó nan ta sinti ku nan miembresia ta rekerí demasiado di nan. Nan no a diskubrí ainda ku hasi i warda kombenionan realmente ta hasi bida mas fásil! Kada persona ku hasi kombenion den pilanan boutismal i den tèmpel—i warda nan—tin mas akseso na e poder di JesuCristo. Por fabor konsiderá e bèrdat maravioso ei!

E premio pa warda e kombenionan ku Dios ta un poder selestia—poder ku ta fortalesé nos pa wanta tur tribulashon, tentashonnan, i angustia mihó. E poder ta suavisá nos kaminda. Esnan ku ta biba e lei mas haltu di JesuCristo tin akseso na su poder mas haltu. Asina ta ku, wardadonan di konvenion tin derechi riba un tipo di sosiegu spesial ku ta bin na nan pa medio di nan relashon di kombenio ku Dios.

Promé ku e Salbador a someté Su mes na e agonia di Gestemaní i Kalvario, El a deklará na Su Apòstelnan, “Den e mundu lo bo tin tribulashonnan: per ta di bon animo; Mi a vense e mundu.”³ Despues, El a roga nos pa hasi mesun kos ora El a bisa, “Ami lo ke pa bo superá e mundu.”⁴

Kerido rumannan, mi mensahe na boso awe ta ku pasobra JesuCristo a superá e mundu kaí aki i pasobra El a ekspiá pa kada un di nos, boso tambe por superá e mundu yená ku piká, egosentriko, i hopi biaha abrumadó.

Pasobra e Salbador, pa medio di su Ekspishon Infinito, a redimí kada un di nos for di debilidat, eror, i piká, i pasobra E a eksperensiá kada doló, preokupashon, i karga ku bo a yega di tin,⁵ e ora ei, si boso arepentí bèrdaderamente i buska Su yudansa, boso por elevá riba e mundu prekario di awor.

Bsoo por vense e plaganan di mundu ku ta agotá spiritualmente i emoshonalmente, inkluyendo arogansia, orguyo, rabia, inmortalidat, odio, kodisia, yalurs, i temor. A pesar di e distrakshonnan i distorshonnan ku ta drei rondó di nos, boso por haña sosiegu bèrdadero—kerèmen alivio i pas—asta entre bo so problemanan mas iritante.

E bèrdat importante aki ta sugerí tres pregunta fundamental:

Promé, kiko ta nifiká vense e mundu?

Di dos, Kon nos ta hasi esaki?

I di tres, kon vensee mundu ta bendishoná nos bidanan?

Kiko ta nifiká vense e mundu? E ta nifiká vense e tentashonnan di preokupá mas pa kosnan di e mundu ku kosnan di Dios. E ta nifiká konfia mas e doktrina di Cristo ku e filosofianan di hende. E ta nifiká deleita den e bèrdat, denunsiá engaño, i bira “siguidónan humilde di Cristo.”⁶ E ta nifiká pa refrená for di kada kos ku ta alehá e Spiritu. E ta nifiká e boluntat pa “desasí” di hasta nos piká faborito.⁷

Awó, superando e mundu siertamente no ta nifiká birando perfekto den nos bida, tampoko, e ta nifiká ku bo problemanan ku arte di magia lo evaporá—pasobra no t’asina. I e no ta nifiká ku lo bo no komete eror. Pero superando e mundu si ta nifiká ku bo resistensia pa peka lo oumentá. Bo kurason lo suavisá ora bo fe den JesuCristo ta oumentá.⁸ Vense e mundu ta nifiká krese den bo amor pa Dios i Su Kerido Yu mas ku bo ta stima kualke otro persona òf kualke otro kos.

Kon, e ora ei, bo por vense e mundu? Rei Benjamin a siña nos kon. El a siña “ku e hòmber natural ta enemigu di Dios” i lo keda asina pa semper “a ménos ku e someté na e persuashon di e Spiritu Santu, i despohá di e hòmber natural i bira un santu pa medio di e Ekspiashon di Cristo e Señor.”⁹ Kada bia ku nos buska pa i sigui e susuronan di e Spiritu, kada bia ku nos hasi algu bon—kosnan ku “e hòmber natural” lo no hasi—bo ta superando e mundu.

Vense e mundu no ta un evento ku ta psa den un dia òf dos. E ta pasa durante un bida kompletu ora nos ta brasa e doktrina di Cristo kada bia. Nos ta kultivá fe den JesuCristo dor di arepentí diariamente i warda e kombenionan ku ta investí nos ku poder. Nos ta keda den e kaminda di konvenio i ta bendishoná ku fortalesa spiritual, revelashon personal, i oumento di fe, i e ministrashon di angelnan. Bibando e doktrina di Cristo por produsí e siklo mas poderoso i virtuoso, kreando un momentum spiritual den nos bida.¹⁰

Ora nos ta lucha pa biba e leinan mas haltu di JesuCristo, nos kurasonnan i hasta nos naturalesa ta kuminsá kambia. E Salbador ta elevá nos riba e preshon di e mundu dekaí dor di bendishoná nos ku gran karidat, humildat, generosidat, bondat, disiplina propio, i sosiegu.

Awor, bo por ta pensando ku esaki ta zona manera un trabou spiritual duru en bes di sosiegu. Pero tin un bèrdat grandi: mientras e mundu ta insistí ku poder, poseshonnan, popularidat, i plasernan karnal ta trese felisidat, nan no ta! Na no por! Loke nan ta produsí no ta nada mas ku un supstituto superfisial pa e “estado bendishoná i felis” di esnan ku ta “warda e mandamentunan di Dios.”¹¹

E bèrdat ta ku ta hopi mas agotador buska felisidat kaminda ku nunka lo bo hañ’é! Sinembargo, ora bo mara bo mes na JesuCristo i hasi e obra spiritual rekerí pa superá e mundu, E, i solamente E, tin e poder pa elevá bo for di e preshon di e mundu aki.

Awó, kon surpasá e mundu aki ta bendishoná nos bidanan? E kontesta ta kla: Drentando den un relashon di kombenio ku Dios ta mara nos na E den un manera ku e ta hasi tur kos tokante bida mas fásil. Por fabor no malinterpreta mi: Mi no a bisa ku hasiendo kombenionan ta hasi bida fásil. En realidat, spera oposishon, pasobra e atversario no ke pa bo diskubrí e poder di JesuCristo. Pero marando bo mes na e Salbador ta nifikí tin akseso na Su fortalesa i poder redentor.

Mi ta afirmá un enseñansa profundo di Presidente Ezra Taft Benson: “Hòmber i muhé ku entregá nan bida na Dios lo diskubrí ku E por hasi mucha mas ku nan bida ku nan mes por. E lo profundisá nan goso, ekspandé nan vishon, aselerá nan mente, … elevá nan spiritu, multipliká nan bendishonnan, oumentá nan oportunidatnan, konsolá nan almanan, lanta amigunan, i drama pas.”¹²

E privilegionan inkomparabel aki ta sigui esnan ku ta buska apoyo di shelu pa yuda nan superá e mundu. Na e fin aki, mi ta ekstendé na miembronan di Iglesia kompletu e mesun enkargo ku mi a duna e hóbennan adulto den mei. Mi a urgi na nan e tempu ei—i roga ku boso awor—pa asumí kontròl di bo propio testimonio di JesuCristo i Su evangelio. Traha riba dje. Nutrié pa e por krese. Aliment’é ku e bèrdat. No dañ’é ku filosofianan falsu di hendenan ku no ta kere. Ora bo ta hasi di bo fortalesa kontinuo di bo testimonio di JesuCristo bo priodidat mas haltu, wak kon e milagernan ta sosodé den bo bida.¹³

Mi rogo na boso e mainta aki ta pa hañasosiegu for di e intensidat, insertidumbre, i angustia di e mundu aki pa medio di superá e mundu dor di bo kombenionan ku Dios. Laga E sa pa medio di bo orashonnan i bo akshonnan ku bo ta serio den superá e mundu. PidiE pa iluminá bo mente i manda e yudansa ku bo mester. Kada dia, registrá e pensamentunan ku ta bin ora bo hasi orashon; despues kumpli kabalmente. Dediká tempu den e tèmpel, i buska pa komprondé kon e tèmpelnan ta siña bo pa alsa bo mes riba e mundu dekaí.¹⁴

Manera mi a deklará promé, e rekohimentu di Israel ta e obra mas importante tumando lugá na tera awendia. Un elemento krusial di e rekohimentu ta preparando e hendenan ku ta kapas, i digno pa risibí Señor ora E bin atrobe; un pueblo ku ya a skohe JesuCristo riba e mundu dekaí aki; un pueblo ku ta regosihá den nan albedrio pa biba e leinan mas haltu mas santu di JesuCristo.

Mi ta hasi un yamada riba boso, mi kerido rumannan, pa bira e pueblo rekto aki. Atesorá i honra bo kombenionan riba tur otro kompromisonan. Ora bo ta laga Dios prevalesé den bo bida, mi ta primintí bo mas pas, konfiansa, goso, i si, sosiegu.

Ku e poder di e santu apostolado den mi, mi ta bendishoná bo den bo hornada pa surpasá e mundu aki. Mi ta bendishoná bo ku un oumento di bo fe den JesuCristo i siña mihó kon pa buska di Su poder. Mi ta bendishoná bo ku e abilidat pa diserní entre bèrdat i eror. Mi ta bendishoná bo pa preokupá mas di e kosnan di Dios ku e kosnan di mundu aki. Mi ta bendishoná bo pa wak e nesesidatnan di esnan rondó di bo i fortalesé esnan ku bo ta stima. Pasobra JesuCristo a surpasá e mundu aki, bo tambe por. Mi ta testifiká asina den e nòmber sagrado di JesuCristo, amèn.