Mme Idiɔŋɔ eke Ndedibe Ikaŋ

Nditɔ-eka irenowo ye iban, ami mmenyene ukpepŋkpɔ eke abiakde mi tɔŋɔ nte ami ŋkodu ke ifim emi ke Ɔfiɔŋ Duop eke isua 2022. Ukpepŋkpɔ oro edi: Edieke afo munɔhɔ etetiŋ-ikɔ emi enyimede, ekeme edikpan fi ke mme mbono ekeditienede. Afo emekeme edikut ke ebemiso enɔ mi ubiɔŋ utiŋ-ikɔ ke akpa ikpehe eke mbono emi. Se afo mukutke edi ke edaha mi ke mkpaha-usuŋ enyenede ata ndimem uruk. Edieke utetiŋ-ikɔ emi minemke, ami ndikwe mbufo ke mme esisit mbono efen.

Ke spirit eke inem ikwɔ oro ye ediye nkaikwɔ emi, ami mmebɔ ubak ukpepŋkpɔ mmi-mmi-emi edide, ye uŋwam Abasi, ami mmoyom edibuana ye mbufo mfin emi. Oro eyenam emi edi utetiŋ-ikɔ eke idem mi.

Ata akpan ŋkpɔ eke idem mi ye andibiak mi nkan ke kpukpru ifiɔk-ukpep eke mmi-mmi-emi ekedi edibe-mfep eke Pat, edima ŋwan mi. Enye ekedi akwa ŋwan eke ami nehede ndiɔŋɔ—mfɔnmma ŋwan ye eka, ntiŋke ŋkpɔ mbaŋa nsana-ido, enɔ ekɔm esie, ye ndaha spirit esie. Enye ama ɔnɔ utiŋ-ikɔ inikiet ibuot-ikɔ edide “Nam Ndaha Obot Fo Ɔyɔhɔ.” Oro ekpewut mi ete ke enye ama anam ndaha obot esie enehede ɔyɔhɔ akan nte owo ekemede ndikere ke eyenam. Enye ekedi ɔyɔhɔ eyen-aŋwan eke Abasi, wan emi edide uwutŋkpɔ eke Christ. Ami ŋkedi ɔfɔn-iso nkan kotu irenowo ndidu isua Ata eke uwem mi ye enye. Ndi ami ŋkpɔdɔhɔ ke mmodot, edidian nnyin ɔtɔkiet ɔwɔrɔ ke ami mmekeme ediduŋ ke nsinsi ye enye.

Ifiɔk-ukpep efen ɔkɔtɔŋɔ 48 hours ke ema ekekure edibuk ŋwan mi. Ke ini oro, ema eda mi usɔp-usɔp eka ufɔkibɔk ke ata ndaha ndiɔk-idem. Ami ndien ndibiat akpa udua inaŋ eke udua itiokiet eke ami nkodude do ke ediduk ye ediwɔrɔ ke akpan itie use-idem ye ke mfiɔkde-idem mi ye mifiɔkke.

Ata ofuri ifiɔk-ukpep mi ke ufɔkibɔk ke akpa ini oro ama osop ke ibuot mi. Ŋkpɔ se mi sopke edi ke mmeti nte nsaŋade ke anwa-esien ufɔkibɔk oro, ŋka se ibietde edikpere nsinsi. Ami ŋkemeke nditiŋ ɔyɔhɔ-ɔyɔhɔ mbaŋa ifiɔk-ukpep oro mi, edi ami mmekme editiŋ nte ke ubak ŋkpɔ se ami ŋkebɔde ekedi item kiet man mfiak nka utom mi ye akwa udɔŋ, akwa nsinifik, akwa ntiŋ-enyin ke Andinyaŋa, akwa mbuɔtidem ke ikɔ Esie.

Ami nditreke edi mmokop ke ami mma mbɔ nnɔ idem mi eriyarare emi ekenɔde Eboho Duopeba ke ekperede isya Ikie-iba emi ekebede ke:

“Afo eyetie ntiense abaŋa enyiŋ mi … [onyuŋ] ɔdɔŋ ikɔ mi aka ke mme utit isɔŋ. …

“… Usenubɔk ke usenubɔk; ndien kusen kusen yak uyo ikpan fo aka iso; ndien kini okoneyo edide kuyak mme andiduŋ isɔŋ ekpa-mba, oto ke ikɔ fo. …

“Dahada[,] … mmen cross fo, [yuŋ] tiene mi.”

Ndima nditɔ-eka mi iban ye iren, tɔŋɔde ke ifiɔk-ukpep oro, ami mmedomo ndimen cross mi mfɔn-mfɔn, ye akwa ubiere man ŋkut ebiet eke ami mkpedibede uyo isuŋutom kiet eke inemesit ye ikpan ke usenubɔk, ke uwemeyo, nyuŋ nkesim okoneyo.

Oro ada mi ekesim ndaha ita akpanikɔ emi okodukde edi ke mme ɔfiɔŋ unana, udɔŋɔ, ye iduɔesit oro. Oro ekedi obufa ntiense eke anana-utit ekɔm nnɔ uyɔhɔ-esit akam eke Ufɔk Abasi emi—akam mbufo—eke ami nkedide andibɔ. Ke nsinsi ami nyenɔ ekɔm ke mkpe-ubɔk eke ediwak tɔsim mme owo emi, ebietde afina-idem ebekpa oro, akafiakde oyom mkpe-ubɔk eke heaven ke ibuot mi. Ami mma mbɔ edidiɔŋ itie-oku, ami nyuŋ nkut ŋka mbon ufɔkŋwed secondri mi enamde utre-udia enɔ mi, nte ediwak mme ward ekenamde ke Ufɔk Abasi. Ndien enyiŋ miakpana okodu ke ŋwed akam eke ekeperede edi-di ofuri temple ke Ufɔk Abasi.

Ke ata esit-ekɔm mi ke ofuri emi, ami mmediana ye G. K. Chesterton, emi eketiŋde inikiet “ke ekɔm edi nkɔŋ-nkan ndaha emi ekerede; ndien … esit-ekɔm edi ndadiana inemesit otode mkpaidem.” Ye okim “ndadiana inemesit otode mkpaidem,” ami mmekɔm kpukpru mbufo nyuŋ ŋkɔm Ete mi ke Enyɔŋ, emi okokopde akam mbufo onyuŋ ɔdiɔŋ uwem mi.

Nditɔ-eka irenowo ye iban, nnɔ ikɔ-ntiense ke Abasi esikop ofuri akam emi nnyin ibɔŋde onyuŋ ɔbɔrɔ mmɔ kiet-kiet nte asaŋade ke usuŋ emi Enye ekenimde ɔnɔ mfɔnmma nnyin. Ami mmeti ke ekeperede ukem ini oro ke ediwak owo ekebɔŋ akam eyom ami ndifiak nnyene nsɔŋidem, ukem ibat kiet esinede ami ikibɔŋ akam iyom ŋwan mi edifiak nnyene nsɔŋidem. Ami nnɔ ikɔ-ntiense ke ama ekop akam mbiba oro enyuŋ ibɔrɔ otode edisana enyene esit-mbɔm Ete Heaven, kpa ke mme akam eke Pat iki dige ibɔrɔ ke usuŋ eke ami nkebupde. Oro edi ɔnɔ ntak emi Abasi kpɔt ɔfiɔkde nte esibɔrɔde mme akam isio-isio akan nte nnyin idoride-enyin—edi ami ŋwɔŋɔ nnɔ mbufo ke ekop akam oro enyuŋ ebɔrɔ mmɔ nte asaŋade ye akwa ima ye akpakip edikem-ini Esie.

Edieke nnyin “ibupde inyuŋ inamke ndudue,“ iduhe adaŋa ke ini, ebiet, mme kabaŋa ŋkpɔ se nnyin ikpibɔŋde akam iyom. Nte asaŋade ye eriyarare, nnyin inyene ndi “bɔŋ akam ke ofuri ini.” Amulek ete, Nnyin inyene edibɔŋ akam nnɔ “mbon edude ke ŋkan-nkuk mbufo,“ ye edinim ke “mkpe-ubɔk ndinen [owo] enyene odudu eti-eti ndinam ŋkpɔ.“ Akam nnyin akpana ɔwɔrɔ-uyo kini nnyin inyenede ufaŋ edibɔŋ mmɔ ntre. Edieke oro mifɔnke, enyene edibɔŋ mmɔ ke suŋ-suŋ ikɔ eke esit nnyin. Nnyin imikwɔ ke akam nnyin edi “[mme] idiɔŋɔ eke ndedibe ikaŋ,” anade ibɔŋ kpukpru ini, nte asaŋade ye Andinyaŋa ke Idemesie, inɔ Abasi Nsisnsi Ete ke enyiŋ eke Ikpɔŋ-ikpɔŋ Eyen Esie.

Ndima ufan mio, akam nnyin ini nnyin emi enemde akan, ata akpan “udɔŋ esit nnyin” ndimem, nsana-mma ndaha ntuakibuot nnyin. Nnyin ninyene edibɔŋ akam owo ke owo, ke ufɔkemana nnyin, ye ke otuowo eke ofuri ndaha. Nnyin inyene edida akam nte ŋkpɔ-ekɔŋ mbak idomo, edieke odude ini ekededi emi nnyin ikopde editre edibɔŋ akam, nnyin imikeme edinim ke editre oro idige ito Abasi, emi oyomde edinyene nneme ye nditɔ Esie ke ini ekededi ye ke ofuri ini. Ke akpanikɔ, ubak ukeme emi akpande nnyin edibɔŋ akam enehede oto andidiɔk. Ini emi nnyin mifiɔkke ntak mme ata ŋkpɔ eke nnyin ikpibɔŋde akam inɔ, nnyin inyene nditɔŋɔ, ndien ika-iso ibɔŋ akam, tutu Edisana Spirit ada nnyin usuŋ nnyin ekesin ke akam emi nnyin ikpibɔŋde. Usuŋ emi ekeme edide usuŋ eke nnyin ikpinamde kini nnyin ibɔŋde akam ibaŋa mme asau nnyin ye mbon eke enamde nnyin isin-enyin.

Ke akpatre, nnyin imikeme edise uwutŋkpɔ eke Andinyaŋa, emi ɔkɔbɔŋde akam ke ata ediwak ini. Edi esidi ata mkpaidem ŋkpɔ ɔnɔ mi ke Jesus ama enyene udɔŋ ndibɔŋ akam kini-kini. Ndi Enye Ikidige andifɔn-mma? Kabaŋa ewe ŋkpɔ ke Enye ɔkɔbɔŋ akam abaŋa? Ɔfɔn, ami mmedifiɔk ke Enye ŋko, diana nnyin, okoyom ndi “yom iso [Ete], nim ikɔ esie, nyuŋ mbuɔtidem ke mfɔn Esie.” Ini ke ini, Enye ama ɔwɔrɔ ɔkpɔŋ mbon obio man ekedu ikpɔŋ mbemiso akaduak heaven ye akam Esie. Ndien ke mme ini efen, Enye eyebɔŋ akam ke eboho ye esisit nsaŋa esie. Ekem Enye eyeyom heaven ɔnɔ ediwak owo emi edinade eyɔhɔ mben obot. Ubak-ini akam ama anam ɔfɔŋidem Esie enyene ubɔŋ. Ubak-ini akam ɔkɔnɔ ɔkpɔ-isɔ Esie ubɔŋ. Ubak-ini Enye eyeda man ɔbɔŋ-akam, ubak-ini Enye eyetɔŋɔ-edɔŋ, ndien kini kiet Enye ama ɔkɔbi iso Esie ke akam.

Luke emen owut nte Jesus odukde ke usɔp Esie emi oyomde Enye “ndisɔŋɔ mbɔŋ akam.” Didie ke owo emi ɔfɔnde edisɔŋɔ ibɔŋ-akam? Nnyin ikere ke ofuri akam Esie ekedi ɔkpɔsɔŋ, edi ke edi-nam uwa isop Esie ŋkure ye otode ke ubiak emi ekesimde ofuri adaŋa esie, Enye ama enyene udɔŋ edinehede mkpe-ubɔk, diana udobi eke enɔ Esie ke akpatre anamde iyip ediwɔrɔ ke ofuri ndudu-idem.

Kabaŋa akpatre Christ edikan mkpa ye mmi-mmi enɔ Esie esɔk mi ke edidu uwem ke esisit udua mme ɔfiɔŋ ke isɔŋ, ami nnɔ ata ntiense kabaŋa akpanikɔ eke uwem nsinsi ye ufɔn ke nnyin edisin-idem ke uduak nnyin nnɔ nsinsi uwem.

Ami ndi ntiense ke ini Christ edidide, Enye eyediɔŋɔ nnyin idige nte mbon ufɔk Abasi emi ebatde ke nyemede ŋwed uduɔkmmɔŋ edi nte mme andisin-ifik, nim ke akpanikɔ, enim-ediomi mbet. Emi edi ata akpan ŋkpɔ ɔnɔ kpukpru nnyin, mbak nnyin idikop idiɔk eseme ete: “Akananam ami mfiɔk-ke fi,” mme, nte Joseph Smith akakabare udim-ikɔ oro, [“Afo] akananam ufiɔk-ke mi.”

Ke mfɔniso, nnyin iminyene uŋwam inɔ ubiɔŋ emi—ediwak uŋwam. Nnyin inyene edinim mme angel ye utibede ŋkpɔ ye mme eŋwɔŋɔ edisana itie-oku ke akpanikɔ. Nnyin inyene edinim ke enɔ Edisana Spirit, odudueke nti ufɔkemana ye mme ufan, ye odudu eke edisana ima Christ ke akpanikɔ. Nnyin inyene edinim eriyayare, ye mme prophet, okut-ŋkukut, ye mme andiyarare ye President Russell M. Nelson ke akpanikɔ. Nnyin inyene edinim ke akam ye mkpe-ubɔk ye edinen-ido eke idem nnyin ke nnyin imikeme edidɔk nka “Obot Zion, … obio eke odu-uwem Abasi, ebiet heaven, emi asanade akan kpukpru ŋkpɔ.”

Nditɔ-eka irenowo ye iban, nte nnyin ikabarede-esit ke mme idiɔkŋkpɔ nnyin inyuŋ isɔŋɔ ibine “ebekpo mfɔn ,” iyak ebeŋe ye mme uyɔhɔ esit mkpe-ubɔk nnyin inim kiso Esie, nnyin iyekut mbɔm ye erifen-nnɔ ke ubɔk-mfɔn eke Ete Nsinsi ye okopitem, nsana mfɔnmma Eyen Esie. Do, diana ye Job ye kpukpru nti mbon mbuɔtidem, nnyin iyekut ererimbot “emi enehede eye” akan nte ekpefiɔkde. Ke enyiŋ Jesus Christ, amen.