Ekemek Fi Enim ete Edinwam

Mbubreyo emi, Ami nting ikɔ nnɔ mme iwaad Ufɔk Abasi, mbufa emana eke mkparawa ye nkaiferi emi edide mme akama ndaha eke udiana emana.

Ke Ɔfiɔŋ Duop isua 2013, edima prophet nnyin, President Russell M. Nelson ama ɔdɔhɔ ete: “Ete fo eke Heaven ama ɔfiɔk fi ke ata anyan ini. Afo, nte enyen Esie eren mme anwan, Enye ama emek fi edi ererimbot ke ata ini emi, edidi ada usuŋ ke akwa utom Esie ke ererimbot.”¹

Ke isua iba emi ebede, President Nelson ama aka iso eting ete:

“Mfin ami mmotim mfiak nsɔngɔ nte ke Ɔbɔŋ ama ebenge kpukpru mkparawa emi edotde, enyuŋ ekemede ete ebeŋe idem enyuŋ eka utom ukwɔrɔ-ikɔ. Utom ukwɔrɔ-ikɔ edi ubiɔŋ utom itie oku eke mkparawa ufɔk Abasi. Ekenim mbufo mkparawa irenowo enɔ ini emi eke enwongo editang Israel mbok adade itie.…

Mbufo nkaiferi emi enyenede ukeme, utom ukwɔrɔ-ikɔ edi akwa ifet, edi emekeme ndimek nte amade Bɔŋ akam man ɔfiɔk mme Ɔbɔŋ oyom fi aka utom ukwɔrɔ-ikɔ, ndien Edisana Spirit enye ɔnɔ ibɔrɔ ke esit ye ekikere fo.”²

Ke Prophet nyin nditiŋ nte ke Ɔbɔŋ eke yak iwaad edi ereimbot idahaemi enamde utom nditaŋ Isreal mbok ye ikoot Esie ete ebɔŋ akam man efiɔk se Ɔbɔŋ oyomde fi anam, ke ubak kiet, abaŋa uwem emi afo okodude ye mme edidiɔŋ emi afo ɔkɔbɔde oto Abasi mbemiso afo edimana ke ererimbot emi.³ Kpukpru nnyin emi imanade ke ererimbot emi ima ibemiso idung ye Ete Heaven nte ndito spirit Esie.⁴ Ɔbɔŋ ama ɔdɔhɔ Moses ete,“Ami, Ɔbɔŋ Abasi mma mbot kpukpru ŋkpɔ … ke spirit, mbemiso mmɔ edidu ke iso isɔŋ.”⁵

Kini Enye eke obotde fi ke Spirit, Enye ama fi nte enyen eren mme eyen-anwan spiirit Esie onyuŋ ɔnɔ mbufo kiet kiet edisana uduot ye nsinsi akaŋa.⁶

Ke uwem emi afo okodude mbemiso afo edi ererimbot, afo “ama ɔkɔri uduot fo onyung anam mme ukeme eke spirit fo ɔtɔt.”⁷ Ema enɔ fi enɔ mbumek, ukeme ndimek nnɔ idem fo, ndien afo ama anam mme nti mbumek, utɔ nte mbumek nditiene uduak inemesit eke Ete Heaven, emi edide ndibɔ ikpɔkidem nyuŋ nyene ifiɔk mbaŋa uwem Ererimbot man ɔkɔri … ndien ke akpatre ekeme ndikut edisana akaŋa [fo] nte adiakpa eke nsinsi uwem.”⁸ Mme mbumek emi ama otuk uwem fo ke ini oro, ndien enye ke akakaiso ndituk uwem fo idahaemi.⁹ Nte enyen Abasi emi okodude uwem mbemiso uwem isɔŋ, afo ama ɔkɔri ke ɔniɔŋ ndien ama onyung ekpep ndima akpanikɔ.”¹⁰

Mbemiso afo amana, Abasi ama emek mbufo kiet kiet ndinam saŋa-saŋa utom kini uwem fo ke isɔŋ.¹¹ Edieke afo akade iso ndidu uwem nte odotde, mme edidiɔŋ emi ekenɔde fi ke uwem okodude mbemso uwem isɔŋ enye wam fi ndiyene kpukpru nti ifet ke uwem emi, nkɔrɔ ye ifet ndiwam ke utom Ufɔk Abasi nyuŋ mbuana ke ata akpan utom emi akade iso ke ererimbot mfin emi: utom nditang Isreal mbok.¹² Mme enwɔngɔ ye mme edidiɔŋ emi ɔkɔbɔde ke uwem okodude mbemiso uwem ererimbot emi ekere edimek-nnim. Akwa-ukpep eke edimek-nnim abaŋa kpukpru mbon Ufɔk Abasi.¹³ Edimek-nnim idige ubiɔŋ ete ke afo eyebɔ saŋa-saŋa ikoot mme ubiɔŋ utom. Mme edidiɔŋ ye mme enwɔŋɔ emi edidi ke uwem emi ke ntak nti mbumek fo, kpa nte edimek-nnim fo ke uwem okodude mbemiso uwem isɔŋ ekedide ke ntak edinen ido fo.¹⁴ Nte afo akade iso ndidu uwem nte odotde onyung ɔkɔri ke usuŋ ediomi, afo eyebɔ nti ifet ndinam utom ke ubet ukpeb mme Nkaiferi Iban mme ke eboho itie oku. Afo eyebɔ edidiɔŋ ndinam utom ke temple, ndidi enyenete mme enyeneka unwam, onyuŋ anam utom ukwɔrɔ-ikɔ nte mbet Jesus Christ.

Ntak emi edide akpan nkpɔ afo ndiyom ndifɔk mbanga edimek-nnim fo? Ke usen emi mme mbume awakde, kini emi ediwak owo eyomde ndifiɔk ata uduot mmɔ, ndifiɔk nte ke Abasi ɔfiɔk onyung ɔdiɔŋ nyin kiet kiet mbemiso nyin imana ke ererimbot emi ye “akpan-akpan edu eke… uwem ikidude mbemiso uwem isɔŋ, eke uwem isɔŋ, ye eke nsinsi idiɔŋɔ ye uduak” ada imem emem ye ɔsɔŋɔ edi ke ekikere ye esit nyin.¹⁵ Ndifiɔk owo emi afo edide ɔtɔŋɔ ye ndifiɔk edidiong eke edimek-nnim emi Abasi okonode fi mbemiso afo edimana ke isong. Ete Heaven nyin oyom ndiyarare nno fi edimek-nnim fo, ndien enye eyenam ntre nte afo oyomde ndikpeb nyung ntiene uduak Esie.¹⁶

Ami mmama ndikot se President Nelson esinde ke instagram. Kiet ke otu emi ntimde mma ekedi ke July 20,2022. Enye ewet ete:

Ami mmenim nte edieke Obong ekpe etingde iko ono fi iso ye iso, akpa nkpɔ enye ekpe okut ete ke afo emetim ɔfiɔk ata uduot fo. Ndima ufan mi, mbufo edi ndito Spirit Abasi. …

“… Ekunam ndudue: Odudu mbufo edi edisana. Ye ntim-nyom mbufo, Abasi eyewut ata esisit se afo ekemede ndidi.”¹⁷

Yak Ami mbuana ye mbufo nte ete mi ke isɔng eke kpebde mi nte nkemede ndifiɔk uduot mi ye uduak Abasi ke uwem mi.

Usen ubɔk saturday kiet ini Ami nkedide enyen isua duopita, ami nketem mbiet nte kiet ke mme utom nsinamde ke ufɔk kpukpru urua. Kini Ami nkurede, ami nkop nte eberide usung ufɔk ke esa ufok nyin ndien ami nkut nte ete mi okotde mi ete ndisobo ye imɔ. Ami mma nsanga nka edem esa, ndien enye ɔdɔhɔ mi ete ntie ye imɔ ke mbot esa. Enye ekedi ediye usenubok kiet. Ami nsuk nteti nte enye etiede ekpere mi ndien afara nyin otuk kiet eken. Enye ama ɔtɔŋɔ ke ndidɔhɔ mi ke imɔ imema mi. Enye ama obup Mi mme nso idi utit uduak mi ke uwem. Ami mma nkere, “ɔfɔn, oro edi mmem-mmem mbume.” Ami mma mfiok nkpɔ iba ke akpan: Ami nyom ndi neghede nniɔŋ, ndien ami nyom ndika nna-ekɔŋ ediwak ini. Ami nkedi sung-sung ukpɔŋ. Enye ama asak imam ke ekpri ini, ndien ɔdɔhɔ ete: “Steve, Ami mkpema ndibuana nkpɔ kiet ye afo emi edide ata akpan nkpɔ ɔnɔ mi. Ami mma nbɔŋ akam nte yak Ete Heaven nyin anam se nditingde emi otim ewere to esit fo ye ke ukpoŋ fo man afo ukufre enye.

Ete Mi ama enyene ofuri mkpangutɔŋ mi ke ini oro. Enye ama ɔnwɔngɔre ese mi ke enyin onyuŋ ɔdɔhɔ ete, “ Enyen, kpeme mme ndibe ini ke uwem fo. Anyan ndop inua ama odu nte enye ayakde se iko oro ɔwɔrɔde osuhɔre oduk mi ke esit.

Ndien Enye ama akaiso nditing: “Nte ɔfiɔkde, mme ini oro afo odude ikpɔŋ ndien owo efen ifioke se anamde? Ke mme ini oro afo ekerede ete ‘se ami nnanam idahaemi ifanake owo ndomokiet ke mme ibɔhɔke ami kpɔt’?”

Ndien enye ɔdɔhɔ ete, ke akande ini efen ekededi ke uwem fo, se afo anamde ke ndibe ini ke uwem fo enye enyene ata akwa ntuaha ye nte afo anwanade ye mme mfina ye afanikɔŋ emi afo udukutde; ndien se afo anamde ke ndibe ini ke uwem fo enye enyene nko akwa ntuaha ke nte afo anwanade ye mme unen ye idara emi afo udukutde akan kpukpru ini efen ke uwem fo.

Ete Mi ama ɔbɔ udɔng esit esie. Uyom uyo ye nsuk-uyo esie, ye ima emi ami nkekopde ke mme ikɔ esie, ama otim ewere ke esit ye ukpɔng mi usen oro.

Ami mma kpeb ke mme isua ebede nte ke nkpon-nkan utibe nkpɔ usen oro ke mbot esa ufɔk uyen mi ekedi, ke ndibe ini ke uwem mi, Ami mmekeme ndibine Abasi ke akam man mbɔ eriyarare. Ete mi eke kpeb mi nte Ami nkemede nditkpeb mbanga edidiɔŋ mmek-nnim eke Abasi. Ke mme ndibe ini oro, Ami mmakpeb nte ke Nwed Mormon edi iko Abasi. Ami mma kpeb nte Abasi ekemek mi enim man nka utom ukworo-iko. Ami mma kpeb nte ke Abasi ofiok mi ndien okop onyuŋ oboro akam mi. Ami mma nkpeb nte ke Jesus edi Christ, Andiyanga ye Andifak nnyin.

Okposukedi nte Ami mma nnam ekese ndudue tɔŋɔ ke usen oro mmedifreke ye ete mi, ndinam ukeme ndikpeme mme ndibe ini ke uwem mi osuk edi ɔsɔŋɔ ke ufɔt oyobio uwem ndien enye anwam mi ndiyom ebiet ubɔhɔ ye edikɔk, ɔsɔŋɔ edidiong eke ima Andiyanga nyin ye uwa usio isop.

Mkpri nditɔ eka iban ye iren mi, nte afo ekpemede mme ndibe ini ke uwem fo ye nti edinam nduok-odudu; ndikop nti ikwɔ; ndikot nwed ikoabasi; nbɔŋ akam ke eti usung kpukpru ini, anwana ukeme ndibɔ nyung nkere mbanga edidiɔng eke patriarch fo, afo eyebɔ eriyarare. Ke ikɔ President Nelson, enyin fo eye otim atara ɔnɔ akpanikɔ ete ke uwem emi ke akpan edi ini emi afo enyenede ndimek utɔ uwem emi afo oyomde ndidu ke nsinsi.”¹⁸

Ete Heaven nyin eyebɔrɔ akam fo, akpan-akpan akam emi afo ɔbɔŋde ke ndibe ini ke uwem fo. Enye eye ayarade ɔnɔ fi mme enɔ ye ifiɔk eke mmek-nnim fo, ndien afo eyekop nte ima Esie ofukde fi, edieke afo otimde oyom ndifiɔk. Nte afo ekpemede mme ndibe ini ke uwem fo, afo enye abuana ke mme edinam ikɔabasi ndien mme ediomi ikɔabasi enye otim enyene ufɔn ɔnɔ fi. Afo eye ɔbɔp idem fo ɔyɔhɔ-ɔyɔhɔ adian ye Abasi ke mme ediomi emi afo anamde ye Enye, ndien eyemenere fi enɔ akwa idoroenyin, mbuɔtidem, ye ɔsɔŋɔ ke mme enwɔŋɔ emi Enye anamde ɔnɔ fi. Ndi afo omoyom ndifiɔk uduak emi Abasi enyenede ɔnɔ fi? Ami ntie ntiense nte ke Enye oyom fi ɔfiɔk, ndien enye ama ɔnɔ prophet Esie ntuk ete aka ererimbot man okoot nyin kiet kiet ndibɔŋ akam nyung mbɔ ntat-enyin ifiɔk nnɔ idem mbufo.¹⁹ Ami ntie ntiense mbaŋa akpanikɔ ye odudu uwa usio isop eke Andiyanga emi anamde enye edi mmem-mmem ndidu uwem ntiene nyoŋ nkop inem ke kpukupru mmek-nnim edidiɔŋ Abasi, ke enyiŋ Jesus Christ, amen.