Akwa Mboho
Ke Ediŋwam Obufa Emana
Akwa Mbono eke ɔyɔhɔ Ɔfiɔŋ Inaŋ 2024

Ke Ediŋwam Obufa Emana

Etop otode Brother Michael T. Nelson

Udiana Ɔnɔitem ke General Presidency eke Young Men

Edi mme ebuana ke uwem eke iwaad edinyene mkpon-nkan odudu ke mbumek mmɔ.

Ke mbeŋeke editiŋ ikɔ nnɔ mbufo, ami mmekere ŋkesim mbuk Helaman ye mkpri nditɔ-iren eke mbon Ammon. Ami mmekop odudu eke mme prophet Ŋwed Mormon ekpepde mme ete ye eka, mme bishop, ye mbon ward ke nte ekotde mbuk emi.

Helaman ekedi erenowo eke mkpri mbon Ammon ekemede edibere edem ke idem esie. Enye ama aŋwam mmɔ ndikɔri nyuŋ mkpon ke edinen ido. Mmɔ ema ediɔŋɔ enyuŋ ema enye ndien “ekpenyime ete [enye] edi-di adausuŋ mmɔ.”1

Helama ama-ma mkpri irenowo emi nte nditɔ-iren esie onyuŋ okut ndaha ŋkɔri mmɔ.2 Elder Dale G. Renlund ekpep ete ke edinehede nam ŋkpɔ nnɔ mbon efen nnyin inyene edikut mmɔ … oto ke mme enyin eke Ete Heaven. Do kpɔt ke nnyin ikeme editɔŋɔ ndiɔŋɔ ata ufɔn emi ukpɔŋ enyenede. Do kpɔt ke nnyin ikeme edikut ima emi Ete Heaven enyenede ɔnɔ ofuri … nditɔ Esie.”3 Mme bishop mfin enyene ukeme edidiɔŋɔ ŋkut edisana ndaha eke iwaad emi mmɔ esede enyin.

Helaman “ama abat”4 mkparawa emi enye ekesede enyin. Enye akada edibɔp ɔsɔŋɔ ebuana ye mmɔ nte akpa-akpan ŋkpɔ.

Ke ɔkpɔsɔŋ ini kini uwem ye mkpa ɔkɔŋɔde ke udomonkpɔ, Helaman ye mkrpri mbon-ekɔŋ esie ikikwe udim-ekɔŋ emi ekebinede mmɔ. Helama edineme ye mme iwaad oro ete:

“Sese, nnyin ifiɔkke edi mmɔ emetre edisaŋa man otodo nnyin isaŋa ikiŋwana ye mmɔ, …

“Ke ntre nditɔ mi, mbufo edɔhɔ didie … ?”5

Nti mkparawa emi ekebɔrɔ ete, “Ete, sese Abasi nnyin odu ye nnyin, ndien enye idinyimeke man nnyin iduɔ; ke ntre yak nnyin ika iso.v6 Mmɔ ema ekan ekɔŋ eke usen oro, nte Helaman akaŋwamde mkparawa emi ke ubiere mmɔ7 ke ndi-nam ŋkpɔ.8

Mkpri mbon Ammon ema enyene akwa ntak enyuŋ esɔŋɔ-eda ke “uŋwam eke ikɔt mmɔ.”9 “Ekpri udimekɔŋ emi,” Helaman akadade usuŋ, ama esin “akamba idorenyin ye akwa idara”10 ke esit eke enyene-ifiɔk mbon-ekɔŋ Nephi. Mme bishop mfin emi ekeme ediŋwam mme asaŋa-asaŋa nti iwaad ke ndidiɔŋ ward oro nyuŋ ntaŋ Israel mbook. President Russell M. Nelson ekekpep ke emi edi iso-utom emi “ekedɔŋde [mmɔ] ete edi-nam ke isɔŋ.”11

Ukem nte mkpri mbon Ammon emi ekenamde “akpanikɔ ke kpukpru ini ke ŋkpɔ ekededi emi edɔŋde mmɔ,”12 Helaman ama enehede etiene mme adausuŋ esie. Ibeheke sutɔ afanikɔŋ mme ubiɔŋɔ, Helaman ke kpukpru ini “akanam ŋkpɔ ye nsinifik”13 ndinam uduak mmɔ ɔwɔrɔ osu. Ini emi eketemede enye ete “asaŋa aka iso ye mkpri nditɔ [esie],v14 enye anam ntre.

Iwaad mfin efɔn-iso nte mme bishop etienede item eke mme adausuŋ mmɔ man eneme ye [mme] adaibuot Nkaiferi Iban ke ward.15 Mme stake president eteme mme bishop ye mme adaibuot Nkaiferi Iban ke ndinam ubiɔŋ-utom mmɔ nnɔ mme iwaad.16

Helaman ama okpono ediomi. Ini emi Ammon ekpepde gospel ɔnɔ mme ete ye eka eke mkpri mkparawa oro, mme ete ye eka emi ekebɔ oro ke ofuri esit. Mmɔ ema enehede enyime edidu obufa edinen uwem eke owo mbet esinde mmɔ enam ediomo “ndiyak ŋkpɔ-ekɔŋ eŋwan mmɔ nim.v17 Nkokure ŋkpɔ emi akanamde mmɔ ekere edibiat ediomi oro, ndifiak nka akani ido ediŋwana eŋwan, ekedi ndikut mbon Nephi nte edude ke afanikɔŋ.

Mbon Ammon ema eyom edinwam mbon owo emi ekenɔde mmɔ itie iduŋ. Helaman, diana ye mbon efen, ekekpe mmɔ ubɔk ete enim ediomi mmɔ ekufiak ekeŋwana. Enye ama enehede enim ke ɔsɔŋɔ emi Abasi edinɔde akan ɔsɔŋɔ eke mbon Ammon emi ekemede edinɔ ke mme eduat ye idaŋ mmɔ.

Ini emi Helaman ye mkpri aŋwana-ekɔŋ esie esobode ye ikpɔ afanikɔŋ, Helaman ama enyene iwuk. “Sese, ibeheke se ididide—nnyin iminim ke Abasi eyenyaŋa nnyin.”18 Ke ndaha kiet, ini emi mmɔ eketiede biɔŋ ekpere mkpa, ibɔrɔ mmɔ ekedi “ndiyak ukpɔŋ mmɔŋ ke akam nnɔ Abasi, ke enye eyesɔŋɔ [mmɔ] idem onyuŋ anyaŋa [mmɔ]; … ndien Abasi … ama ekese [mmɔ] ye ɔsɔŋɔ-ikɔ ke enye eyenyaŋa [mmɔ]”19 “otode ke akwa mbuɔtidem emi ekekpepde mmɔ ete enim.”20

Nnyin imikpep ito Helaman ke mme ete eye eka mkparawa emi ema eŋwam mmɔ. Nti ete ye eka emi ema ediɔŋɔ ke mmɔ enyene akpa ubiɔŋ ke edikpep nditɔ mmɔ. Mmɔ ema ekpep nditɔ mmɔ ndinim ibet nyuŋ “nsaŋa nnen-nnen”21 kiso Abasi. Eka mmɔ ema ekpep mmɔ “ete edieke mmɔ miyikke, Abasi eyenyaŋa mmɔ.”22 Ete mmɔ ema enim ɔsɔŋɔ uwutŋkpɔ eke edinam ediomi.23 Ŋkani aŋwana-ekɔŋ emi ediɔŋɔ mme ndik eke ediŋwana-ekɔŋ. Mmɔ ekeyak mme anana-ifiɔk ndito iren mmɔ esin ke ubɔk Helaman ndien eŋwam mmɔ ke edinɔ “ediwak udia esɔk mmɔ.”24

Helaman ikidaha ikpɔŋ nte enye anamde-ŋkpɔ ɔnɔ mkpri mbon-ekɔŋ esie. Enye ama enyene mbonowo emi ekedude ye enye emi enye ɔkɔŋwɔŋɔde ese oyom uŋwam ye ndausuŋ oto. Enye ama ebine Etubom Moroni oyom uŋwam, ndien uŋwam ama edi.

Iduhe owo emi anamde ŋkpɔ ke obio-ubɔŋ Abasi emi anamde ikpɔŋ. Abasi ɔdiɔŋ nnyin ye mme ward ye stake. Otode mfiak-men-ndi ŋka Esie, nnyin iminyene ŋkpɔ-uŋwam, ikikke, ye ifiɔk ndisobo ye afanikɔŋ ekededi.

Bishop kiet ɔnɔ ward ndausuŋ oto ke mme esop.25 Enye eyedɔŋ nduŋɔre edinɔ-uŋwam kwa-ɔfiɔŋ-ita ndien ekem eteme eboho elders ye Relief Society ete enam ubiɔŋ-utom mmɔ enɔ mme ufɔkemana. Mme presidency emi eda usuŋ ke edise mme unana ndien edinɔ nti ibɔrɔ. Mme stake president enɔ uŋwam ke edikpep mme presidency eke eboho elders ye Relief Society nte enamde ubiɔŋ-utom emi.

Ekut ndausuŋ emi ediyomde enɔ mme adausuŋ ye mme ete ye eka ke mme apps eke Gospel Library ye Gospel Living. Ke mme nti ŋkpɔ-uŋwam emi, nnyin imikeme edikut mme itie ŋwed Abasi, ukpepŋkpɔ eke mme prophet ini emi, ye Akamba Ŋwed Ndutum. Itie eke Iwaad ke Gospel Library enyene ediwak ŋkpɔ-uŋwam ɔnɔ eboho ye class presidencies26 ndien enyene emi Enɔde ke Nsɔŋɔnda eke Iwaad: Ndausuŋ ke Ndinam Mbumek. Nte ofuri mbon ufɔk Abasi ke ward ekotde nti usuŋ emi enyuŋ eyom uŋwam otode Spirit, Abasi eyeteme kpukpru owo ke nte ediŋwamde mme iwaad.

Akpakip ward eyebɔ edidiɔŋ ye ɔsɔŋɔ ke nte mbon ufɔk Abasi ediŋwamde obufa emana emi. Kesioho unana-mfɔnmma ye ndudue nnyin, Ete ke Enyɔŋ okot nnyin owo kiet-kiet, oto ke nsaŋa Spirit Esie, ndiŋwam mbon efen. Enye ɔdiɔŋɔ ke nnyin imikɔri enyuŋ inam-isana ke nte nnyin itienede mme nduari Edisana Spirit.27 Ibeheke mme ukeme nnyin ifɔnke-ima. Ini emi idaianade ye Abasi, nnyin imikeme ndinim ke ukeme nnyin eyesaŋa ukem-ukem ye se Enye ekpenamde ɔnɔ mme iwaad.

Ke editiene ndausuŋ Edisana Spirit ke ediŋwam mme iwaad, nnyin ikabare idi mme ntiense ima emi Ete ke Enyɔŋ esinde ke uwem mmɔ. Ndinam ntiene nduari emi otode Abasi eyebɔp mme ebuana ima ye iberedem. Edi mme ebuana ke uwem eke iwaad edinyene mkpon-nkan odudu ɔnɔ mbumek mmɔ.

Iwaad eyekpep usuŋ eriyarare ke nte mmɔ ebuanade ye nnyin ke usuŋ ediyom nyuŋ nam ŋkpɔ ntiene mme nduari ke ndinam ŋkpɔ nnɔ mbon efen. Nte iwaad ewɔŋɔde etiene Abasi enɔ eti ndausuŋ emi, ebuana ye iberedem mmɔ ke Enye eyekpon.

Nnyin imiwut uko nnyin inɔ iwaad ke ndinɔ uŋwam ye ndausuŋ ke nnyin mimenke utom mmɔ inam.28 Nte nnyin ikpɔŋde ndien iyak iwaad ekpep ke edineme ɔtɔkiet, emek eti usuŋ, ndien eda uduak mmɔ esin ke utom, mmɔ eyenyene ata idara ye ŋkɔri.

President Henry B. Eyring ekpep ke “se idinyene ata ufɔn edi se mmɔ ekpepde eto [mbufo] kabaŋa oruk owo eke mmɔ etimde edi ye se mmɔ ekemede edikabare ndi. Ekikere edi ke mmɔ idikpepke ediwak ŋkpɔ oro ito ukpep eke ufɔkŋwed. Mmɔ edinyene oro ito mme ekikere eke owo emi afo edide, owo emi afo ekerede ke mmɔ edide, ye se afo ekerede nte mmɔ ekpekabare edi.”29

Iwaad nnyin enam enem nnyin esit ke uko, mbuɔtidem, ye ukeme mmɔ. Nte mmɔ emekde ndidi mbet Jesus Christ ɔyɔhɔ-ɔyɔhɔ, eyemiŋ gospel Esie esin ke ɔwɔŋ-esit mmɔ. Editiene Enye eyekabare edi ubak ŋkpɔ eke oruk owo emi mmɔ edide, idige ke se mmɔ enamde kpɔt.

Helaman ama aŋwam mkpri mbon Ammon ndikut nte edisɔŋɔ mbet Jesus Christ enamde ŋkpɔ. Nnyin imikeme edidi mme ɔsɔŋɔ uwutŋkpɔ nnɔ iwaad ke nte mbet Christ ekpedude uwem mfin emi. Nti ete ye eka ke ebɔŋ akam eyom mme uwutŋkpɔ emi ke uwem nditɔ mmɔ. Iduhe edinam emi ekemede edida-itie odudu ima, eke akamba-owo emi enimde-ediomi.

Nte president ke eboho mme priest, bishop ekeme edinim uwutŋkpɔ nnɔ iwaad kabaŋa ndi-di anam-akpanikɔ ebe ye edima ete30 oto ke edikpeme, nam-nnɔ, nyuŋ nda-ibuot31 ke ndinen usuŋ. Mme bishop, emi “enehede ese iwaad [oro],”32 eyenyene odudu emi edibighide ke ediwak emana.

Iwaad eke mfin emi edu kotu ata-nti nditɔ-spirit emi33 Ete Heeaven enyenede. Mmɔ ekedu kotu ikpɔ mme andikpeme akpanikɔ ye unen-edimek ke ererimbot premortal.34 Mmɔ ekemana ke eyo mi nditaŋ Israel mbook oto ke ɔsɔŋɔ ntiense emi mmɔ enyenede ke Ɔbɔŋ Jesus Christ. Enye ɔdiɔŋɔ mmɔ kiet-kiet onyuŋ ɔdiɔŋɔ akwa ndaha mmɔ. Enye enyene ime ke nte mmɔ ekɔride. Enye eyefak onyuŋ ekpeme mmɔ. Enye eyekɔk onyuŋ ekpeme mmɔ. Enye eyenɔ mmɔ nti-ifiɔk. Nnyin, mme ete ye eka ye adausuŋ mmɔ, imibeŋe idem ndiŋwam mmɔ. Nnyin iminyene Ufɔk Abasi eke Andinyaŋa ndiŋwam nnyin ke nte nnyin imenede emana efen.

Ami ndi ntiense ke Ufɔk Abasi Christ, emi ekefiakde-emen-edi eto ke Prophet Joseph Smith ye emi President Russell M. Nelson adade usuŋ mfin emi, ke ekesiak ndiŋwam mme iwaad enam akwa uduak mmɔ ediwɔrɔ osu ke mme ukperedem usen emi. Ke enyiŋ Jesus Christ, amen.

Mkpri nwed

  1. Alma 53:19.

  2. “If you choose to, if you want to, … you can be a big part of something big, something grand, something majestic! … You are among the best the Lord has ever sent to this world. You have the capacity to be smarter and wiser and have more impact on the world than any previous generation!” (Russell M. Nelson, “Hope of Israel” [worldwide youth devotional, June 3, 2018], Gospel Library).

  3. Dale G. Renlund, “Through God’s Eyes,” Liahona, Nov. 2015, 94.

  4. Alma 56:55.

  5. Alma 56:43–44.

  6. Alma 56:46.

  7. “Our Heavenly Father’s goal in parenting is not to have His children do what is right; it is to have His children choose to do what is right” (Dale G. Renlund, “Choose You This Day,” Liahona, Nov. 2018, 104).

  8. “As we empower the youth by inviting and allowing them to act, the Church will move forward in miraculous ways” (from a meeting with Elder David A. Bednar; see also 2020 Temple and Family History Leadership Instruction, Feb. 27, 2020, Gospel Library).

  9. Alma 53:22.

  10. Alma 56:17.

  11. Russell M. Nelson, “Hope of Israel,” Gospel Library.

  12. Alma 53:20.

  13. Alma 58:12.

  14. Alma 56:30.

  15. General Handbook: Serving in The Church of Jesus Christ of Latter-day Saints, 7.1.2, Gospel Library.

  16. See General Handbook, 6.7.2.

  17. Alma 23:7.

  18. Alma 58:37.

  19. Alma 58:10–11.

  20. Alma 57:26.

  21. Alma 53:21.

  22. Alma 56:47

  23. See Alma 23:7; 24:17–19.

  24. Alma 56:27.

  25. See General Handbook, 7.1.1.

  26. “As we seek eternal truth, the following two questions can help us recognize whether a concept comes from God or from another source: Is the concept taught consistently in the scriptures and by living prophets? Is the concept confirmed by the witness of the Holy Ghost? God reveals doctrinal truths through prophets, and the Holy Ghost confirms those truths to us and helps us apply them” (John C. Pingree Jr., “Eternal Truth,” Liahona, Nov. 2023, 100).

  27. See Doctrine and Covenants 4:2–4.

  28. “If [our] youth are too underwhelmed [by God’s work], they are more likely to be overwhelmed by the world. … How many deacons and teachers quorums presidencies consist of merely calling on someone to offer a prayer or pass the sacrament? Brethren, these really are special spirits, and they can do things of significance if given a chance!” (Neal A. Maxwell, “Unto the Rising Generation,” Ensign, Apr. 1985, 11).

  29. Henry B. Eyring, “Teaching Is a Moral Act” (address given at the Brigham Young University annual conference, Aug. 27, 1991), 3, speeches.byu.edu.

  30. See “Aaronic Priesthood Quorum Theme,” Gospel Library.

  31. See “The Family: A Proclamation to the World,” Gospel Library.

  32. “It is our hope that bishoprics will give great emphasis and focus to the priesthood responsibilities of young men and help them in their quorum duties. Capable adult Young Men advisers will be called to assist the Aaronic Priesthood quorum presidencies and the bishopric in their duties. We are confident that more young men and young women will rise to the challenge and stay on the covenant path because of this laser-like focus on our youth” (Quentin L. Cook, “Adjustments to Strengthen Youth,” Liahona, Nov. 2019, 41).

  33. “Our Heavenly Father has reserved many of His most noble spirits—perhaps, I might say, His finest team—for this final phase. Those noble spirits—those finest players, those heroes—are you!” (Russell M. Nelson, “Hope of Israel,” Gospel Library).

  34. “The teenager you love may well have been one of the valiant warriors on the side of agency and truth. … We can help in the way we react to their determination to choose for themselves. They will sense whether we see them as if they could well have been one of the faithful warriors from the premortal existence, committed still to the defense of moral agency and aware of its great value to bring them happiness. If we can see them as faithful warriors from the premortal existence, we may also see their claims of independence as a sign of their potential, a sign that they are testing the power of agency that will bring them happiness” (Henry B. Eyring, “A Life Founded in Light and Truth” [Brigham Young University devotional, Aug. 15, 2000], 3, 4, speeches.byu.edu).