Idara Christ Ama Emen Enye

Ke Obufa Testament nnyin imikpep ibaŋa owo nnan Bartimaeus, emi eke fioride oyom utibe-ŋkpɔ oto Jesus Christ. “Jesus ɔdɔhɔ enye ete, Ka usuŋ fo; mbuɔtidem fo anyaŋa fi. Ndien ke ndo ndo oro enye ama okut usuŋ.”¹

Ke ini efen owo ke Bethsaida ama oyom edikɔk. Ke ukpuhɔre, utibe-ŋkpɔ emi ikidige ke usɔp. Utu ke oro, Jesus ɔdiɔŋ enye ikaba mbemiso enye okut usuŋ.”²

Ke ɔyɔhɔ uwut ŋkpɔ ita, Apostle Paul “okot Jehovah ikata” ke ukut esie,³ ndien nko, ke ifiɔk nnyin, ema anam eti ebeŋe esie.

Mme nsio nsio owo ita. Mme utɔ ifiɔk ita.

Nko, mbume emi: Ntak ndusuk ebɔde utibe ŋkpɔ emi eyomde ke usɔp, ke ini mbon efen ebetde ke ime, ebetde ke Jehovah?⁴ Nnyin isifiɔke kpukpru ini ntak, edi ke inem esit, nnyin imifiɔk owo emi Enye amade [nnyin]”⁵ ndien “[anam] kpukpru ŋkpɔ ɔnɔ [nnyin] ufɔn ye inem esit nnyin.”⁶

Abasi, emi okutde utit ke ntɔŋɔ,⁷ afiak ɔsɔŋɔ ete ke, “Afanikɔŋ ye ukut nnyin edi-du ke esisit ini,”⁸ ndien eyediɔŋ mmɔ enɔ ke “ufɔn nnyin.”⁹

Ndinwam nnyin ikaiso ikut se ukut nnyin adade ɔnɔ, Elder Orson F. Whitney ekpep ete iduhe idomo eke nnyin ikutde edihe ntak ntak. Enye edi ke ufɔn nyin. … Kpukpru … emi nnyin ibetde ke [ime] ndiyɔ … ɔbɔp mme edu uwem nnyin, anam esit nnyin asana, anam ukpɔŋ nnyin okpon, ndien anam nnyin idi eti ye mme andinwam. … Edi oto ke mfuhɔ ye ndutuhɔ, mfana ye ukut, ke nnyin ibɔ ukpep ŋkpɔ ke nnyin ikidi mi ndibɔ nko emi edinamde nnyin nditie ukem nte [ete mme eka eke heaven] nnyin.”¹⁰

Ndinyene ifiɔk mbaŋa “odudu Christ [aya odu ye [enye]” ke ndutuhɔ esie, Apostle Paul eketiŋ ye nsuhɔ idem, Koro ke ini ami memde idem, “ndien ami mesɔŋɔ.”¹¹

Mfina uwem owut nnyin.¹² Andinyaŋa, ama “ekpep … ŋkop-item oto” ndien ama anam “ɔfɔn oto ke ndutuhɔre.”¹³

Ndien usen kiet Enye ke ia aya ɔdɔhɔ, “Esese, Ami menam fi asanaami nkemek fi ke obube ukut.”¹⁴

Ndidi ndinim ke adisana ntak Abasi ɔnɔ idorenyin ɔsɔk ukpɔŋ emi idem ama ekemem onyuŋ edemede udɔŋ ke ini uwem ukut.¹⁵

Mme ediwak isua ke edem, ke idaha oro President Russell M. Nelson ekebuana eti ifiɔk emi: “Nte nnyin isede ke kpukpru ŋkpɔ ke ndaha nsinsi, enye eyenam mbiomo nnyin efere.”¹⁶

Ndise

Holly ye Trey Porter.

Ŋwan mi, Jill, ye ami mimi emi ima ikut akpanikɔ ke uwem mbuɔtidem eke Holly ye Rick Porter, emi eyen eren isua 12, Trey, ekekpade ke akwa ikaŋ. Ye ubɔk mme ukot emi ikaŋ enehede ata ke akwa edidomo man anyaŋa edima eyeneren esie, Holly ekem etiŋ ikɔ-ntiense ke mbono sacrament eke ward abaŋa akwa emem ye idara emi Jehovah ɔkɔnɔde ufɔkemana mmɔ ke ntuaŋa mmɔ, etiŋde ikɔ nte utibe-ŋkpɔ, utibede-ŋkpɔ, ye mkpaidem.

Ndise

Ndimum ubɔk edikɔk.

Mfuhɔ eke ediye eka emi ama ukure ye emem ye ekikere emi ekedide: “Mme ubɔk mmi idihe mme ubɔk eke enyaŋade. Mme ubɔk oro enyene Andinyaŋa! Utu ke ndise ke mkpaŋ mi nte ŋkpɔ nditi nde unan eke Andinyaŋa ekenyenede.

Ntiense eke Holly anam enwɔŋɔ prophet nnyin osu: “Nte mbufo ekerede celestial, mbufo eyekut idomo ye mfina ke obufa unwana.”¹⁷

Elder D. Todd Christofferson ɔkɔdɔhɔ ete: “ami menim ke akpanikɔ nte ke idomo eke edikan ye nkɔri otode andidiɔk esim nnyin ke ini Abasi ɔkɔwutde uduak edidemere Esie ke ererimbot eke premortal. Nnyin ana nte ibine mme idomo oro idahaemi ifiɔkde ite ke Ete eke Heaven ayawam nnyn. Edi edi akpan-ŋkpɔ ete ke ana nnyin ise Enye. Kesioho Abasi efep, mme nkim-nkim ifiɔk-ukpep eke ukut ye afanikɔŋ enam sprit nnyin ɔsuhɔre, ndik, ye kpa nte nta-edet.”¹⁸

Man itre mme ekim unana uyuhɔ ndien ibɔ akamba emem, idorenyin, kpaye idara ke ini idomo nyeŋ-esit, ami menɔ edisana ukpep-ŋkpɔ ita nte ikoot.

Enyene odudu—mbuɔtidem kiet edi ke ndinim Jesus Christ akpa.¹⁹ “Ese mi ke kpukpru ekikere,” Enye etiŋ, ekufehe ndik, ekufehe ndk; “²⁰ President Nelson ekepeb ete:

“Uwem nsinsi [nnyin] ɔkɔŋɔ ke ediwuk mbuɔtidem [nnyin] ke [Christ] ye ke Erisio-isop Esie.”²¹

Nte ami nwanade ye ɔkpɔsɔŋ ubiak emi otode unan mi ke usen ifaŋ emi, ami menyene ntɔtuŋɔ ekɔm nnɔ Jesus Christ ye anana ifiɔk enɔ Mkpa Usio-isop Esie. Kere banga oro! Andinyaŋa ama okop ‘ubiak ye ukut ye idomo ke utɔ ke utɔ’ man Enye ɔdɔŋ nnyin esit, ɔkɔk nnyin, [ndien] anyaŋa nnyin ke mme ini unana.”²²

Enye aka iso Unan: “Mi anam mi mfiak nkere mbaŋa ‘edikpon nkan eke Edisana Owo Israel.’ Ke ini ediskɔk mi, Jehovah owut edisana odudu Esie ke mme usuŋ emem ye emi owo mikemeke ndidue.”²³

Mbufo eyekut ukut ke ererimbot: edi enim esit; Andinyaŋa ɔnɔ udɔŋ; “Ami nkakan ererimbot”²⁴

Iba—ediyama idorenyin ke ndikut nsinsi ini iso nnyin.²⁵ Ke nditiŋ mbaŋa odudu esit idem “nkukut eke ediye edidiɔŋ emi Ete ɔnɔde … ke iso nnyin kpukpru usen,” Eyen eka Linda Reeves ama atie ntiense: “Ami mfiɔke ntak emi nnyin isinyeneke ediwak mfina, edi enye edi ekikere idem mi ke ibɔrɔ enehede okpon, … enemde ndion akan se ifiɔkde nte ke usen ibɔrɔ oro, nnyin idikan idɔhɔ enyene mbɔm, edima Ete, ‘se ekeyomde ekedi oro?’ … Nso ke enye ada ɔnɔ … se nnyin ikutde eideke, ke akpatre, mme idomo oro … enam nnyin idot inɔ nsi nsi uwem … ke obio ubɔŋ Abasi?”²⁶

President Nelson abuana ifiɔk ukpep emi: “HiKere mbaŋa ibɔrɔ Jehovah ɔkɔnɔde Joseph Smith ke ini enye okoyomde uwam ke Liberty Jail. Jehovah ama ekpep Prophet ete ke idiɔk ukama emi enɔde enye eyenɔ enye ifiɔk onyuŋ edi ke ufɔn esie. ‘Edieke afo ɔyɔde ɔfɔn tutu esim utit,’ Jehovah ama ɔŋwɔŋɔ, ‘Abasi eyemenere fi ke enyɔŋ.’ Jehovah ekekpep Joseph ndikere mbaŋa celestial ye ndida nkut nsinsi utip idihe ndise mme ata mfina eke eyo mfin.”²⁷

Ikoot ndaha emi emen ntotuŋɔ uyuhɔ ɔsɔk Joseph, nte esinede ke ŋwed ɔnɔde ufan: “Ke ema ekesin ke ebiet emi ibibene akanade okuk ke mkpɔkɔbi ke ɔfiɔŋ ition ɔwɔrɔ ɔnɔ mi ete ke esit mi kpukpru ini osuk ememem kabaŋa ŋkpɔ emi akan nte ekesidide.” Ami nkere akananam ami nkopke utɔ ekikere nte nkopde edieke ami nkopke ndutuhɔ idiɔk emi ami mbɔde.”²⁸

Ita—akamba odudu edi ke ndise ke idara.²⁹ Ke ini mkon nkan, ndutuhɔre ini, Andinyaŋa nnyin ikinyike edi ama atabi ndot ndot cup.³⁰ Didie ke Enye akanam oro? Nnyin ikpep, “Edi ima emi ekenimde ke iso esie [Christ] ama akan cross,”³¹ uduak Esie emi “uduak Ete ekemende .”³²

Ndise

Christ ke Gethsemane

Udim ikɔ emi “ndiben mmen” enehede otuk me. Udɔŋ mi ke enye ama ɔniɔŋ ke ini nkekpepde ke usem mbon Spain, “ndiben mmen”; ke German, nte “ndita”; ke China, nte “ediben mmen.” Ndien, ke ini mfiina uwem enehede okpon onyuŋ akande, ami nti akamba eŋwɔŋɔ Jehovah—nte ke “nnyin idikutke ukut, ibɔhɔke enye [edi] emen emen [emen, ata, emen] ke idara eke Christ.”³³30

Ami mekut ediwak mme idara emi “[akande] … ifiɔk obukidem,”³⁴ okposuk edi ndot ndot cup fo owo imenke isio kaŋa. Esɔsɔŋɔ ke ndinim mme ediomi mbufo ye ndida nte ntiense nnɔ Abasi.³⁵ Esɔsɔŋɔ ke ndinwam nnyin kpukpru ke ndobo esit “[mbufo] Ke ndobo esit oro edi-be mfuhɔ emi enyin mikwe.”³⁶ Ke ini nnyin idade unwam eke Andinyaŋa isɔk mbon efen, nnyin ikut enye inɔ idem nnyin, President Camille N. Johnson ekekpep.³⁷

Idahaemi, efiak eka ke mbono sacrament emi nnyin idide ntiense eke ufɔk emana Holly Poter ebɔde eto Jehovah.³⁸ Ke enyɔŋ-mbot ufɔk ke ini nkerede se mkpetiŋde ke ndinɔ ndɔŋesit ke ɔwɔ etop ufɔkemana emi ye mme ufan, ekikere emi edi: “Tiŋ mme ikɔ Andinyaŋa.”³⁹ Ntem ami ntre mfin nte nkanamde ke usen Sabbath oro, ye mme ikɔ Esie, “emi akanyaŋade ukpɔŋ mi.”⁴⁰

“Etiene mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk odudu”⁴¹

“Ami nyenam mbiomo efere emi ekedoride ke afara mbufo, kpa mbufo idikemede ndikop ke edem mbufo, kpa ke nte edude ke ufin; … man mbufo edifiɔk ke akpan ete ke Ami, Jehovah Abasi, mma ndise ikɔt Mi ke itie ukut mmo.”⁴²

“Ami ndikpɔŋke mbufo ye unana ndɔŋesit: Ami nyetiene mbufo.”⁴³

Ye idara uteŋe, Ami medi ntiense nte ke Andinyaŋa odu uwem ndien ke “enwɔŋɔ Esie edi akpanikɔ.”⁴⁴ Akpan akpan kabaŋa mbufo oro ekopde mfina mme “ekutde ukut ke usuŋ ekededi,”⁴⁵ ami metie ntiense nte ke Ete eke Heaven nnyin okop mme ekpeiye mmɔŋ eyet mbufo⁴⁶ ndien ke kpukpru ini eyebɔrɔ ye eti ifiɔk.⁴⁷ Yak Abasi ɔnɔ mbufo,” nte Enye akanamde ɔnɔ ufɔkemana nnyin ke mme ini akamba unana,”⁴⁸ “nte yak mbiomo mbufo efere, kpa nte edinben mmen ke idara Christ.”⁴⁹ Ke edisana enyiŋ Jesus Christ, amen.