Ubiɔŋɔ ke Kpukpru Ŋkpo

Ibihike, ke ini ikawatde ke obio nnyin me ikodiongoke, mma ndue nduk idiok usung, emi akadade nwan mi ye ami okoduk akamba anyan usung emi nnyin me ikekemeke ndiwongore aba. Nnyin ikobo ikot ndika ufok ufan kiet, inyung ikere ke idisim do ke ata idiok ini akan nte ikoyomde.

Ke isuk idude ke usung emi inyung inehede iyom se ikpanamde, mma nsua-nno idem mi koro mme nketimke nse nwed nda-usung. Nkpo-ntibe emi ama anam mmi nkere mbanga ini ke uwem nnyin isinamde idiok ubiere ye nte anade nnyin inyime ndiyo utip ke nsuhore-idem ye ime, tutu nnyin ikeme ndikpuhore usung-isang nnyin.

Uwem asanga ye ndinam mbumek. Ete nnyin ke Heaven ama ono nnyin edisana eno edide ukeme-ndimek, man ikeme ndikpeb nto mbumek nnyin—otode ke mme nti ye nko otode ke ndudue. Nnyin idiong ndioi mbumek nnyin ke ini ikabare-esit. Ebiet emi ke nkori otongo. Uduak Ete Heaven enyenede ono ofuri nnyin abanga ndikpeb, ndikpon, ye ndikɔri ŋkesim nsinsi uwem.

Tongore nwan mi ye ami ikobo ukpep-nkpo ito mme missionary inyung iduk Ufok-Abasi ediwak isua ebede, mmokop inem kpukpru ini oto ndinen ukpep-nkpo emi Lehi okonode eyen esie Jacob ke Eto Nwed Mormon Enye ekekpep enye ette ”Jehovah okonno owo odudu ndinam nkpo nno idem esie”¹ koro “ana mfanga odu ke kpukpru nkpo.”² Man ikeme ndiwut unen-edimek nnyin, ana nnyin idiongo ke uyo mfanga mmodo. Ke inamde ntre, Eto Nwed Mormon eti nnyin nko ette ke “ekpep nnyin mfon-mfon ”³ koro “eno kpukpru nnyin Spirit Christ”⁴ man “idiongo eti ito idiok .”⁵

Ke uwem, nnyin ika-iso ndikut ediwak akpan mbumek. Nte uwutnkpo:

• Nnyin edimek nditiene mme editre nditiene ibet Abasi.

• Ndimek ndinyene mbuotidem ye ndidiɔŋɔ ini utibe-nkpo etibede mme ke ndibet ke eyihe nkpo ada ebet nkpo etibe mbemiso afo emek ndinim kpɔt ke akpanikɔ do.

• Ndimek ndibop iberedem ke Abasi mme ke ndidu ke ndik nkere afanikɔŋ efen edidide usen efen.

Nte ke ini nkawahade idiok ebiet ke akwa usung oro, ufen otode idiok-utip ndioi uduak nnyin esinɔ akamba ubiak koro mfina otode nnyin kpɔt. Okposuk edi oro, imekeme ndimek ndibo ndongesit nto edisana edinam edikabare-esit, enam ndioi nkpo efiak enen, ndien ke inamde oro, ikpep mme ukpep-nkpo edikpuhre edu-uwem.

Ndusuk ini, nnyin imekeme ndikut ubiongo ye idomo ito mme ŋkpɔ eke mitoho idem nnyin, oruk nte:

• Ini nsɔŋidem ye ini udɔŋɔ.

• Ini emen ye ini ekɔŋ.

• Ini ke uwemeyo ye eke okoneyo ye ini nda-eyo ye eke ukwɔ.

• Ini utom emi asaŋade ye ini nduɔk odudu.

Okposuk edi nnyin misikemeke ndimek ke otu nsio-nsio nkpo-ntibe emi, koro ana mmo esuk etibe, nnyin imisuk inyene unen ndimek nte itienende mmo. Nnyin imekeme ndinam ntre ke eti mme idiok edu-uwem. Nnyin imekeme ndikpep nto mbon enyenede ifiok inyung ibenge iyom unwam ye iberedem Abasi, midihe, imikekeme ndikere ke ida ke idem nnyin ke idomo emi, ndien ana nnyin iyo enye ikpong Nnyin imekeme “ndisik afara nnyin” edidu ke obufa itie, midihe imekeme ndibiere nditre ndikpuhore nkpo ndomokiet. Ke ekim okoneyo, nnyin imikeme ndinam mme ikaŋ nnyin ayama. Ke ini ndedeŋ ukwɔ, nnyin inyene edimek ndisine ɔfɔŋ emi enyenede ufiop. Ke mme ini udɔŋɔ, nnyin imikeme ediyom uŋwam eke usɔbɔ ye eke spirit. Nnyin idimek nte inamde nkpo ke mme ini emi.

Sihede, kpep, yom, mek edi mme ikɔ edɔŋde utom. Eti ete ke nnyin idi mbon utom, idige ŋkpɔ-utom. Yak nnyin iikufre ete ke Jesus ama ɔŋwɔŋɔ “ndida ndori ke idem esie ubiak ye udɔŋɔ ikɔt esie … man enye … akpanyaŋa,” onyung anwam, nnyin nte nnyin ibinede Enye.⁶ Ana nnyin imek ndibop ukot ufok nnyin ndori ke itiat oro edide Jesus Christ man ke ini idio edidide, “enye idinyeneke odudu ikan [nnyin].”⁷ Enye ama onwongo ete “owo ekededi edidide [itiene Enye], enye ke [Enye] edibɔ; ndien ofofon ono mmo oro edide etiene [Enye].”⁸

Idahaemi, odu ndadian ukpep efenemi enehede edi akpan-ŋkpɔ. Lehi okodoho ette “ana nte …ubiongo odu ke kpukpru nkpo.”⁹ Emi oworo ke ubiongo ikemeke ndidu mkpong kiet eken Mmɔ ekeme ndinɔ kiet eken odudu. Nnyin ikpikemeke ndidiongo idara ke mibohoke ima ikut ukut nko ke ndusuk itie. Ndikop biong ndusuk ini anam nnyin inyene sanga-sanga esit ekom ke ini nyin ifiakde inyene udia. Nnyin ikpikemeke ndidiongo akpaniko ke mibohoke ima ikut nko nsu mmi ye ko.

Mme ubiongo emi kpukpru etie nte nkang iba ke okuk kiet. Kpukpru nkang mbiba enyene ndidu. Charles Dickens ono uwutnkpo ifiok emi ke ini enye ekewetde ette “ekedi ata eti ini, ekedi ata idiɔk ini.”¹⁰

Yak nno uwutnkpo otode uwem nnyin. Ndidɔ ndɔ, ndinyene ufɔkemana, ye ndinyene ndito ama ada akwa ini idara osok nnyin emi ikiyenede ke uwem nnyin, edi nko ata nworo-nda ini ubiak, ndutuho, ye mfuho ke ini nkpo etibede ono owo nnyin ekededi. Anana mbiet idara ye inemesit ye ndito nnyin esisanga ndusuk ini ye ediwak ini udongo, uka ufok-ibok ye okoneyo ntap-idap oyohode ye mmem-idem, okoro ye ndiyom emem nto akam ye edidiong priesthood. Mme nsio-nsio nkpo-ntibe emi ekpep ke nnyin idaha ikpong ke ini afanikong, mmo nko ewut nnyin se nnyin ikemede ndibiom ke unwam ye edidiong Abasi. Mme ifiok emi anwam nnyin ke utibe usung, koro kpukpru edi se ifonde. Nte idihe se nnyin ikidide mi ino edi emi?

Ke Nwed Abasi, nnyin imokut nti ediwak uwutnkpo nko.

• Lehi ekekpep eyen esie Jacob ette ke ukut emi ikutde ke wilderness anam enye odiongo akwa ubok Abasi, ndien ke “[Abasi] eyenam ukut [esie] edi ididiong ono [enye] ”¹¹

• Ke ini idiok nkpokobi Joseph Smith ke esa Liberty, Abasi okodoho enye ette “kpukpru mme nkpo emi edino [enye] ifiok, eyenyung edi ke ufon [esie].”¹²

• Ke akpatre, anana-mbiet uwa Jesus Christ ekedi nkukure akwa uwutnkpo ubiak ye ufen ekutde, edi enye nko akada utibe edidiong Mkpa Esie osok kpukpru ndito Abasi.

Ebiet emi eyo asiahade, mfid enyene ndidu nko. Ukwo mmong ada nsobo edi, edi mmo esino uwem nko. Mmong-eyet ukut esikabade edi mmong-eyet edinyanga ye inemesit. Ekikere mfuho ke ini ufan ebede efep eyebo eti utip idara edifiak nsobo, ke ini iso. Ke ini ekong ye nsobo, ediwak nkpri edinam mfon ye ima esitibe ono mbon emi enyenede “enyin ndikut, ye utong ndikop.”¹³

Ererimbot nnyin mfin oyoho ye ndik ye nyomo-nsia—ndik kabanga se ini iso adade osok nnyin. Edi Jesus ekpep nnyin ndibuotidem inyung “ise [Enye] ke kpukpru ekikere; ekunyene eyighe, ekufehe ndik.”¹⁴

Eyak nnyin isin ifik kpukpru ini ndikut edem mbiba ofuri okuk emi enode nnyin ke uwem. Okposuk edi nnyin misisopke ndikut nkang mbiba ini kiet, ana nnyin idiongo inyung inim ke akpaniko ke mmo mmodo edu.

Ana nnyin idiongo ke nsongo-nkpo nnyin, ukut, afanikpng, ye ubiak idihe se nnyin idide; edi, edi nte inamde ye mmo edi-nam nnyin ikori inyung isik ikpere Abasi. Edu-uwem ye mbumek nnyin anam ediongo nnyin efon ekan ubiongo nnyin.

Ke nsong idem, dara nyung nno ekom kpukpru ini. Ke odongode, kpep ke ime nyung diongo ette ke ini oro ekeme ndifiak mkpuhore, etiene uduak Abasi. Odude ke ukut, nnim ke akpaniko ke inemesit odu ekpere; nnyin isisopke ndikut enye kanga. Sio enyin fo fep nyung menere ekikere fo bine mme nti nkpo edude ke ubiongo oro, koro mmo mmodo nko! Kufre ndino ekom. Mek ndinim ke akpaniko. Mek ndinyene mbuɔtidem ke Jesus Christ. Mek ndinim Abasi ke akpaniko kpukpru ini. Mek “ndikere idung Abasi,” nte President Russell M. Nelson ekpepde nnyin mmi-mmi !¹⁵

Yak nnyin iti kpukpru ini eti ekikere Ete Heaven nnyin enyenede ono nnyin. Enye ama nnyin okonyung odong Edima Eyen Esie edinwam ke idomo nnyin onyung eberede ono nnyin usung nnyin ndifiak mbine Enye. Jesus odu uwem onyung ada do kpukpru ini, ke ebet nnyin imek ndikot Enye edino edinyanga, odudu, ye edifak. Ke mme ŋkpo emi ke ami nno-iko ntiense mbaŋa ke enyiŋ Jesus Christ, amen.