Ŋwed Abaŋade Se Ami Nkekutde ye se Nkekopde

Kini nkurede ukpepnkpɔ ke ufɔknwed mbet, ŋwan mi, Marcia, ye Ami imek ndibuana ye ufɔk ukpe mbet emi enamde utom ebanga ukpe-ikpe. Nte Ami ntɔŋɔde ndibɔ ukpep mbanga utom mmi, Ami mma mbiat ediwak ini ndibeŋe mme ntiense emi edi itiede ntiense ke ini ikpe. Ami mma nsɔp ndifiɔk nte ke efiɔk akpanikɔ ke ufɔk ikpe nte mme ntiense, ke idak unwɔŋɔ, etiede ntiense akpanikɔ ebaŋa se mmɔ ekekutede enyuŋ ekpode. Nte mme ntiense etiŋde ikɔ ntiense, eyewet enyuŋ etim enim mme ikɔ mmɔ. Ufɔn ndinyene ntiense emi ekemede ndinim ke akpanikɔ ekedi akpa ŋkpɔŋ ke mbeŋidem mi.

Ikidaha mi anyan ini ndifiɔk nte ke ukem usem emi Ami nkamade kpukpru usen nte ekpembet ekedi ukem usem emi Ami nkamade ke nneme ikɔabasi mi. “Ntiense” ye “ikɔ ntiense” edi mme usem emi nyin ikamade nte nyin ibuanade ifiɔk ye ntuk nyin kabaŋa akpanikɔ eke ikɔ Abasi Jesus Christ.

Kini ekeyimede mi nte obufa Area Seventy Ami mma nkubɔre ŋwed Abasi ndikpep utom mi nte mi nyung nkot ke Doctrine and Covenants 107:25emi ɔdɔhɔde ete, “Nko ekot mme Seventy … ete edi mme sanga-sanga ntiense enɔ mme Gentiles ye ke ofuri ererimbot.” Nte afo ekemede ndikere, enyin mi ama ekese iko emi, “saŋa-saŋa ntiense.” Enye edi otim anwaŋa mi ete ke Ami mmeyene ubiɔŋutom ndidi ntiense, nditiŋ iko ntiense mbaŋa enyiŋ Jesus Christ—ke ebiet eke ededi eke Ami nkade ke ererimbot.

Ediwak uwutnkpo edu ke nwedabasi abanga mbon emi ekedide mme ntiense enyung etingde ikɔntiense ebanga se mmɔ ekekutde enyuŋ ekopde.

Nte prophet Mormon eke eset ɔtɔŋɔde ndiwet nwed esie, enye ewet ete, “Ndien idahaemi ami, Mormon, manam nwed nbaŋa mme nkpɔ emi nkokutde nyuŋ nkopde, nyuŋ nkot enye Nwed Mormon.”¹

Mme Apostles Andiyaŋa Peter ye John ema ekɔk owo udoŋo ke enyiŋ Jesus Christ enyen Nazareth.² Kini ewukde ete mmɔ ekukot enyiŋ Jesus, mmɔ ebɔrɔ ete:

“Mbufo ekam ekere mme enen ke enyin Abasi ndikop uyo mbufo nkan eke Abasi.

“Koro nyin mikemeke nditre nditiŋ se nyin ikokutde inyuŋ ikopde.”³

Nyeyik ikɔ ntiense efen oto ke Ndisana owo eke Nwed Mormon emi ekedide ntiense ebaŋa edidi eke Andiyaŋa Jesus Christ. Kpaŋ utɔŋ kop usung emi mmɔ eketiŋde ikɔ ntiense mmɔ: Ke oruk usuŋ ntem ke mmɔ ekedi ntiense: Enyin akananam ikwe, baba utɔng ikopke, akwa ye utibe nkpɔ ntem emi nyin ikokutde, inyung ikopde Jesus eketiŋde ɔnɔ Ete.”⁴

Ndito eka iban ye iren, mfin Ami ntiŋ ikɔ ntiense mi nyuŋ nnam nwed mbaŋa se nkutde ye se nkopde kini edisana utom mi nte Seventy eke Ɔbɔŋ Jesus Christ. Ke ndinam ntre ami ntiŋ ikɔ ntiense nnɔ mbufo mbanga enyene-ima Ete Heaven ye ɔfɔn-ido enyen Esie, Jesus Christ, emi ɔkɔbɔde ufen, akpa, onyung ɔtoŋɔ ntak eset man ɔnɔ nditɔ Abasi nsinsi uwem. Ami ntiŋ ikɔ ntiense mbaŋa “Utibe utom ye mkpaidem ŋkpɔ”⁵ nyung ndɔhɔ nte ke Ɔbɔng esin ubok esie ini kiet efen ndifiak nda ikɔ Abasi Esie ndi ke ererimbot oto ke mme odu-uwem prophet ye mme apostle Esie.⁶ Ami ntiŋ ikɔ ntiense nte ke otode se Ami nkutde ye se nkopde, iduho eti ini ikan mfin emi ndidi owo Ufɔk Abasi Jesus Christ Ndisana-owo Ukperedem Usen. Ami mfiɔk emi nto ifiɔk idem mi, itoho baba usuŋ efen, oto ke se Ami nkutde ye se nkopde.

Ke ini akwa isua mi ke akamba ufɔkŋwed, man nkeme ndikure ukpep eke seminary akana nte Ami mfiɔk ofuri temple Ufɔk Abasi Efut. Ndise kpukpru temple emi kiet kiet ama edu ke iso ubet ukpepnkpɔ nyin, ndien ana nte Ami mfiɔk ebiet emi mmɔ kiet kiet edude. Idahaemi, ke ediwak isua ebede, edidi ata ɔkpɔsɔng mfina— ye ibat temple 335 emi edude ke utom ye emi esiande— ndifiɔk kpukpru mmɔ kiet kiet. Ami ke idem mi mokut ediwak mme temple emi nyuŋ ntie ntiense nte ke Ɔbɔŋ ɔkɔnɔ edidiɔŋ Esie ye mme edinam ikɔabasi Esie esuk ediwak nditɔ Esie ke ofuri ererimbot.

Mme ufan mi ke FamilySearch ema ekpep mi ete ke edian obufa enyin awakde akan million kiet kpukpru usen ke FamilySearch. Ekpedi afo ukukwe mme ete ete fo nkpɔŋ, Ami mmekoot fi nte ɔtɔŋɔntak oyom mfin. Ke itiŋde ibaŋa nditaŋ Isreal mbok ke edem ikpehe eken, iduhe eti ini ikan mfin emi ndidi owo Ufɔk Abasi Jesus Christ Mme Ndisana Owo ke Ukperedem Usen.

Nte nyin ikɔbɔkde nditɔ nyin ke obio Twin Falls, Idaho, usuŋ nte Ami nkokutde Ufɔk Abasi ke ofuri ekondo ekedi esisit. Kini ekotde mi nte General Authority, ema enɔ Marcia ye Ami ika ikinam utom ke Pacific Area, ebiet emi nyin mikaha akpa. Esit ama enem nyin ndikut mme stake tɔŋɔ ke enyɔŋ New Zealand tutu isim utit, ye temple emi ekediɔŋde ke isua 1958. Enye ekedi kiet ke otu temple efut emi Ami nke mumde nsin ke ibuot kini ndude ke seminary. Nyin ima ikut temple ke ofuri ikpɔ obio ke Australia, ye mme stake ke ofuri akwa idut oro. Nyin ima inyene ubiɔŋ-utom ke Samoa, emi ekeyenede stake edip ye duop, ye ke Tonga, emi mbon obio ubak-kiet edide mbon Ufɔk Abasi. Nyin ima inyene ubiɔng-utom ke isuɔ eke Kiribati, emi nyin ikokutde stake iba. Nyin ima inyene ubiɔŋ-utom ndikise mme stake ke Ebeye emi odude ke Marshall Islands ye Daru ke Papau New Guinea.

Ke ini okurede utom nyin ke Pacific Islands, ema enɔ nnyin ika ikinam utom ke Philippines. Ke mkpaidem mi, Ufɔk Abasi Jesus Christ ke Philippines ama ɔkɔri ebe ŋkpɔ ndomokiet emi nnyin ikpɔfiɔkde. Idahaemi mmɔ enyene stake 125, mission 23, ye temple 13 emi edude ke utom mme esiande. Ami mma nkut ufɔk Abasi emi mbon ufɔk Abasi ewakde ekan 850,000 ke idut oro. Sese nte okpude mi ndikut edisiak Ufɔk Abasi Christ ke ofuri ererimbot?

Ke ima ikidu isua ita ke Philippines, ema edɔŋ nyin ikinam utom ke nkɔk ufɔkutom esede nkpɔ ebaŋa utom ukwɔrɔ iko Abasi. Ubiɔng-utom mi ama ada mi aka mme itie ukwɔrɔ ikɔ ke ofuri ererimbot. Nte Ami nkutde Ufɔk Abasi Andiyaŋa eke ofuri ererimbot ama atara eti-eti. Ema enɔ Marcia ye Ami ikise mme itie ukwɔro iko ke idut Asia. Nyin imaikut ediye ufɔkabasi eke stake ke Singapore, ye utibe, enyene-mbuɔtidem mbon ufɔk Abasi. Nnyin ima ikise mbon ufɔk Abasi ye mme ɔkwɔrɔ ikɔ Abasi ke Kota Kinabalu, Malaysia. Nyin ima isobo ye mme okworo ikoabasi ke Hong Kong inyuŋ ibuana ye nti mbon ufok Abasi ke utibe akwa mbono eke stake.

Ifiɔk emi ama ɔtɔŋɔntak edi nte nyin isobode ye mme ɔkwɔrɔ ikɔabasi ye mbon ufɔk Abasi ke Europe, ke Latin America, Caribbean, ye ke Africa. Ufɔk Abasi Jesus Christ ke okut akwa nkɔri ke Africa. .

Ami ndi ntiense mbaŋa nkaiso edifiak mmen ikɔ Abasi Jesus Christ ndi ye edisu nkukut eke mme prophet Abasi ete ke “akpanikɔ Abasi eyesɔŋɔ, odot, onyung ada-ke-idem aka iso, tutu oduk ofuri idut, aka ke ofuri ererimbot, oduk ofuri iduŋ, onyuŋ oyomo ke ofuri uton.”⁷

Utibe mme ɔkwɔrɔ ikɔ nyin emi edude ke ofuri ererimbot okpon esim ibat owo 74,000. Enamde utom ɔtɔkiet ye mbon ufɔk Abasi, mmɔ eduok ibat owo 20,000 mmɔŋ ke ofuri ɔffiɔŋ. Idahaemi edi mkparawa iren ye nkaiferi iban emi edide isua Efureta, Efurenaŋ ye Edip emi, ye unwam otode Abasi, edi mme anam akwa utibe-ŋkpɔ eke ntaŋ mbok. Nyin ima ikut mme nkaiferi iban ye mme mkparawa iren emi ke mme mkpri obio eke Vanuatu ye ke mme ikpɔ obio eke New York, Paris, Ye London. Ami mma nkut nte mmɔ ekpepde ebaŋa Andiyaŋa ke ufɔt mkpri otu owo ke Fiji ye ke ufɔt ediwak otu owo ke mme itie nte Texas, California, ye Florida ke United States.

Afo eyekut mme ɔkwɔrɔ ikɔ Abasi ke kpukpru inuk ke ererimbot esemde nsio-nsio usem emi awakde esim ata enyuŋ enamde akwa ubiɔng eke Andiyaŋa ke Nwed Matthew ibuot edip ye itiata ɔwɔrɔ osu: “mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete, ye Eyen, ye Edisana Spirit.”⁸ Ami mmekpono mme ɔkwɔrɔ ikɔ Abasi ufɔk Abasi eke edem ye eke mfin emi nyuŋ nti mbon obufa emana nyin mbaŋa ikoot President Russel M. Nelson ete edi editaŋ Isreal ebok.⁹

Ami ntiŋ ikɔ ntiense mfin nte ke Ami mmokut akamba mfiak-nda-ndi ikɔ Abasi Andiyaŋa ke enyin mi mmoyuŋ nkop enye ke utɔŋ mi. Ami ndi ntiense nnɔ utom Abasi ke ofuri ererimbot. Akananam iduhe eti ini ikan mfin emi ndidi owo Ufɔk Abasi Jesus Christ Ndisana Owo Ukperedem Usen.

Ndusuk ata eti utibenkpɔ eke mfiak-nda-ndi emi Ami nkutde edi mbufo, mme enyene mbuɔtidem mbon Ufɔk Abasi ke kpukpru ebiet. Mbufo, Mme Ndisana Owo Ukperedem Usen, ke Nephi eketiŋ abanga ke Nwed Mormon, nte enye okokutde onyuŋ etiede ntiense abaŋa usen nyin, “Ndien ekedikem ami, Nephi nkokut odudu eke Eyen-eroŋ Abasi nte ɔkɔsuhɔrede edidori ndisana mbon ufɔk Abasi eke Eyen-erɔŋ ke idem, ye mbon ediomo eke Abasi, emi ekesuanade ke ofuri iso isɔŋ, ndien mmɔ ekeyɔhɔ ye edinen-ido ye odudu Abasi ke akwa ubɔŋ.”¹⁰

Ami ntiŋ ikɔ ntiense nte ke Ami mmokut ke enyin mi se Nephi okokutde—mbufo, mbon ediomi ke ofuri ebiet, eyɔhɔde ye edinen-ido ye odudu Abasi. Nte Ami ntiede ke enyɔŋ-obot ke kiet ke otu akwa idut emi ke ererimbot, Obɔŋ ama esin ke esit mi nkpɔ kiet emi Edidem Benjamin ekekpepde ke Mosiah 2 ke Ŋwed Mormon. Brent: “Ami mkpama nte afo ekere abaŋa eridiɔŋ ye idaha inemesit mmɔ emi enimde mbet Abasi. Sese, ema ediɔng mmɔ ke kpukpru ŋkpɔ, eke ikpɔkidem ye eke spirit.”¹¹

Ami ntie ntiense nnɔ mbufo nte ke Ami mma nkut emi ke enyin mi nyuŋ nkop enye ke utɔŋ mi nte Ami nkosobode ye mbufo, nti ikɔt Abasi ke ererimbot emi enimde mbet. Mbufo edi nditɔ ediomi eke Ete. Mbufo edi mbet Jesus Christ. Mbufo nko emefiɔk se Ami mfiɔkde koro mbufo ema ebɔ ntiense eke idem mbufo ebaa akpanikɔ eke mfiak-men-ndi ikɔ Abasi Jesus Christ. Andinyaŋa ama ekpep ete: “Ofɔfɔn ɔnɔ enyin mbufo koro mmɔ ekutde nkpɔ: ye utɔŋ mbufo koro mmɔ ekopde ikɔ.”¹²

Nte Obɔŋ etemede ye ke ndausuŋ eke mme prophet ye mme apostle Esie nyin iyika iso ndibeŋe mme ɔkwɔrɔ ikɔ Abasi idem, inam inyuŋ inim ndisana ediomi, isiak Ufɔk Abasi Christ ke ofuri ererimbot, inyuŋ ibɔ mme edidiɔŋ emi edide nte nyin inimde mbet Abasi. Nyin imidiana kiet. Nnyin idi nditɔ Abasi. Nyin imofiok Enye inyuŋ ima Enye.

Ami mediana ye kpukpru mbufo, mme ufan mi, nte nyin idinanade ɔtɔkiet itie ntiense ite ke mme nkpɔ emi edi akpanikɔ. Nyin inam Nwed ibaŋade se nyin ikutde ye se ikopde. Ami ye afo idi mme ntiense emi itiŋde iko ntiense. Oto ke odudu edidiana kiet nnɔ ikɔ ntiense emi ke nyin isuk ika iso ye mbuotidem ke Jesus Christ ye ke ikɔ Abasi Esie. Ami mmetie ntiense nte ke Christ odu uwem. Enye edi Andinyaŋa nnyin ye Andifak nnyin. Ke enyiŋ Jesus Chrst, amen.