„Nefí og Látúnstöflurnar,“ Sögur úr Mormónsbók (2023)
Nefí og látúnstöflurnar
Læra að fylgja andanum
Laman, Lemúel, Sam og Nefí fóru aftur til Jerúsalem að nóttu til. Nefí fór til húss Labans meðan bræður hans földu sig utan borgarinnar.
Nefí lét andann leiða sig. Hann vissi ekki hvað hann átti að gera, en vissi að Drottinn myndi hjálpa sér að ná látúnstöflunum.
Þegar Nefí kom að húsi Labans, fann hann Laban á jörðinni. Laban var drukkinn. Nefí sá sverð Labans og tók það upp.
Þegar Nefí leit á sverðið, hvatti andinn hann til að drepa Laban. En Nefí vildi ekki drepa hann. Andinn sagði Nefí að betra væri að Laban myndi deyja en að fjölskylda Nefís hefði ekki ritningarnar. Þau þurftu boðorð Guðs sem voru rituð á látúnstöflurnar.
Nefí vissi að Laban hafði reynt að drepa hann. Laban hafði líka stolið eigum þeirra og vildi ekki hlýða boðorðum Guðs.
Andinn sagði Nefí að drepa Laban. Nefí vissi að Drottinn hafði séð honum fyrir leið til að ná í látúnstöflurnar. Hann valdi að hlýða andanum. Nefí drap Laban og klæddi sig í föt hans.
Nefí fór síðan í fjárhirslu Labans og hitti þjón hans Sóram. Nefí lét og talaði eins og Laban.
Nefí sagði Sóram að hann þyrfti látúnstöflurnar. Hann sagði síðan Sóram að koma með sér. Sóram hélt að Nefí væri Laban, svo hann gerði eins og hann vildi.
Þegar Nefí og Sóram komu út úr borginni, héldu Laman, Lemúel og Sam að Nefí væri Laban. Þeir voru hræddir og tóku að hlaupa í burtu.
Nefí kallaði til bræðra sinna. Þegar þeir vissu að þetta var Nefí, hættu þeir að hlaupa. Þá varð Sóram hræddur og reyndi að fara aftur til Jerúsalem.
Nefí stöðvar Sóram. Hann sagði Sóram að Drottinn hefði boðið sér að ná í töflurnar. Hann bauð Sóram að fara með þeim til fyrirheitna landsins. Sóram vissi að hann yrði frjáls maður, ekki þjónn, og lofaði að fara með Nefí og fjölskyldu hans.
Þeir snéru aftur til Lehís og Saríu Lehí og Saría voru glöð að sjá syni sína. Saría hélt að synir hennar hefðu dáið. Þar sem Drottinn hafði gætt að öryggi sona hennar, treysti hún því nú að fjölskyldu þeirra hefði verið boðið að yfirgefa Jerúsalem. Lehí, Saría og fjölskylda færðu Drottni þakkarfórn.
Lehí las látúnstöflurnar. Hann sá að töflurnar höfðu að geyma kenningar spámannana. Hann lærði einnig að forfaðir sinn var Jósef, sem seldur var til Egyptalands af bræðrum sínum fyrir löngu síðan. Lehí vissi að látúnstöflurnar voru mjög mikilvægar. Hann vissi að Drottinn vildi að fjölskylda hans hefði boðorðin.