„Moróní hershöfðingi og Serahemna,“ Sögur úr Mormónsbók (2023)
Moróní hershöfðingi og Serahemna
Bardagi og loforð um að lifa í friði
Serahemna var leiðtogi hersveita Lamaníta. Hann vildi ríkja yfir Nefítunum og láta þá þjóna fólkinu sínu. Serahemna leiddi hersveitir sínar til að ráðast á Nefítana.
Nefítar vildu vernda heimili sín, fjölskyldur og trúarbrögð. Þeir vissu að þeir gætu ekki lofsamað Drottin ef Lamanítar ríktu yfir þeim. Nefítar kusu að berjast við óvini sína.
Maður að nafni Moróní var hershöfðingi hersveita Nefíta. Moróní tryggði að hersveitir sínar væru reiðubúnar að berjast.
Hermenn Morónís komu með vopn og Moróní fékk þeim öflug herklæði og skildi þeim til varnar.
Moróní fór með hersveitir sínar til að ráðast á Lamanítana. En þegar Lamanítarnir sáu að Nefítarnir voru með herklæði og skildi urðu þeir hræddir við að berjast. Lamanítarnir voru aðeins í þunnum klæðum, en ekki í herklæðum sér til varnar.
Lamanítarnir fóru. Þeir reyndu að laumast til annars Nefílands. Þeir héldu að Nefí myndi ekki vita hvert þeir fóru.
Um leið og Lamanítarnir fóru sendi Moróní njósnara til að fylgja þeim eftir.
Þá sendi Moróní skilaboð til Alma spámanns. Hann vildi að Alma myndi spyrja Drottin hvað Lamanítarnir hyggðust gera. Drottinn sagði Alma að Lamanítarnir væru að ráðgera árás á landið Manti sem var veikt fyrir. Moróní hlýddi á Alma. Hann fór með hersveitir sínar til berjast gegn Lamanítum.
Herirnir börðust. Lamanítarnir voru afar sterkir og reiðir. Nefítarnir urðu hræddir við Lamanítana og ætluðu að hlaupa í burtu. En Moróní minnti þá á fjölskyldur þeirra og trú, svo þeir héldu áfram að berjast.
Nefítarnir báðu Guð um hjálp. Drottinn bænheyrði þá og gaf þeim mikinn kraft. Nú urðu Lamanítarnir hræddir. Þeir voru innikróaðir og gátu ekki flúið. Þegar Moróní sá að Lamanítarnir voru hræddir sagði hann hermönnum sína að stöðva bardagann. Moróní vildi ekki drepa Lamanítana.
Moróní sagði Serahemna að Lamanítarnir gætu farið ef þeir lofuðu að berjast aldrei við Nefítana aftur. Serahemna var reiður og reyndi að halda áfram að berjast en hann gat ekki sigrað hermenn Morónís. Þá lofuðu Serahemna og hermenn hans að lifa í friði og Moróní leyfði þeim að fara.