„Líahóna og brotni boginn,“ Sögur úr Mormónsbók (2023)
Líahóna og brotni boginn
Leita eftir hjálp frá Drottni
Fjölskyldur Lehís og Ísmaels ferðuðust um óbyggðirnar í mörg ár. Drottinn leiddi þau um stóran hluta landsins. Þau urðu að veiða og safna fæðu á leiðinni. Þetta var erfitt ferðalag.
Drottinn lofaði að leiða fjölskyldurnar til góðs lands ef þau héldu boðorð hans. Þau vissu ekki hvernig þau ætti að finna þetta land, en hann myndi leiða þau.
Morgun einn fann Lehí sér til furðu látúnskúlu fyrir utan tjaldið sitt. Kúlan var kölluð Líahóna. Inni í Líahóna var vísir sem benti í þá átt sem hópurinn þurfti að fara. Stundum fundu þau skilaboð frá Drottni rituð á Líahóna. Þannig leiddi Drottinn þau.
1. Nefí 16:10, 16, 26–29; Alma 37:38
Dag einn þegar Nefí var við veiðar, brotnaði stálboginn hans. Fjölskyldurnar gátu ekki aflað sér fæðu án hans. Bræður Nefí voru reiðir honum og Drottni.
Þau voru öll mjög þreytt og hungruð. Sum þeirra voru döpur og mögluðu. Þau óttuðust að þau myndu svelta. Jafnvel Lehí möglaði frammi fyrir Drottni.
Nefí bjó til nýjan boga úr viði. Hann hafði trú á því að Drottinn myndi hjálpa sér að finna fæðu.
Nefí spurði Lehí hvar hann ætti að veiða. Lehí sá eftir því að hafa möglað. Hann iðraðist og bað Drottinn um hjálp. Drottinn sagði Lehí að líta á Líahóna. Það voru skilaboð á Líahóna. Fjölskyldurnar lærðu að Líahóna virkaði aðeins þegar þær trúðu á Drottin og hlýddu boðorðum hans.
Stundum breytti Drottinn skilaboðunum á Líahóna til að hjálpa þeim á ferðum þeirra. Líahóna hjálpaði Nefí að vita hvar ætti að veiða. Hann kom til baka með fæðu og þau voru öll ánægð. Þau iðruðust og þökkuðu Drottni.