Salamo

Na folafola mai e le Alii, “e lē mafai e se mea ua lē mama ona mautofi i le malo o le lagi” (Alema 11:37). O a tatou agasala tatou te lē mama ai—lē agavaa ai e toe foi atu ma nonofo ai i le afioaga o lo tatou Tama Faalelagi. Latou te aumaia le ita i o tatou loto i lenei olaga.

E ala i le Togiola a Iesu Keriso, ua tuuina mai ai e lo tatou Tama oi le Lagi le ala lava e tasi mo i tatou ina ia faamagaloina ai a tatou agasala (tagai i le Faamagaloga). Na mafatia Iesu Keriso i le faasalaga mo a tatou agasala ina ia mafai ona faamagaloina i tatou pe a tatou salamo faamaoni. A tatou salamo ma faalagolago i Lana laveaiga alofa tunoa, o le a faamamaina i tatou mai agasala.

O le salamo o se faagasologa tiga i nisi o taimi, peitai e oo atu ai i le faamagaloga ma le filemu tumau. Na fetalai mai le Alii e ala mai i le perofeta o Isaia, “E ui lava ina pei o ofu mumu a outou agasala, e sisina ia e pei o le kiona; e ui lava ina mumu ia e pei o le ie ulaula, e avea e pei o fulufulu mamoe” (Isaia 1:18). Ua folafola mai e le Alii i le augatupulaga lenei, “O le ua salamo i ana agasala, e faamagaloina o ia, ma o au, le Alii, ou te le toe manatua lava” (Mataupu Faavae ma Feagaiga 58:42). O le salamo e aofia ai elemene nei:

Faatuatua i lo Tatou Tama Faalelagi ma Iesu Keriso. O le malosi o le agasala e matautia. Ina ia saoloto mai ai, e tatau ona e liliu atu i lo tatou Tama Faalelagi, tatalo i le faatuatua, ma galue pei ona Ia fetalai mai ai. E ono taumafai malosi Satani e faatalitonu i tatou e faapea, tatou te le o agavaa e tatalo—ua matuai le fiafia lo tatou Tama Faalelagi ia i tatou ma o le a le faafofoga mai lava o Ia i a tatou tatalo. O se pepelo lea mea. E saunia pea e le aunoa lo tatou Tama oi le Lagi e fesoasoani ia i tatou pe afai tatou te o atu ia te Ia ma se loto salamo. O loo ia te Ia le mana e faamalolo ai tatou ma fesoasoani ina ia tatou manumalo i le agasala.

O le salamo o se aga o le faatuatua ia Iesu Keriso—o se faailoga aloaia o le mana o Lana Togiola. E nao Ana tuutuuga lava e mafai ona faamagaloina ai i tatou. A o tatou malamalama ma le agaga faafetai i Lana Togiola ma Lona mana e faamama ai tatou mai le agasala, ua mafai ona tatou “faaaoga o [tatou] faatuatua e salamo ai” (Alema 34:17)

Faanoanoa mo le Agasala. Ina ia mafai ona faamagaloina, e tatau ona muamua ona tatou iloa i o tatou lava loto ua tatou agasala. Afai o tatou taumafai malosi e ola i le talalelei, o lena faailoaga o le a taitai atu ai i le “tiga e tusa i le Atua,” lea e “tupu ai le salamo e oo i le ola” (2 Korinito 7:10). O le tiga e tusa i le Atua e le oo mai ona o le taunuuga faalenatura o le agasala pe ona o le fefe i se faasalaga; ae e oo mai mai lo tatou iloa, e ala i a tatou amioga, ua tatou faatiga i lo tatou Tama Faalelagi ma lo tatou Faaola. Pe a e lagonaina le tiga e tusa i le Atua, ua ia i tatou le manao faamaoni mo le suiga ma se naunautaiga e usitai atu i tulaga uma e manaomia mo le faamagaloga.

Ta’uta’u Atu. “O lē ua ufiufi lona solitulafono, e le manuia o ia; a o le ua faaali ma lafoaiina, e alofagia o ia” (Faataoto 28:13). E taua mo le faamagaloga, se naunautaiga e faailoa atu mea uma na tatou faia i lo tatou Tama Faalelagi. E tatau ona tatou tootutuli i Ona luma i le tatalo faamaulalo, e faailoa atu a tatou agasala. Tatou te ta’uta’u atu lo tatou maasiasi ma le ta’usalaina, ona aioi atu lea mo se fesoasoani.

O solitulafono matuia, e pei o le solia o le tulafono o le legavia, e ono faaletonu ai le avea o se tagata ma se tagata auai o le Ekalesia. O le mea lea, e tatau ai ona e ta’uta’u atu agasala faapena i le Alii faapea foi ma Ona sui o le perisitua i totonu o le Ekalesia. E faia lenei mea i lalo o le vaavaaiga a se epikopo po o le peresitene o le paranesi, e mafai foi e se peresitene o le siteki po o le misiona, o e ua galulue o ni tagatavaai ma faamasino i totonu o le Ekalesia. E ui e na o le Alii e faamagaloina agasala, ae o nei taitai perisitua latou te faia se matafaioi taua lava i le faagasologa o le salamo. O le a latou le faalaua’iteleina le ta’uta’uina atu o au agasala, ma fesoasoani atu i le faagasologa o le salamo.

Lafoaia o le Agasala. E ui o le ta’uta’u atu o se elemene taua o le salamo, ae e le lava lea. Ua fetalai mai le Alii, “O le mea lenei e mafai ai ona outou iloa pe afai ua salamo se tagata i ana agasala—faauta, e taʼutaʼu atu e ia i latou ma lafoai i ai” (Mataupu Faavae ma Feagaiga 58:43).

E tatau ona tatou faia se tautinoga mausali ma tumau, o le a tatou le toe faia le solitulafono. A tatou tausisia lenei tautinoga, o le a tatou le toe lagonaina lava le tiga o lena agasala. E tatau ona tatou vave sosola ese mai soo se tulaga [tatou te] afaina ai. Afai o lea tulaga e mafua ai ona tatou agasala pe ono mafua ai ona tatou agasala, e tatau ona tatou o ese. E le mafai ona tatou faalatalata i le faaosoosoga ma faamoemoe e faatoilalo ai le agasala.

Toe Faaleleia. E tatau lava ona tatou toe faaleleia i le lelei e mafai ai mea uma na faaleagaina ia tatou amioga, pe o se meatotino a se tagata pe o se igoa tauleleia o se tagata. O le naunautai e toe faaleleia e faaali atu ai i le Alii o le a tatou faia mea uma tatou te mafaia e salamo ai.

Ola Amiotonu. E le lava le na o le taumafai e tetee atu i le leaga pe faagaogaoina foi o tatou olaga mai agasala. E tatau ona faatumuina o tatou olaga i le amiotonu ma auai i gaoioiga e aumaia ai le mana faaleagaga. E tatau ona tatou faatofuina i tatou lava i tusitusiga paia ma le tatalo i aso uma ia tuuina mai e le Alii ia i tatou le malosi e sili atu i o tatou lava malosi. E tatau foi ona tatou anapopogi i nisi o taimi mo faamanuiaga faapitoa.

O le usiusitai atoatoa e aumaia ai le mana atoatoa o le talalelei i o tatou olaga, e aofia ai le malosi faateleina e faatoilalo ai o tatou vaivaiga. O lenei usiusitai e aofia ai amioga atonu tatou te le i manatu i ai muamua o se vaega o le salamo, e pei o le auai i sauniga, totogiina o le sefuluai, tuuina atu o auaunaga, ma le faamagalo atu i isi. Ua folafola mai e le Alii, “O ia o lē e salamo ma faia poloaiga a le Alii o le a faamagaloina” (Mataupu Faavae ma Feagaiga 1:32).

• Togiola a Iesu Keriso

• Papatisoga

• Fono Aoai a le Ekalesia

• Faatuatua ia Iesu Keriso

• Faamagaloga

• Agasala

• Faaosoosoga

• Faataoto 28:13

• Isaia 1:16–18

• Luka 15:7

• 3 Nifae 9:13-14

• Alema 34:17

• Mosaea 4:1–3, 10–13

• Mataupu Faavae ma Feagaiga 58:42-43

• Topical Guide, “Repent, Repentance”

• Bible Dictionary, “Repentance”

• Taiala i Tusitusiga Paia, “Salamo”

• Faasologa o Autu i le Tusi Fusi Tolu, “Repentance, Repent”

Ata

Faailoga o le Aufaipese a le Tapeneko

O Vitio o le Aufaipese a le Tapeneko

“Fai Mea Tonu”

“Tausi i Poloaiga”

“Sulu e Alofa, Ta’i Mai”

“Faapaia Mai A’u”

“O Divine Redeemer”

“Salamo,” Mo le Malosi o le Autalavou

David A. Edwards, “Mea Tatou Te Fefefe ai e Uiga i le Salamo,” Liahona, Mati 2017

Charlotte Larcabal, “Na o Mea Lava Na Faatonuina e le Fomai,” Liahona, Mati 2017

David A. Bednar, “Faatumauina Pea le Faamagaloina o a Outou Agasala,” Liahona, Me 2016

“Talatuu e Valu e uiga i le Salamo,” Liahona, Mati 2016

“Family Fun Time,” Friend, Me 2015

Joshua J. Perkey, “Repentance Is Real,” New Era, Mati 2014

Brian D. Garner, “The Good News of Repentance,” Ensign, Tesema 2013

Michael Weir Allred, “Repentance: Making the Inside Clean,” Ensign, Tesema 2012

Richard Miller, “Repentance and Forgiveness in Marriage,” Ensign, Setema 2011

“O Le Togiola ua Mafai Ai Ona Salamo,” Ensign, Fepuari 2011

Nathan Richardson, “Road Rash and Repentance,” New Era, Aperila 2007

“Salamo ma le Togiola,” Liahona, Mati 2004

“Q&A: Questions and Answers,” New Era, Fepuari 2003

Ben Davis, “The Joy of Repentance,” Friend, Me 2001

“Repentance Is ‘Beautiful,’ Brother Callister Teaches,” Church News

“Gift of Repentance Is a Joyful Blessing,” Church News

“Viewpoint: Repentance Is Small Price to Pay for Redemption,” Church News

“Repentance and Baptism Are Focus of Missionary Work, Elder Oaks Says,” Church News

“Missionaries Declare Repentance, Says Elder Christofferson,” Church News

“Missionaries Must Know Repentance to Teach It, Seventy Says,” Church News

“Focus on the Doctrine of Christ, Elder Andersen Tells Missionaries Worldwide,” Church News

“Church Discipline,” Newsroom

“Salamo,” O Fesoasoani mo le Lesona mo le Aoaoina o Tamaiti

“Repentance,” Stories from General Conference, episode 3

“Repentance,” Stories from General Conference, episode 85

“Repentance—Michael Goldhardt,” For the Youth, episode 8

“Repentance,” Music with a Message, episode 19

“Repentance,” The Latter-day Saints Channel Q&A, episode 7

“Alma the Younger Repents,” Scripture Stories—Book of Mormon Stories, episode 12