E Santa Cena—un Renobashon pa e Alma

Un grupo di hobensita a yega di puntra mi, “Kiko bo ta deseá ku lo bo tabata sa kaba ora bo tabata tin nos edad?” Si mi tabata di duna un kontesta awor, mi lo inkluí e pensamentu aki: “Mi ta desea ora mi tabata boso edad ku mi a komprondé e signifikashon di e santa cena mihó. Mi ta deseá ku mi a kompronde e santa cena di e manera ku Elder Jeffrey R. Holland a deskribí. El a bisa, ‘Un di e invitashonnan inherente di e ordenansa sakramental ta ku e lo ta un berdadero eksperensia spiritual, un komunion sagrado, un renobashon pa e alma.’¹”

Kon e santa cena por “ta un berdadero eksperensia spiritual, un komunion sagrado, un renobashon pa e alma” kada siman?

E santa cena ta bira un eksperensia spiritualmente fortalesiendo ora nos ta skucha na e orashon sakramantal i bolbe di kompromete na nos kombenionan. Pa hasi esaki, nos mester ta dispuesto pa tuma riba nos e nòmber di Hesu Kristu.² Papiando di e promesa aki, Presidente Henry B. Eyring a siña: “Esei kier men ku nos mester wak nos mes komo E. Nos lo pon’E promé den nos bida. Nos lo kier kiko E kier enbes di loke nos kier of loke e mundu ta siña nos pa kier.”³

Ora nos ta tuma di e santa cena, nos tambe ta hasi un kombenio pa “semper kòrda”⁴ JesuCristu. Riba e anochi prome ku El a wòrdu krusifiká, Cristu a huntá Su Apostelnan rònt di dj’E i a instituí e santa cena. El a kibra pan, bendishon’é, i bisa nan pa tuma, i kome e pan den memoria di Su kurpa ku E lo duna komo un reskate pa nan.⁵ Despues El a tuma un kalis di biña, duna danki, dun’é na Su Apostelnan pa bebe, i bisa nan ku e tabata den memoria di Su sanger ku ta dramá pa tur kende lo kere den Su nòmber.⁶

Entre e Nefitanan i tambe na e Restaurashon di Su Iglesia den e ultimo dianan, El a ripití ku nos ta di tuma e santa cena den memoria di dj’E.⁷

Miéntras ku nos partisipa di e santa cena, nos ta testifiká na Dios ku nos lo kòrda Su Yu semper, no solamente durante e ordenansa sakramental kòrtiko. Esaki kier men ku nos lo wak konstant na e ehèmpel i enseñansanan di e Salbador pa guiá nos pensamentunan, nos skohensianan, i nos akshonnan.⁸

E orashon sakramental semper ta kòrda nos ku nos mester “warda su mandamentunan.”⁹

Hesus a bisa, “Si boso ta stima mi, boso lo warda mi mandamentunan.”¹⁰ E santa cena ta duna nos un oportunidat pa introspekshon i un oportunidat pa bira nos kurason i boluntad na Dios. Obedensia na e mandamentunan ta trese e poder di e evangelio den nos bidanan i un pas i spiritualidat mas grandi.

E santa cena ta proveé un tempu pa un berdadero eksperensia spiritual miéntras nos ta reflehá riba e Salbador su poder redentadó i enkapasitadó dor di Su Ekspiashon. Un lider di Mujeres Jovenes resientemente a siña tokante e forsa ku nos ta risibí miéntras nos ta trata di partiasipá di e santa cena mas pensativo. Trahando pa kaba un rekisito den Progreso Personal, el a pone e meta pa enfoka riba e palabranan den e himnonan i orashonnan sakramental.

Kada siman, el a hasi un evaluashon di su mes durante e santa cena. El a kòrda erornan ku el a hasi, i el a komprometi pa ta miho e siguiente siman. E tabata agradisi pa por hasi kosnan bon i wòrdu hasi limpi. Mirando bèk riba e eksperensia, el a bisa, “Mi tabata aktuando riba e parti di arepentimentu di e Ekspiashon.”

Un Djiadomingu depues di e evaluashon di su mes, el a kuminsá pa sinti tristo i pesimista. E pora mira ku e tabata hasiendo e mesun erornan kada siman. Pero despues el a haña e impreshon distinktu ku e tabata lubidando un parti grandi di e Ekspiashon—e poder enkapasitadó di Kristu. E tabata lubidando tur e momentunan e Salbador a yud’é pa ta kende e mestera ta i sirbi eksediendo su propio kapasitad.

Ku esei den mente, el a reflekshonhá atrobe riba su siman anterior. El a bisa: “Un sentimentu di goso a atravesá dor di mi melankoliá segun mi a nota ku El a duna mi hopi oportunidatnan i abilidatnan. Mi a ripara ku gratitud e abilidat ku mi tabatin pa rekonose mi yu su nesesidatnan ora e no tabata obvio. Mi a ripara ku riba un dia ora mi a sinti ku mi no por a pone mas kos pa hasi aserka, mi tabata kapas di ofresé palabranan di fortalesa na un amiga. Mi a mustra pasenshi den un sirkunstansia ku normalmente lo a kausa e opuesto di mi.”

El a konkluí: “Miéntras ku mi a duna Dios danki pa e Salbador su poder enkapasitadó, mi a sinti hopi mas optimismo tokante e proceso di arepentimentu ku mi tabata trahando riba i mi a mira na e siman dilanti mi ku un speransa renobá.”

Elder Melvin J. Ballard a siña kon e santa cena por ta un eksperensia sanadó i limpiadó. El a bisa:

Ken tentre nos no a herida su spiritu ku palabra, pensamentu, of hecho, di Sabath pa Sabath? Nos ta hasi kosnan pa kua nos ta lamenta i desea pordon. … E metodo pa obtene pordon ta … arepentí di nos pikanan, bai serka esnan kontra kende nos a péka of transgresdí i obtene nan pordon i despues bolbe na e mesa sakramental na unda, si nos a arepenti sinseramente i si nos a pone nos mes den kondishon debido, nos lo wòrdu pordoná, i sanashon spiritual lo bini na nos almanan. …

“Mi ta un testigu,” Elder Ballard a bisa, “ku tin un spiritu ku ta akompaña e administrashon di e santa cena ku ta keinta e alma for di kabez te na pia; bo ta sinti ku e heridanan di e spiritu ta wòrdu saná, i e karga ta wòrdu kitá. Konsuelo i felisidat ta bini na e alma kua ta digno i berdaderamente deseando di tuma parti di e kuminda spiritual aki.”¹¹

Nos almanan heridá por wòrdu saná i renobá no solamente pasobra e pan i e awa ta kòrda nos di e Salbador su sakrifisio di Su karni i sanger pero pasobra e emblemanan tambe ta kòrda nos ku E semper lo ta nos “pan ku ta duna bida”¹² i “awa ku ta duna bida.”¹³

Despues di a administra e santa cena na e Nefitanan, Hesus a bisa:

“Esun ku kome di e pan aki ta kome di mi kurpa pa su alma; i esun ku bebe di e biña aki ta bebe di mi sanger pa su alma; i su alma nunka lo tin hamber ni set, pero lo ta yen.

“Awor ora henter e multitut a kome i bebe, ata ki, nan a wòrdu yená ku e Spiritu.”¹⁴

Ku e palabranan aki, Kristu a siña nos ku e Spiritu ta sana i renobá nos alma. E bendishon primintí di e santa cena ta ku nos lo semper tin Su Spiritu huntu ku nos.¹⁵

Ora mi partisipá di e santa cena, tin biaha mi ta imagina den mi mente un pintura ku ta munstra e Salbador resusitá ku Su brasanan ekstendí, manera ku si E ta kla pa risibi nos den Su embraso amoroso. Mi ta stima e pintura aki. Ora mi ta pensa riba dje durante e administrashon di e santa cena, my alma ta wòrdu lantá miéntras ku mi por kasi tende e palabranan di e Salbador. El a bisa ku Su brasa di misèrikòrdia ta ekstendí na nan. Ken ku lo bini lo wòrdu risibí. El a bisa esnan kende ta bini serka dj’E ta bendishoná.¹⁶

Poseedornan di e Saserdosio Aroniko ta representa e Salbador ora nan ta prepará, bendishoná, i komparti e santa cena. Ora un posedor di saserdosio ta ekstende su brasa pa ofrese nos e sagradu emblemanan, e ta manera e Salbador Mes tabata ekstendiendo Su brasa di misèrikòrdia, invitando kada uno di nos pa tuma di e presioso regalo di amor hasí obtenibel pa Su sakrifisio ekspiadó—regalonan di arepentimentu, pordon, konsuelo, i speransa.¹⁷

Mas knos ta skrudiñá e signifikashon di e santa cena, mas sagrado i importante e ta binra pa nos. Esaki tabata loke un tata di 96 aña a ekspresá ora su yu a puntra, “Pa, dikon bo ta bai iglesia? Bo no por mira, bo no por tende, e ta difisil pa bo kana rònt. Dikon bo ta bai iglesia?” E tata a kontestá, “E ta e santa cena. Mi ta bai pa tuma di e santa cena.”

Mi ta spera ku kada un di nos ta bini na e reunion sakramental prepara pa tin “un berdadero eksperensia spiritual, un komunion sagrado, un renobashon pa [nos] alma.”¹⁸

Mi sa ku nos Tata Selestial i nos Salbador ta biba. Mi ta agradisí pa e oportunidat [ku] e santa cena ta proveé pa sinti di Nan amor i pa tuma di e Spiritu. Den e nòmber di Hesu Kristu, amèn.