Bon Biní na Konferensia

Mi rumanan, kon agradesí mi ta pa yama bosonan bonbiní na e gran konferansia mundial aki. Nos ta reuní huntu den lokashonnan rònt mundu pa tende i siña for di rumannan ku nos a sostoné komo Outoridatnan General i ofisialnan general di e Iglesia. Nan a pidi e yuda di shelu konserniente e mensahenan ku nan lo presentá, i nan a sintí inspirashon pa loke lo ta bai wòrdubisá.

E konferensia aki ta marka e nobenta aniversario di transshonnan radial di konferensia general. Durante e konferensia di Oktober 1924, e seshonnan a wòrdu transmití na radio pa e promé biaha pa medio di KSL [di kual Iglesia ta doño]. E konferensia tambe ta marka e sesenteisinku aniversario di transshonnan di televishon di konferensia. Na e konferensia general den Oktober 1949, e seshonnan a wòrdu transmití pa promé biaha na televishon rònt e area di Salt Lake pa medio di KSL televishon.

Nos ta rekonosé e bendishon di media moderno ku ta laga miones di miembronan di e Iglesia wak of tende e konferensia general. E seshonnan di e fin di siman aki ta wòrdu transmití pa medio di televishon, radio, kabel, satelit, i di e Internet, inkluso aparatonan mobil.

Durante e seis luna ku a pasá for di dia ku nos a reuní, un tèmpel nobo a wòrdu dediká i un redediká. Den Mei Presidente Dieter F. Uchtdorf a dediká e Tèmpel di Fort Lauderdale Florida. Un maravioso selebrashon kultural di hobennan a wòrdu presentá e dia promé di e dedikashon. E siguisiguiente dia, riba Djadumingu, 4 di Mei , e tèmpel a wòrdu dediká den tres seshon.

Djis dos siman pasá tabata mi privileio redediká eTèmpel di Ogden Utah, originalmente dediká den 1972 pa Presidente Joseph Fielding Smith. Un selebrashon kultural grandi a pasa e dia promé di e rededikashon, ku tantu hobennan partisipando ku dos aktuashon seperá a wòrdu presentá, ku un grupo di hende diferente pa kada un. Total, 16,000 hóben a partisipá. E sirbishinan di rededikashon a sosodé e dia siguisiguiente, ku hopi di e Rumannan partisipando, huntu ku e lidernan di ousiliar i e presidente di tèmpel,i su konseheronan, i nan esposanan.

Nos konstrukshon di tèmpelnan ta sigui ferviente. E próksimo luna e Tèmpel nobo di Phoenix Arizona lo wòrdu dediká, i e próksimo aña, den 2015, nos ta antisipá dedikashon of rededikashon di por lo menos sinku tèmpel, i posibelmente mas, dependiendo di ora na ta kla.

Manera mi a menshoná den Aprel, ora tur e tèmpelnan ku tabata anunsiá ta konstruí i dediká, nos lo tin 170 tèmpel den funshon rònt mundu. Dor ku nos ta konsentrá nos esfuersonan pa kompletá tèmpelnan ku ya a wòrdu anunsiá, nos lo noanunsiá awor aki ningun tèmpel nobo. Pero, den futuro, miéntras nos ta identifiká e nesesidatnan i ta haña propiedatnan, anunsionan di tèmpelnan adishonal lo wòrdu hasi.

E Iglesia ta sigui krese. Awor nos ta mas ku djessinku mion fuerte i ta kresiendo den kantidat. Nos esfuersonan midional ta sigui bai dilanti sin obstakulonan. Nos tin mas di 88,000 mishioñero sirbiendo, kompartiendo e mensahe di evangelio rònt mundu. Nos ta reasegurá ku e obra mishioñal ta un deber di saserdosio, i nos ta animá tur hòmber hóben dignu i kapas pa sirbi. Nos ta hopi agradesí pa e hobennan muhé kende ta sirbi tambe. Nan ta hasi un kontribushon konsiderabel, aunku nan no ta bou di e mesun mandato di sirbi manera e hòmbernan hóben.

Awor mi ta invitá bosnan pa pone atenshon na e rumannan ku lo partisipá awe i mañan durante nos seshonnan di konferensia. Tur esnan ku a wòrdu pidí pa papia ta sinti un responsabilidad grandi pa hasi’é. Mientras nos ta skucha, laga nos kurason wòrdu mové i nos fe krese, mi ta roga humildemente den e nòmber di JesuCristu, amèn.