!Vidio: “!Yufala Nao I Ol Woman Ia we Hem I Bin Luk Finis!”
Long 1979, Presiden W. Kimbol i bin stap long hospital mo i askem waef blong hem, Camilla, blong hem i ridim toktok blong hem long wan jeneral miting blong ol woman.
Sista Camilla Kimbol: “Plante long ol bigfala namba blong pipol we oli kam long Jos long ol las dei, bae oli kam from plante long ol gudfala woman blong wol ia (we olgeta ia oli gat plante moa tingting long saed blong spirit) bae oli wantem kam long Jos, long bigfala namba. Hemia bae i hapen kasem mak ia we ol woman blong Jos ia oli soemaot stret mo gud fasin, mo oli mekem gud mo stret samting long laef blong olgeta; mo kasem mak ia we ol woman blong Jos, bae oli luk olgeta se oli spesel mo ol defren … long ol woman we oli folem fasin blong wol.”1
Presiden Russell M. Nelson: “Ol dia sista blong mi. Yufala i stamba wokfren blong mifala long taem ia, dei ia we Presiden Kimbol i bin luk finis, hem i tedei. !Yufala nao i ol woman ia we hem i bin luk finis! !Klin fasin, laet, lav, save, strong paoa long tingting, fasin, fet mo stret mo gud laef blong yufala bae i pulum ol gudfala woman blong wol wetem famli blong olgeta i kam long Jos long bigfala namba!
“Mifala i nidim paoa, jenis blong hat, strong tingting, mo paoa blong save lidim man, waes tingting mo voes blong yufala. Kingdom blong God i no, mo i no save fulwan sapos i no gat ol woman we oli mekem ol tabu kavenan, mo afta, stap kipim olgeta, ol woman we oli save toktok wetem paoa mo atoriti blong God!
“I nomata wanem koling blong yu, i nomata long wanem situesen blong yu, mifala i nidim ol tingting mo filing blong yufala, ol niu lukluk blong yufala, mo insperesen blong yufala. Mifala i nidim yufala blong toktok laod mo toktok moa long ol wod mo stek kaonsel. Yumi nidim wanwan mared sista blong i toktok olsem wan ful patna we i givhan taem yu stap wan wetem hasban blong yu blong rulum famli blong yu. “Sapos yu mared o singgel, yufala ol sista, yufala i gat ol paoa blong yufalawan mo spesel filing blong save samting we yufala i bin kasem olsem ol presen we oli kam long God. Mifala, ol brata, mifala i no save mekem o kopi long paoa ia blong lidim tingting, we i blong yufala nomo. …
Mifala i save en blong evri kriesen, !i kriesen blong woman! !Mifala i nidim paoa blong yufala!…
“ … Mifala i talem tangkyu ol dia sista, mo blesem yufala blong kam antap kasem ful paoa blong yufala, blong kasem mak blong kriesen blong yufala, taem yumi holem han tugeta long tabu wok ia. Tugeta, bae yumi mekem wol ia i rere from Seken Kaming blong Lod.2