Nna ukwu, Anyị chọrọ Ịhụ Jizọs

Otu ụbọchị nime spring nke afọ 1945, otu nwa okorobịa tetara n’ụlọ ọgwụ ndị agha. O nwere ihu ọma ịdị ndụ—a ka gbara ya egbe n’azu ntị, mana ndị dọkịnta awala ya, ma o nwere ike ugbua ga ije ma kwuo okwu nke ọma.

N’ụzọ dị mwute, mgbọ ahụ emebiela akụkụ ụbụrụ ya nke na-amata ihu mmadụ niile. O lere nwunye ya anya na-amataghị onye ọ bụ; ọ nweghị ike ịmata nne nke ya. Ọbụnaghị ihu ọ hụru na ugegbe ka ọmatara—ọ kọtaghị ma ọbụ nwoke ma ọbụ nwanyị.¹

Ọ ghọwo onye kpụrụ isii ịmata ihu—ọnọdụ na-emetụ nde kuru nde ndị mmadụ.²

Ndị mmadụ nwere ọrịa ịkpụisii ịmata ihu na-agbalị ịmata ndị ọzọ site na iburu iwu niile nisi—otu iwu maka ịmata otu ada site na otu ihe gbakasịrị onye ahụ n’ihu sịrị dị ma ọbụ otu site na ije ije nke enyị ha.

Nke a bụ akụkọ nke abụọ, bịaruo nso ụlọ: Dịka nwa okorobịa, A na m ahụkarị nne m dị ka onye ome iwu. Ọ bụ ya na-ekpebi mgbe m nwere ike gwuo egwu na mgbe m ga-alaba ma ọbụ, ọjọka njọ, dọpụta ahịhịa nime ogige.

O doro-anya na-ọhụrụ m nanya. Kama ọtụtụ mgbe na ihere m, A hụrụ m ya naanị dịka “Nwanyị a Ga-Eruberịrị Isi.”

Naanị mgbe ọtụtụ afọ gachara ka m bịara hụ ya dị ka ezi mmadụ. Ihere na-eme m na A mataghị m aja ya ma ọbụ chee ihe mere na ọtụtụ afọ ọ nara eyi naanị uwe ochie abụọ (ma mụ enweta uwe ụlọ akwụkwọ ọhụrụ) ma ọbụ ihe mere, mgbe ụbọchị gachara, ezigbo ike na-agwụ ya ma ọ nara achọ ka m laba ọsịsọ.

Ikekwa ị chọpụtala na akụkọ abụọ ndị a bụ nezie otu akụkọ—ruo ọtụtụ afọ, enwere m, nezie ikpụisii ịmata ihu. A hụghị m nne m dị ka ezi mmadụ. A hụrụ m iwu ya niile mana a hụghị m ịhụnaanya ya nime ha.

A na m akọrọ unu akụkọ abụọ ndị a igosi otu ihe: A na m eche na ịmara otu onye (ikekwa ị bụ otu onye) onye na-arịa ọrịa ịkpụisii ịmata ihu nke ime mmụọ.

Ị nwere ike na-arara gị ahụ ịhụ Chineke dị ka Nna dị ịhụnaanya. Ị nwere ike lee anya n’elu ma hụ ma ahụghị ihu nke ịhụnaanya na ebere kama otu ogbugbo nke iwu nke ị ga-esirịrị na ya gafere. Ikekwa ị kwenyere na Chineke na-achị nime eluigwe Ya, na-ekwu okwu site n’aka ndị amụma Ya, ma hụ nwanne gị nwanyị naanya, mana na-eche na nzuzo ma Ọ hụrụ gị naanya.³ Ikekwa ị nwela mmetụta nke mkpara igwe dị n’aka gị mana ị nwetabeghị ịhụnaanya nke Onye Nzọpụta gị bụ ebe ọ na-eduga.⁴

A na m eche na ị mara ndị dị otu a nihi ruo na ogologo oge, M bụ onye dị otu a—E nwere m ịkpụisii ịmata ihu nke ime mmụọ.

E chere m na ndụ m bụ ịgbaso iwu niile na ime ihe kwekọrọ n’ụkpụrụ nkịtị. A matara m na Chineke hụrụ gị naanya zuru oke kama e nweghị m mmetụta ya n’onwe m. Egwu na-atụ m na m chere maka ịbanye n’eluigwe karịa ịnọnyere Nna m nke Eluigwe.

Ọ bụrụ na gị, ka m, nwere ike mgbe ụfọdụ nwee ndakọrịta egbugbere ọnụ mana hara “ịgụ abụ nke mgbapụta ịhụnaanya,”⁵ ole ihe anyị nwere ike mme?

Aziza ahụ, dị ka Onyeisi Nelson na-echetara anyị, bụ Jizọs mgbe niile.⁶ Ma nke a bụ ezigbo ozi ọma.

E nwere amaokwu dị mkpịrịsi na Jọn nke na-amasị m. Ọ na-ekwu banyere otu ndị si na mba ọzọ bụ ndị ji arịrịọ dị mkpa gakwuru onye na-eso ụzọ ya. “Nna ukwu,” ha kwuru, “anyị ga [achọ] ị hụ Jizọs.”⁷

Nke a bụ ihe anyị niile chọrọ—anyị chọrọ ị hụ Jizọs maka onye Ọ bụ ma nwe mmetụta ịhụnaanya Ya. Nke a kwesịrị ịbụ ihe kpatara ọtụtụ ihe ndị anyị na-eme niime Nzukọ nsọ—na n’eziokwu nye nzukọ oriri nsọ niile. Ọ bụrụ na ị na-eche maka ụdị ihe ọmụmụ ị ga-akuzi, ụdị nzukọ a ga-eme atụmatụ ya, ma ị ga-ahapụ naanị ndị dikọn ma gwuo dodgeball, ị nwere ike were amaokwu a dị ka ihe ndụ gị: nke a ọ ga-enyere ndị mmadụ aka ịhụ ma hụ Jisọs Kraịst naanya? Ma ọ bụghị ya, ikekwa nwaa ihe ọzọ.

Mgbe m chọpụtara na enwere m ihu Ịkpuịsịị nke ime mmụọ, na m hụrụ iwu niile kama ọbụghị ihu nke ebere nke Nna, a matara m na ọ bụghị Nzukọ nsọ kpatara ya. O sighị n’aka Chineke, ma ọpụtaghị na ihe niile furu efu; ọ bụ ihe anyị niile kwesịrị ị mụta. Ọbụna ndị aka-ebe mbụ nye Mbilite n’ọnwụ ọtụtụ oge hụrụ Onyenwe anyị bịlitere n’ọnwụ ihu na ihu mana ha amataghị Ya; site na Ubi Ili ruo na ikpere mmiri nke Galili, ndị mbụ soro Ya “hụrụ Jizọs kwụ ọtọ, ma amaghị na ọ bụ Jizọs.”⁸ Ha gbara mbọ ịmụta otu esi amata Ya, ma otu ahụ ka anyị ga-eme.⁹

Mgbe m chọpụtara na-enwere m ihu ịkpuịsịị nke ime mmụọ, e bidoro m na-eso ndụmọdụ nke Mọmọn ikpe ekpere “jiri ike niile nke obi” ị jupụta na ịhụnaanya ahụ ekwere ndị na-eso ụzọ Ya na nkwa—ịhụnaanya m nwere ebe Ọ nọ na ịhụnaanya O nwere ebe m nọ—na ka “ịhụụ ya di ka ọ dị … ma nwe olile anya nke a.”¹⁰ E kpere m ekpere ọtụtụ afọ inwe ike soro iwu mbụ ukwuu ịhụ Chineke naanya ma nwee mmetụta na eziokwu … nke mbụ bụ na Chineke hụrụ anyị n’anya jiri obi, ike, uche, na ume Ya .”¹¹

A gụrụ m ma gụgharịa ma gụgharịa Ozi ọma anọ ahụ—oge a ịgụ n’abụghị iji wepụ iwu niile kama ịhụ onye Ọ bụ na ihe Ọ hụrụ naanya. Ma, nime oge, osimiri ịhụnaanya nke si na Ya asọpụta buru m.

Jizọs bidoro kwuru na mbido na Ọ bịara “ịgwọ ndị obi tiwara etiwa, ị kwusa nwere onwe nye ndị eji-eji na ime ka ndị isii hụ ụzọ.”¹²

Nke a abụghị naanị ndepụta ime ihe ma ọbụ PR dị mma; ọ bụ ụdịdị nke ịhụnaanya Ya.

Mepee Ozi ọma niile ahụ, na ibe-akwụkwọ ọbụla anyị na-ahụ Ya ebe ọ na-elekọta ndị na-ata ahụhụ— n’etiti ọha na eze na anụ ahụ. Ọ na-emetụ ndị e were dị ka ndị rụrụ arụ na ndị adịghị ọcha aka¹³ ma nye ndị agụụ nri.¹⁴

Gịnị bụ akụkọ kachasị masị gị nke Jizọs? A na m eche na o gosiri Nwa nke Chineke ka ọ na-agbatị aka ịmakụ ma ọbụ nye olile anya nye mmadụ nọ n’akụkụ—onye ekpenta,¹⁵ onye Sameria akpọrọ asị,¹⁶ onye eboro ebubo na onye mmehie,¹⁷ ma ọbụ onye iro mba.¹⁸ Ụdị amara ahụ dị ịtụnaanya.

Gbalịa idetu oge ọbụla Ọ na-eto ma ọbụ na-agwọ ma ọbụ na-eri ihe ya na onye ọzọ, ma ihe edemede gị ga-agwụ tupu ị hapụ Luk.

Dịka m hụrụ nke a, obi m wụliri elu n’ihi mmata ihe dị ịhụnaanya, ma m bidoro inwe mmetụta na enwere ike Ọ hụrụ m naanya. Dịka Onyeisi Nelson kuziri, “Ka ị na-amụtakwu gbasara Onye Nzọpụta, ka ọ ga-adịwanye mfe ịtụkwasị obi n’ebere Ya, ịhụnaanya Ya na-enweghị ngwụcha.”¹⁹ Ma ị ga aka atụkwasịkwu obi ma hụ Nna gị nke Eluigwe naanya karịa.

Okenye Holland akuziworo anyị na Jizọs bịara igosi “anyị onye na ụdị Chineke Nna anyị nke Ebighị ebi bụ, otu O si jiri obi Ya niile nyefe ụmụ Ya nime afọ na mba niile.”²⁰

Pọl sịrị Chineke bụ “Nna nke obi ebere [niile], na Chineke nke nkasi obi niile.”²¹

Ọ bụrụ na ị na-ahụ Ya n’ụdị dị iche, ga nihu na-agbalị.

Ndị amụma na-akpọ anyị ịchọ ihu Ya.²² E were m nke a dị ka ihe ncheta na anyị na-efe Nna anyị, ọ bụghị usoro, na anyị emechabeghị ruo mgbe anyị hụrụ Jizọs dịka ihu nke ịhụnanya nke Nna²³ ma soro Ya, ọbụghị naanị iwu Ya niile.²⁴

Mgbe ndị amụma na ndị-ozi na-ekwu banyere ọgbụgba ndụ niile, ha adịghị ka ndị nkuzi na-eti mkpu site na (red velvert) bleachers, na-agwa anyị ka “anyị gbalịkwuo!” Ha chọrọ ka anyị hụ ọgbụgba ndụ anyị niile ka ihe gbasara mmekọrịta²⁶ ma nwere ike bụrụ ọgwụgwọ maka ihu Ịkpuịsịị nke ime mmụọ.²⁶ Ha abụghị iwu niile iji nweta ịhụnaanya Ya; Ọ dị mbụ nwere ịhụnaanya zuru oke ebe ị nọ. Aka-mgba anyị bụ ị ghọta ma dozie ndụ anyị nye ịhụnaanya ahụ.²⁷

Anyị na-agbalị ịhụ site na ọgbụgba ndụ anyị niile, dịka site na windo, ruo ihu ebere nke Nna n’azụ.

Ọgbụgba ndụ niile bụ udịdị nke mmakụ nke Chineke.

N’ikpeazụ, anyị nwere ike ịmụta ịhụ Ya site n’ijere Ya ozi. “Maka olee otu mmadụ ga-esi mata nna ya ukwu onye ọ na-ejerebeghị ozi?”²⁸

Afọ ole na ole gara-aga, E nwetara m ọkpụkpọ oku obi m anabataghị. E tetara m n’isi ụtụtụ, jiri ụjọ—kama were nkebiokwu n’uche nke m na-anụbeghị mbụ: na ije ozi n’ọgbakọ nsọ a bụ iguzo n’osimiri nke ịhụnaanya Chineke n’ebe ụmụ ya nọ. Nzukọ nsọ a bụ otu ndị ọrụ nke ndị mmadụ na-eji pick na shọvel na-agbalị inye aka kpochapụ ọwa maka osimiri nke ịhụnaanya Chineke nye ụmụ Ya nọ na njedebe nke ahịrị ahụ.

Onye ọbụla ị bụ, ihe ọbụla bụ ihe ịbụrụla, e nwere ohere maka gị nime Nzukọ nsọ a.²⁹

Were otu pick na shọvel ma sonye na otu ahụ. Nye aka buru ịhụnaanya Ya nye ụmụ Ya, ma ụfọdụ ya ga-adakwasị gị.³⁰

Ka anyị chọọ ihu ịhụnaanya Ya, mmakụ ogbụgba-ndụ Ya, ma mgbe ahụ konye aka gị na ụmụ Ya, ma jikọta ọnụ anyị ga-agụụ “Onye Mgbapụta nke Izrel”:

Ka anyị chọọ ihu ịhụnaanya Ya ma mgbe ahụ bụrụ arịa niile nke ebere Ya nye ụmụ Ya.³² Site na aha nke Jizọs Kraịst, amen