Eziokwu Dị Ebighị ebi

Mgbe mụ na nwunye m natasịrị oku nke ije ozi dị ka ndị ndu mishọn n’uju, ezi na ụlọ anyị kpebiri ịmụ aha onye mgbasa ozi ọma ọbụla tupu ịbịarute ngalaba mgbasa ozi oma. Anyị nwetere ọtụtụ foto, kewapụta ọtụtụ flash kaadị, ma malite ịmụ ọtụtụ aha na ibu aha niile n’uche.

Ozugbo anyị rutere, anyị mere ọgbakọ nke ndubata anyị na ndị mgbasa ozi ọma. Dịka anyị na-agwakọta a nụrụ m ka nwa anyị nwoke gbara afọ iteghete kwuru:

“Obi dị m ụtọ izute gị, Sam!”

Rechel, ebee ka i si?”

Ewo, Devid, i toro ogologo!”

Na-ịtụ egwu, a gakwuru m nwa anyị nwoke ma takaa, “Hei, ka anyị cheta ịkpọtụrụ ndị mgbasa ozi ọma dị ka Okenye ma ọ bụ Nwanne nwanyị.”

O lere m anya na mgbagwoju anya ma sị, “Papa, e chere m ma anyị kwesịrị i buru aha ha n’isi.” Nwa anyị nwoke mere ihe o chere bụ ihe ziri ezi nke dabeere na nghọta ya.

Ya mere,gịnị bụ nghọta anyị banyere eziokwu n’ụwa nke taa? Ana awụkwasị anyị ọtụtụ echiche dị ike, ime mkpesa ihu abụọ, na data ndị na-ezughị oke esepụghị aka. N’otu oge ahụkwa, nsiripụta niile na ukwu ozi nke a na-amụba amụba. Mkpa anyị ịmata eziokwu enwebeghị mgbe ọbụla ọ dịrị mkpa karịa!

Eziokwu dị oke mkpa ma na-akwado mmekọrịta anyị na Chineke, chọta udo na ọńụ, ma rute ike dị niime anyị si na chi. Taa, ka anyị tulee ajụjụ ndịa na-esote:

• Gịnị bụ eziokwu, ma gịnị mere o ji dị mkpa?

• O lee otu anyị ga-esi achọta eziokwu?

• Mgbe anyị chọtara eziokwu, kedụ otu anyị ga-esi akọ ya?

Onyenwe anyị akuziworo anyị na akwụkwọ nsọ na, “eziokwu bụ ọmụma ihe nke ihe niile dị ka ha dị, na dị ka ha dịịrị, na dị ka ha ga-adị n’oge na-abịa abịa ” (Ozizi na Ọgbụgba ndụ niile 93:24). Ọ “bụghị ihe ekere eke ma ọ bụ ihe e mere eme” (Ozizi na Ọgbụgba ndụ niile 93:22) ma “nweghị nsọtụ ọbụla” (Ozizi na Ọgbụgba ndụ niile 88:66).¹ Eziokwu bụ kpoo, dịgịde, ma nweghị ike ịgbanwe. Ikwu ya n’ụzọ ọzọ eziokwu dị ebighị ebi²

Eziokwu na-enyere anyị aka gbochie nduhie,³ hụzie nke ọma ihe ọma site niihe ọjọọ⁴ nata nchekwa,⁵ ma chọta nkasi obi na ọgwụgwọ.⁶ Eziokwu nwekwara ike iduzi ihe omume anyị niile⁷ mee ka anyị nwere onwe anyị⁸ doo anyị nsọ,⁹ ma duruo anyị na ndụ ebighị ebi.¹⁰

Chineke na-ekpughere anyị eziokwu site n’usoro nke esi ekpughe mmekọrịta niile Gụnyere YaOnwe Ya, Jizọs Kraịst, Mmụọ Nsọ, ndị amụma, na anyị. Ka m kọwaa ihe dị iche mana nwee njikọ ya na ọrụ nke onye ọbụla na ndị so eme ihe na-arụ n’usoro nke a.

Nke mbụ, Chineke bụ nsiripụta ahụ nke eziokwu dị ebighị ebi.¹¹ Ya na Ọkpara Ya, Jizọs Kraịst,¹² nwere nghọta nke eziokwu zuru oke ma na-emekọta ihe ọnụ n’ịdị n’otu mgbe niile jiri ezi ụkpụrụ niile na iwu niile.¹³ Ike nke a na-enye Ha ohere iji kee ma chịa ụwa niile¹⁴ tinyekwara inwe ịhụnaanya, iduzi, na inye onye ọbụla niime anyị ọzụzụ n’ụzọ zuru oke.¹⁵ Ha chọrọ ka anyị ghọta ma tinye eziokwu n’ọrụ ka anyị nwee ike ńụrịa na ngọzị ndị Ha na-enwe.¹⁶ Ha nwere ike tinye eziokwu niime mmadụ ma ọ bụ, ebe a na-ahụkarị, site na ndị ozi ụdị dị ka Mmụọ Nsọ, ndị mmụọ ozi, ma ọ bụ ndị amụma dị ndụ.

Nke Abụọ bụ, Mmụọ Nsọ na-agba ama banyere eziokwu niile.¹⁷ Ọ na-ekpughere anyị eziokwu kpọm kwem na ndị na-agba ama eziokwu ndị ọzọ kuziri. Nkwagide sitere na Mmụọ a na-ahụkarị na-abịa dị ka echiche nye uche anyị na mmetụta niile nye mkpụrụ obi anyị.¹⁸

Nke atọ, ndị amụma na-anata eziokwu site n’aka Chineke ma kesaara anyị eziokwu ahụ.¹⁹ Anyị na-amụta eziokwu site n’aka ndị amụma oge gara aga dị niime akwụkwọ nsọ²⁰ na site na ndị amụma dị ndụ n’ọgbakọ zuruọha na site n’ụzọ ndị ọzọ esi ezi ozi nke iwu kwadoro.

N’ikpeazụ, mụ na gị na-arụ ọrụ dị mkpa n’usoro nke a. Chineke tụrụanya n’aka anyị ịchọ, ịmata, ma were eziokwu ahụ mee ihe. Ike anyị iji nata ma tinye eziokwu n’ọrụ dabeere na ume nke mmekọrịta anyị na Nna na Ọkpara ahụ, ịdị njikere anyị nye ike nke Mmụọ Nsọ, na nkwụrụ na ahịrị anyị anyị na ndị amụma ụbọchị ikpeazụ a.

Anyị kwesịrị icheta na Setan na-arụ ọrụ ijichi anyị site n’eziokwu. Ọ maara na ma eziokwu adịghị, anyị enweghị ike inwete ndụ ebighị ebi. Ọ na-efegharị agịrị nke eziokwu jiri filọsọfị ndị ụwa iji megherie anyị anya ma kwapụ uche anyị site n’ozi e ziri site n’aka Chineke.²¹

Dị ka anyị na-achọ eziokwu dị ebighị,²²ajụjụ abụọ ndị a na-esote nwere ike nyere anyị aka mata ma ihe kpatara esi eme ihe o sitere n’aka Chineke bịa ma ọ bụ site na nsiripụta ọzọ.

• Ihe kpatara esi mee ya ọ bụ ihe akuziri niime akwụkwọ nsọ ma site naka ndị amụma dị ndụ?

• Ekwetewo na echiche ahụ bụ eziokwu site n’aka ebe nke Mmụọ Nsọ?

Chineke na-ekpughe eziokwu niile banyere ozizi site n’aka ndị amụma, ma Mmụọ Nsọ na-eme ka anyị mara maka eziokwu ndị ahụ ma nyere anyị aka tinye ha n’ọrụ.²³ Anyị ahaghị ịchọ ma dị na njikere ịnata nkwagide nke ime mmụọ ndị a mgbe ha bịara.²⁴ Anyị na-akachasị anabata aka ebe nke Mmụọ ahụ mgbe anyị wedara obi ala,²⁵ kpee ekpere jiri obi anyị niile ma mụọ okwu niile nke Chineke,²⁶ ma dobe iwu nsọ Ya niile.²⁷

Ozugbo anyị natasịrị nkwenye eziokwu sitere na Mmụọ Nsọ banyere otu ọkpụrụkpụ eziokwu, nghọta anyị na-emikpu dị ka anyị na etinye ụkpụrụ ahụ n’ọrụ. Ka oge na-aga, mgbe anyị na-ebi ndụ ụkpụrụ ahụ na-esepụghị aka, anyị na-enweta ọmụma ihe dị ire banyere eziokwu ahụ.²⁸

Na-ịmaatụ emewo m ọtụtụ mmejọ ma nwee mwute maka nhọrọ ndị jọrọ njọ. Mana site na ekpere, ọmụmụ ihe, na okwukwe niime Jizọs Kraịst, anatara m aka ebe banyere ụkpụrụ nke nchegharị.²⁹ Dị ka m garaniihu na-ichegharị, nghọta m banyere nchegharị bịara sie ike karịa. A bịara m dị Chineke na Ọkpara Ya nso karịa. A maara m ugbua na enwere ike ịgbaghara mmehie site na Jizọs Kraịst, niihi na ana m enweta ngọzi niile nke nchegharị ụbọchị ọbụla.³⁰

Ya mere, gịnị ka anyị ga-eme mgbe anyị ji obi anyị niile chọọ eziokwu nke ana ekpughebeghị? E nwere m ọmịiko dị ukwuu maka anyị onwe anyị ndị na-enwe oke agụụ maka azịza nke ndị na-eyighị ka ha na-abịa.

N’ebe Josef Smit nọ, Onyenwe anyị nyere ndụmọdụ, “Jide udo gị tutu ruo mgbe m ga-ahụ na ọ dị mma ime ka amata ihe niile … gbasara okwu ahụ” (Ozizi na Ọgbụgba ndụ niile 10:37).

Ma n’ebe Ema Smit nọ, Ọ kọwara, “Atamula ntamu ọbụghị niihi ihe ndị na ị hụbeghị, maka ha ka ejichiri site na gị nakwa site n’ụwa, nke bụ amamihe n’ime m n’oge na-abịa abịa” (Ozizi na Ọgbụgba ndụ niile 25:4).

Mụ onwe m, kwa, achọwo ọtụtụ azịza nye ajụjụ ndị si m n’obi. Ọtụtụ azịza abịawo; ụfọdụ abịabeghị.³¹ Dị ka anyị na-akwụdosị ike—na-atụkwasị obi n’amamiihe na ịhụnaanya nke Chineke, na-edobe iwu nsọ Ya niile, ma na-adabere n’elu ihe nkeanyị maara—Ọ na-enyere anyị aka chọta udo tutu ruo mgbe Ọ ga-ekpughe eziokwu banyere ihe niile.³²

Mgbe ana achọ eziokwu, ọ na-enye aka ịghọta ihe dị iche n’etiti ozizi na ụkpụrụ. Ozizi na-arụtụ aka na eziokwu ndị dị ebighị ebi, ụdị dị ka ọdịdị nke Ndị Bụ Chị, atụmatụ nke nzọpụta, na aja mgbaghara mmehie nke Jizọs Kraịst. Ụkpụrụ bụ itinye ozizi n’ọrụ site na ndabere nke ọnọdụ ndị dị ugbua dị ka eburu na-amụma. Ụkpụrụ na-enyere anyị aka lekọta Nzukọ nsọ n’ụzọ a haziri ahazi.

Ebe ozizi na-adịghị agbanwe agbanwe, usoro ka ana edebezi nke ọma site n’oge ruo n’oge. Onyenwe anyị na-arụ ọrụ site n’aka ndị amụma Ya iji kwadozie ozizi Ya na iji gbanweta ụkpụrụ Nzukọ nsọ niile dị ka otu mkpa nke ụmụ Ya siri dịrị.

Na mwute, anyị mgbe ụfọdụ na-agwakọta ụkpụrụ ya na ozizi. Ọ bụrụ na anyị aghọtaghị ihe dị iche, anyị nọ n’ọghọm inwe obi ịda mba mgbe ụkpụrụ niile gbanwere ma nwere ike malite ịjụ amamiihe nke Chineke ajụjụ ma ọ bụ ọrụ nke ibu amụma nke ndị amụma.³³

Mgbe anyị nwetara eziokwu site n’aka Chineke, Ọ na-agba anyị ume ikesa ọmụma ihe ahụ anyị na ndị ọzọ.³⁴ Anyị na-eme nke a mgbe anyị na-akuziri ndị klass ihe, eduzi nwata, ma ọ bụ na-akparịta ụka eziokwu ndị nke ozi ọma anyị na otu enyi.

Mbunoobi anyị bụ ikuzi eziokwu n’ụzọ nke ga-akpọbata ike ntọghata nke Mmụọ Nsọ³⁵ Ka m kọọ maka ụfọdụ mkpọku dị mfe sitere n’aka Onyenwe anyị na ndị amụma Ya nwere ike inyere anyị aka.³⁶

1. Tụkwasị obi na Nna nke Eluigwe, Jizọs Kraịst, na ozizi Ha dị oke mkpa.³⁷

2. Kwesie ike n’akwụkwọ nsọ na nkuzi niile nke ndị amụma ụbọchi ikpeazụ a.³⁸

3. Dabere n’ozizi ehiwere site na ụbara ndị aka ebe ji ikike.³⁹

4. Gbanarị ntụnye uche, echiche niile nke onwe, ma ọ bụ echiche nke ndị ụwa bu n’obi.⁴⁰

5. Kuzie otu isi ihe ozizi dị niime ọnọdụ metụtara eziokwu niile nke ozi ọma.⁴¹

6. Jiri usoro niile nke nkuzi nke ihe na-akpọbata ike nke Mmụọ ahụ.⁴²

7. Zie ozi n’ụzọ doro anya iji gbanarị nghọtahie.⁴³

Otu anyị si na-akuzi eziokwu dị mkpa n’ezie. Pọl gbara anyị ume ikwu “eziokwu n’ịhụnaanya ” (lee Ndị Efesọs 4:14–15). Eziokwu nwere ohere kachasị mma nke ịgọzi onye ọzọ mgbe ekwuru ya n’ịhụnaanya dị ka nke Kraịst.⁴⁴

Eziokwu a kuziri na-ejighị ịhụnaanya nwere ike ịkpata mmetụta nke ịda mba, na owu ọmụma. Ọtụtụ mgbe ọ na-edubakarị n’iwe iwe na nkewa—ọbụna esemokwu. N’aka nke ọzọ, ịhụnaanya na-enweghị eziokwu gba ọtọ ma nweghị nkwa nke ito eto.

Ma eziokwu ma ịhụnaanya ha abụọ dịcha oke mkpa maka uto nke ime mmụọ anyị.⁴⁵ Eziokwu na-ewete ozizi, ụkpụrụ niile na iwu niile dị mkpa iji rite ndụ ebighị ebi, ebe ịhụnaanya bụ ihe na-eweta mkpali a chọrọ iji nabata ma mee ihe niihe bụ eziokwu.

Obi m na-anọgide n’ekele ruo ebighị ebi maka ndị ọzọ jiri ndidi kuziere m eziokwu dị ebighị ebi site na ịhụnaanya.

Na mpịachi, ka m kọọ akụkọ eziokwu ndị dị ebighị ebieternal truths na-aghọwo ihe na-enye mkpụrụ obi m nkwụsi ike. Abịawo m na mmata nke eziokwu ndị a site n’isoro ụkpụrụ ndị ahụ akpara nkata ha taa.

Ama m na Chineke bụ Nna anyị nke Eluigwe.⁴⁶ Ọ mazuru ihe niile,⁴⁷ ji ike niile,⁴⁸ ma nwee ịhụnaanya zuru oke.⁴⁹ O kepụtara atụmatụ maka anyị inweta ndụ ebighị ebi ma ghọọ ndị dị ka Ya.⁵⁰

Dị ka akụkụ nke atụmatụ ahụ, O zitere Ọkpara Ya, Jizọs Kraịst, inyere anyị aka.⁵¹ Jizọs Kraịst kuziiri anyị ime ihe bụ uche nke Nna⁵² na ịhụrịta onye na ibe ya n’anya.⁵³ Ọ chụrụ aja maka mmehie anyị⁵⁴ ma nyefee ndụ Ya n’elu obe.⁵⁵ O bilitere site na ndị nwụrụ anwụ mgbe mkpụrụ ụbọchị atọ gasịrị.⁵⁶ Site na Kraịst na amara Ya, anyị ga-ebilite n’ọnwụ,⁵⁷ e nwere ike ịgbaghara anyị,⁵⁸ ma anyị nwere ike chọta ume niime mkpagbu.⁵⁹

N’oge ije ozi Ya n’elu ụwa, Jizọs hiwere Nzukọ nsọ Ya.⁶⁰ Ka oge na-aga, Nzukọ nsọ ahụ ka agbanwere, ma eziokwu niile wee fuo.⁶¹ Jizọs Kraịst weghachitere Nzukọ nsọ Ya na eziokwu niile nke ozi ọma site n’aka Onye amụma Josef Smith.⁶² Ma ụbọchị taa, Kraịst na-aganiihu idu Nzukọ nsọ Ya site n’aka ndị amụma na ndịozi dị ndụ taa.⁶³

Amaara m na dị ka anyị na-abịakwute Kraịst, anyị nwere ike mesịa “bụrụ ndị tozuru oke niime Ya” (Moronaị 10:32), nwete “ojuju nke ọńụ” (Ozizi na Ọgbụgba ndụ niile 93:33), ma nata “ihe niile [ahụ] nke Nna nwere” (Ozizi na Ọgbụgba ndụ niile 84:38). Nye eziokwu ndị a dị ebighị ebi ka m na-agba ama n’aha dị nsọ nke Jizọs Kraịst, amen.