වචන වැදගත්
වචන වාතාවරණය සකසයි. ඔවුන් අපගේ සිතුවිලි, හැඟීම් සහ අත්දැකීම්, හොඳ හෝ නරක සඳහා හඬ නඟයි.
සහෝදර, සහෝදරියනි, සහ ලොව පුරා සිටින මිතුරනි, මෙම අතිවිශාල ප්රේක්ෂකයින් ඇමතීමට ලැබීම මට ගෞරවයක් වන අතර, ඔවුන්ගෙන් බොහෝ දෙනෙක් අපගේ සභාවේ සාමාජිකයින් වන අතර තවත් බොහෝ දෙනෙක් මෙම සම්මන්ත්රණ විකාශනයට මිතුරන් සහ නව සවන්දෙන්නන් ය. සාදරයෙන් පිළිගනිමු!
මෙම දේශනා ශාලාවෙන් හුවමාරු වන පණිවිඩ වචනවලින් සන්නිවේදනය කරනු ලැබේ. ඒවා ඉංග්‍රීසියෙන් ලබා දී ඇති අතර විවිධ භාෂා 100කට ආසන්න ප්‍රමාණයකට පරිවර්තනය කර ඇත. සෑම විටම පදනම එක හා සමානය. වචන. ඒ වගේම වචන ගොඩක් වැදගත්. මම ඒක ආයෙමත් කියන්නම්. වචන වැදගත්!
එ්වා අපි සම්බධ වෙන ආකාරය පිළිබද පදනම වේ; ඒවා අපගේ විශ්වාසයන්, සදාචාරය සහ ඉදිරි දර්ශනයන් නියෝජනය කරයි. සමහරක් විට අපි වචන කතා කරනවා, තවත් විටක ඇහුම්කන් දෙනවා. වචන වාතාවරණය සකසයි. ඔවුන් අපගේ සිතුවිලි, හැඟීම් සහ අත්දැකීම්, හොඳ හෝ නරක සඳහා හඬ නඟයි.
අවාසනාවකට, වචන නොසැලකිලිමත්, ඉක්මන් සහ රිදවිය හැකිය. වරක් පැවසුවිට, අපට ඒවා ආපහු ගන්න බෑ. එ්වාට තුවාල කිරීමට, දඬුවම් කිරීමට, කපා දැමීමට සහ විනාශකාරී ක්රියාවන්ට පවා හේතු විය හැකිය. එ්වා අපට බරක් විය හැකිය.
අනෙක් අතට, වචන ජයග්රහණය සැමරීමට, බලාපොරොත්තු සහගත හා දිරිගන්වන විය හැකිය. එ්වාට අපගේ මාර්ඟය නැවත සිතා බැලීමට, නැවත ආරම්භ කිරීමට සහ නැවත යොමු කිරීමට අපව පොළඹවා ගත හැකිය. වචන වලට පුළුවන් අපේ මනස සත්යයට විවෘත කරන්න.
ප්‍රථමයෙන් හා ප්‍රධාන වශයෙන් ස්වාමීන්වහන්සේගේ වචන වැදගත් වන්නේ එබැවිනි.
මෝර්මන්ගේ පොතේ, පුරාණ ඇමරිකාවේ අනාගතවක්තෘ ඇල්මා සහ ඔහුගේ ජනතාව දෙවියන් වහන්සේගේ වචනය නොසලකා හරිමින්, ඔවුන්ගේ හදවත් දැඩි කරගත් සහ ඔවුන්ගේ සංස්කෘතිය දූෂණය කළ අය සමඟ නිමක් නැති යුද්ධවලට මුහුණ දුන්හ. ඇදහිලිවන්තයන්ට සටන් කළ හැකි නමුත් ඇල්මා මෙසේ උපදෙස් දුන්නේය.“දැන්, වචනය දේශනා කිරීම මගින් මිනිසුන්ව සාධාරණ දේ කිරීමට පෙළඹවීම සඳහා විශාල ප්‍රවණතාවක් ඇති බැවින්, ඔව්, එය කඩුවට හෝ වෙනත් දෙයකට වඩා ජනතාවගේ මනස කෙරෙහි ප්‍රබල බලපෑමක් ඇති කර තිබේ. එය ඔවුන්ට සිදු විය. එබැවින් ඇල්මා සිතුවේ ඔවුන් දේවවචනයේ ගුණාංගය උත්සාහ කිරීම සුදුසු බවය. ”1
“දෙවියන්වහන්සේගේ වචනය” අනෙක් සියලු ප්රකාශයන් අභිබවා යයි. පොළොව මැවීමේ දී ස්වාමින්වහන්සේ මෙසේ පැවසූ විට සිට එය එසේ වී ඇත: “එළිය වේවායි කීසේක: එවිට එළිය විය.”2
ගැලවුම්කරුවාණන්ගෙන් මෙම සහතිකය අලුත් ගිවිසුමේ පැමිණිය: “අහසත් පොළොවත් පහව යන්නේය, එහෙත් මාගේ වචන පහව නොයන්නේය.”3
තවද: “යමෙක් මට ප්‍රේමකරන්නේ නම්, ඔහු මාගේ වචනය රක්ෂා කරන්නේය. මාගේ පියාණන්වහන්සේ ද ඔහුට ප්‍රේම කරන සේක, අපි ඔහු ළඟට ඇවිත් ඔහු සමග වාසය කරමුව.4
මරියතුමියගෙන්, යේසුස්වහන්සේගේ මවගෙන් මෙම නිහතමානී සාක්ෂිය පැමිණියේය: බලන්න, මම ස්වාමින් වහන්සේගේ දාසිය වෙමි: ඔබ පැවසූ ලෙස ම මට ඉටු වේවා.” 5
දෙවියන් වහන්සේගේ වචනය විශ්වාස කිරීම සහ ඇහුම්කන් දීම අපව උන්වහන්සේට සමීප කරනු ඇත. සභාපති රසල් එම් නෙල්සන් පොරොන්දු වූවා, “ඔබ උන්වහන්සේගේ වචන අධ්යයනය කරන්නේ නම්, උන්වහන්සේ හා සමාන වීමට ඔබට ඇති හැකියාව වැඩි වනු ඇත.”6
ගීතිකාවේ සඳහන් වන පරිදි, “වඩාත් ආශීර්වාද ලත් හා ශුද්ධ—වත්, ගැලවුම්කරුවාණනී ඔබ මෙන්,” වීමට අප සැමට වුවමනා නොවේද?7
මට තරුණ ජෝසප් ස්මිත් ඔහුගේ දණහිස් මත ඔහුගේ ස්වර්ගයෙහි පියාණන්ගේ වචන අසනවා මවා ගත්තා: “[ජෝසෆ්,] මේ මාගේ ආදරණීය පුත්‍රයාය. ඔහුට සවන්දෙන්න!”8
ශුද්ධ ලියවිල්ලේ වචන වලින් අපි “උන්වහන්සේට ඇහුම්කන් දෙමු,” නමුත් අපි එ්වා පිටුවට පමණක් සීමා වෙන්න ඉඩ දෙමුද, නැතහොත් උන්වහන්සේ අපට කතා කරන බව අපි හඳුනා ගනිමුද? අපි වෙනස් වෙනවද?
අපි ශුද්ධාත්මයාණන්ගෙන් පුද්ගලික එළිදරව් කිරීම් සහ පෙළඹවීම්වල දී, යාච්ඤාවට පිළිතුරු ලැබෙන විට දී, සහ යේසුස් ක්‍රිස්තුස්වහන්සේට පමණක් උන්වහන්සේගේ වන්දිගෙවීමේ බලය තුළින් අපගේ බර ඉසිලීමට, අපට සමාව සහ සාමය ලබා දීමට සහ අපව සදාකාලයටම“උන්වහන්සේගේ ප්රේමයේ හස්තයෙන් අප වටකර” ඇති විට දී අපට “උන්වහන්සේ ඇසෙයි.”9
දෙවනුව, අනාගතවක්තෘවරුන්ගේ වචන වැදගත්.
අනාගතවක්තෘවරු යේසුස් ක්රිස්තුස්වහන්සේගේ දේවත්වය පිළිබඳව සාක්ශි දරති. ඔවුන් උන්වහන්සේගේ ශුභාරංචිය උගන්වා සියල්ලන් කෙරෙහි උන්වහන්සේගේ ප්රේමය පෙන්වති. 10 අපගේ ජීවමාන අනාගතවක්තෘ, සභාපති රසල් එම්. නෙල්සන්, ස්වාමින්වහන්සේගේ වචනය අසා කතා කරන බවට මම සාක්ෂි දරමි.
සභාපති නෙල්සන් හට වචන හැසුරුවීමේ දක්ෂතාවයක් ඇත. ඔහු පවසා , ඇත්තේ “ගිවිසුම් මාවතේ සිටින්න,”11 “ඊශ්‍රායෙල් එක්රැස් කරන්න,”12 “දෙවියන් වහන්සේට දිනන්නට ඉඩ දෙන්න,”13 “අවබෝධයේ පාලම් ගොඩනඟන්න,”14 “ස්තුති කරන්න, ,”15 “යේසුස් ක්රිස්තුස් වහන්සේ කෙරෙහි ඇදහිල්ල වැඩි කරන්න,”16 “ඔබේ සාක්ෂිය ආරක්ෂා කරගන්න, 17 සහ “සාමය ඇති කරන්නෙකු වන්න.”18
මෑතකදී ඔහු අපෙන් ඉල්ලා ඇත්තේ “ සෙලෙස්ටියල් මහිමය සිතන්න.” “ඔබ විශාල ප්‍රශ්ණයකට මුහුණ දෙන විට,” ඔහු පැවසුවා, “සෙලෙස්ටියල් මහිමය සිතන්න! පරීක්ෂාවට ලක් වූ විට, සෙලෙස්ටියල් මහිමය සිතන්න! ජීවිතය හෝ ආදරණීයයන් ඔබව අධෛර්යමත් කරන විට, සෙලෙස්ටියල් මහිමය සිතන්න! යමෙක් අකාලයේ මිය ගිය විට, සෙලෙස්ටියල් මහිමය සිතන්න. …ජීවිතයේ පීඩනයන් ඔබ වෙත ඇදී එන විට,සෙලෙස්ටියල් මහිමය සිතන්න. ඔබ සෙලෙස්ටියල් මහිමය සිතන විට, ඔබේ හදවත ක්රමයෙන් වෙනස් වනු ඇත, … පරීක්ෂාවන් සහ විරුද්ධත්වයන් නව ආලෝකයකින් දකිනු ඇත, … [සහ] ඔබේ ඇදහිල්ල වර්ධනය වෙනු ඇත.”19
අප සෙලෙස්ටියල් මහිමය සිතන විට, අපට දේවල් ඇත්ත වශයෙන්ම තිබෙන ආකාරයට දකිනු ඇත.” 20 ව්‍යාකූලත්වය හා මතභේදවලින් බර වූ මේ ලෝකයේ, අප සැමට එම ඉදිරිදර්ශනය අවශ්‍ය වේ.
වැඩිවැඩිහිටි ජෝර්ජ් ඇල්බට් ස්මිත්, සභාවේ සභාපති වීමට බොහෝ කලකට පෙර, අනාගතවක්තෘවරයාව අනුමත කිරීම සහ ඔහුගේ වචනවලට අවනත වීම ගැන කතා කළේය. ඔහු මෙසේ පැවසීය: “අපගේ දෑත් ඔසවන විට අප විසින් කරන ලද යුතුකම … අති පූජනීය එකකි. … ඒ කියන්නේ… අපි ඔහුත් සමග සිටින බව; අපි ඔහු වෙනුවෙන් යාච්ඤා කරන්නෙමු; … ස්වාමින්වහන්සේ විසින් මෙහෙයවනු ලබන පරිදි උන්වහන්සේගේ උපදෙස් ඉටු කිරීමට අපි උත්සාහ කරන්නෙමු.”21 වෙනත් වචන වලින් කිවහොත්, අපගේ අනාගතවක්තෘවරයාගේ වචන පිළිබඳ අපි උනන්දුවෙන් ක්රියා කරන්නෙමු.
අපගේ ලෝක ව්‍යාප්ත සභාව විසින් ඊයේ දින අනුමත කරන ලද එළිදරව් කරන්නන්, දර්ශන දකින්නන් සහ අනාගතවක්තෘවරුන් 15 දෙනාගෙන් කෙනෙකු ලෙස, අනාගතවක්තෘවරයාව අනුමත කිරීම සහ ඔහුගේ වචන වැලඳ ගැනීම පිළිබඳ මගේ එක් අත්දැකීමක් ඔබ සමඟ බෙදා ගැනීමට මට වුවමනාය. එය විස්තර කළ අනාගතවක්තෘ යාකොබ් මෙන් මට එය විය, “ස්වාමින් වහන්සේගේ හඬින් නියම වචනයෙන් මා හට කථා කරනවා ඇසිමි.”22
පසුගිය ඔක්තෝම්බර් මගේ බිරිඳ, මෙලනි සහ මම තායිලන්තයේ බැංකොක් හි සිටියා, මම සභාවේ 185 වන දේවමාළිගාව දේ කැප කිරීමට සූදානම් වෙමින් සිටියෙමි.24 මට, පැවරුම අධිතාත්වික හා නිහතමානී විය. මෙය අග්නිදිග ආසියා අර්ධද්වීපයේ පළමු දේවමාළිගාව විය.24 එය දක්ෂ ලෙස නිර්මාණය කරන ලදී—තට්ටු හයක, උල් වූ කොත්-නවයකින් සමන්විත ගොඩනැඟිල්ල, “සුදුසු ලෙස රාමු කර ඇත ”25 ස්වාමීන් වහන්සේගේ ගෘහයක් වීමට. මාස ගාණක් තිස්සේ මම කල්පනා කළා කැප කිරීම ගැන. මගේ ආත්මයේ සහ මනසේ ස්ථාවර වූ දෙය නම් දේශය සහ දේවමාළිගාව අනාගතවක්තෘවරුන්ගේ සහ අපෝස්තුළුවරුන්ගේ දෑතින් තුරුලු කර ඇති බවයි. සභාපති තෝමස් එස්. මොන්සන් විසින් දේවමාළිගාව ප්රකාශයට පත්කරා 26 සහ සභාපති නෙල්සන් විසින් කැපකිරීම කරන ලදී.27
මම මාස ගණනකට කලින් කැපකිරීමේ යාච්ඤාව සූදානම් කර තිබුණෙමි. එම පූජනීය වචන භාෂා 12 කට පරිවර්තනය කර තිබුණි. අපි සූදානම්. එහෙම සිතුවා මම.
කැපකිරීමට පෙර දින රාත්රියේ මම නින්දෙන් අවදි වූයේ කැපකිරීමේ යාච්ඤාව ගැන නොසන්සුන්, හදිසි හැඟීමකිනි. යාච්ඤාව හරි ඇති බව සිතමින් මම පෙළඹවීම පසෙකට දැමීමට උත්සාහ කළෙමි. එහෙත් ආත්මයාණන්වහන්සේ මට එසේ කිරීමට ඉඩ නොදුනි. සමහර වචන අතුරුදහන් වී ඇති බව මට හැඟී ගිය අතර, දිව්යමය සැලසුමකින් ඒවා එළිදරව්වෙන් මා වෙත පැමිණි අතර, මම යාච්ඤාව අවසානයට මෙම වචන ඇතුල් කළෙමි: “අප උත්කර්ශවත්ව සිතන්න ලැබේවා, ඔබවහන්සේගේ ආත්මයාණන්වහන්සේ අපගේ ජීවිත තුළ දිනන්නට ඉඩ දෙමින්, සහ සෑම විටම සාමය ඇති කරන්නෙකු වන්න උත්සාහ කරමින්.”28 ස්වාමින්වහන්සේ අපගේ ජීවමාන අනාගතවක්තෘවරයාගේ වචන වලට ඇහුම්කන් දෙන ලෙස මට මතක් කරමින් සිටියහ: “සෙලෙස්ටියල් මහිමය සිතන්න,” “ආත්මයාණන්වහන්සේට දිනන්නට ඉඩ දෙන්න,” “සාමය ඇති කරන්නෙකු වන්න උත්සාහ කරන්න.” අනාගතවක්තෘවරයාගේ වචන ස්වාමින්වහන්සේට සහ අපට වැදගත් වේ.
තෙවනුව, අපේම වචන ඉතා වැදගත් වේ. මාව විශ්වාස කරන්න, අපේ ඉමෝජි පිරුණු29 ලෝකයේ, අපේ වචන වැදගත්.
අපගේ වචන ආධාරක හෝ කෝපාවිෂ්ට, ප්රීතිමත් හෝ නපුරු, දයානුකම්පිත හෝ නොසලකා හරින විය හැකිය. උණුසුම් මොහොතේ, වචනවලින් දෂ්ට කළ හැකි අතර ආත්මයේ ගැඹුරට වේදනාකාරී ලෙස ගිලී යා හැකිය—සහ එහි රැඳී සිටිය හැකිය. අන්තර්ජාලයේ අපගේ වචන, කෙටි පණිවුඩ යැවීම, සමාජ මාධ්ය හෝ ටුවිටර් ඔවුන්ගේම ජීවිත මතයක් ගනී. ඒ නිසා ඔබ කියන දේ සහ ඔබ එය පවසන ආකාරය ගැන සැලකිලිමත් වන්න. අපගේ පවුල්වල, විශේෂයෙන් ස්වාමිපුරුෂයන්, භාර්යාවන් සහ දරුවන් සමඟ, අපගේ වචන අපව එකට එකතු කිරීමට හෝ අප අතර භේදයක් ඇති කළ හැකිය.
දුෂ්කරතා සහ වෙනස්කම් වලින් මිදීමට, ඔසවන්නට සහ එකිනෙකාට සහතික වීමට අපට භාවිතා කළ හැකි සරල වාක්ය ඛණ්ඩ තුනක් යෝජනා කිරීමට මට ඉඩ දෙන්න.
“ඔබට ස්තූතියි.”
“මට කණගාටුයි.”
සහ “මම ඔබට ආදරෙයි.”
විශේෂ සිදුවීමක් හෝ ව්යසනයක් සඳහා මෙම නිහතමානී වාක්ය ඛණ්ඩ සුරකින්න එපා. එවා අන් අය කෙරෙහි සැලකිල්ලක් දක්වන බැවින් ඒවා නිතර හා අවංකව භාවිතා කරන්න. කථාවේ වටිනාකම අඩු වෙයි; ඒ රටාව අනුගමනය කරන්න එපා.
සෝපානයේ, වාහන නැවැත්වීමේ ස්ථානයේ, වෙළඳපොලේ, කාර්යාලයේ, පෝලිමේ හෝ අපගේ අසල්වැසියන් හෝ මිතුරන් සමඟ අපට “ස්තූතියි” කියා පැවසිය හැකිය. අප වැරැද්දක් කළ විට, හමුවීමක් මග හැරෙන විට, උපන්දිනයක් අමතක වූ විට හෝ යමෙකු වේදනාවෙන් සිටිනු දුටු විට අපට “මට කණගාටුයි” යැයි පැවසිය හැකිය. අපට “මම ඔබට ආදරෙයි” යැයි පැවසිය හැකි අතර එම වචන “මම ඔබ ගැන සිතමි,” “මම ඔබ ගැන සැලකිලිමත් වෙමි,” “මම මෙහි සිටින්නේ ඔබ වෙනුවෙන්” හෝ “ඔබ මට සෑම දෙයක්ම” යන පණිවිඩය රැගෙන යයි.
මට පෞද්ගලික උදාහරණයක් බෙදාගැනීමට ඉඩදෙන්න. ස්වාමිපුරුෂයිනි, සැලකිලිමත් වන්න. සහෝදරියනි, මෙය ඔබටත් උපකා රක් වේවි. සභාවේ මගේ පූර්ණ කාලීන පැවරුමට පෙර, මම මගේ සමාගම සඳහා පුළුල් ලෙස ගමන් කළෙමි. මම ලෝකයේ බොහෝ දුර ප්‍රදේශවලට සෑහෙන කාලයක් ගියා. මගේ දවස අවසානයේ, මම සෑමවිටම ගෙදරට කතා කළෙමි. මගේ බිරිඳ, මෙලනි, දුරකථනය අතට ගත් විට සහ මම වාර්තා කළ විට, අපගේ සංවාදය සෑම විටම “මම ඔබට ආදරෙයි” ප්රකාශ කිරීමට අපව යොමු කළේය. සෑම දිනකම, එම වචන මගේ ආත්මයට සහ මගේ හැසිරීමට නැංගුරමක් ලෙස සේවය කළේය; ඒවා නපුරු සැලැස්මවලින් මට ආරක්ෂාවක් විය. “මෙලනි, මම ඔයාට ආදරෙයි” අපි අතර ඇති වටිනා විශ්වාසය ගැන කතා කළා.
සභාපති තෝමස් එස්. මොන්සන් කියා සිටියේය, “ස්ථාවර වීමට පාද, ග්රහණය කර ගැනීමට අත්, දිරිමත් කිරීමට මනස, දිරිගැන්වීමට හදවත් සහ බේරා ගැනීමට ආත්මයන් ඇත.”30 “ස්තූතියි,” “මට කණගාටුයි,” “මම ඔබට ආදරෙයි” යැයි පැවසීම එය කරනු ඇත.
සහෝදර සහෝදරියනි, වචන වැදගත්.
ගැළවීමට මඟ පෙන්වන “ක්රිස්තුස්වහන්සේගේ වචනය භුක්ති”31 විඳින විට, අපට මඟ පෙන්වන සහ දිරිමත් කරන අපගේ අනාගතවක්තෘවරයාගේ වචන, සහ අප කවුරුන්ද යන්න සහ අපට වටිනා දේ ගැන කතා කරන අපගේම වචන භුක්ති විඳින විට, ස්වර්ගයේ බලයන් අප මත වැගිරෙනු ඇතැයි මම පොරොන්දු වෙමි. “ක්රිස්තුස්වහන්සේගේ වචනය නුඹලා කළ යුතු සියල්ල නුඹලාට කියනු ලබන්නේය.”32 අපි ස්වර්ගීය පියාණන්ගේ දරුවන් වන අතර උන්වහන්සේ අපගේ දෙවියන්වහන්සේ වේ, උන්වහන්සේ අපෙන් අපේක්ෂා කරන්නේ අප “දේවදූතයන්ගේ දිවෙන්”33 කතා කිරීමට ශුද්ධාත්මයාණන්ගේ බලය තුළින්.34
මම ස්වාමින් වූ යේසුස් ක්‍රිස්තුස්වහන්සේට ආදරෙයි. උන්වහන්සේ, පැරණි ගිවිසුමේ අනාගතවක්තෘ යෙසායාගේ වචනයෙන්, “අපූර්වය, උපදේශකයා, බලවත් දෙවියන්වහන්සේය, සදාකාල පියාණෝය, සාමයේ කුමාරයාය.”35 ප්‍රේරිතවර යොහන් පැහැදිලි කළ පරිදි, යේසුස් ක්රිස්තුස්වහන්සේම ‘’වචනය යි’’.36
මේ ගැන මම සාක්ෂි දරන්නේ ස්වාමින්වහන්සේගේ දිව්යමය සේවයට කැඳවන ලද ප්‍රේරිතවරයෙකු ලෙස—උන්වහන්සේගේ වචනය ප්රකාශ කිරීමට—සහ උන්වහන්සේගේ විශේෂ සාක්ෂිකරුවෙකු ලෙස පෙනී සිටීමට කැඳවනු ලැබූ ලෙස ය. ගැලවීම ලබාදෙන්නාවූ ස්වාමි වූ යේසුස් ක්රිස්තුස්වහන්සේගේ නාමයෙන්, ආමෙන්.