ගිවිසුම් සහ වගකීම්

ගිවිසුමක් යනු යම් වගකීම් ඉටු කිරීම සඳහා කැපවීමකි. අපගේ පුද්ගල ජීවිත නියාමනය කිරීම සහ සමාජයේ ක්රියාකාරිත්වය සඳහා කැපවීම් අත්යවශ්ය වේ. මෙම අදහස මේ වන විට අභියෝගයට ලක්වෙමින් පවතී. වාචික සුළුතරයක් ආයතනික අධිකාරික්වයට විරුද්ධ වන අතර පුද්ගලයන් ඔවුන්ගේ පුද්ගල නිදහස සීමා කරන ඕනෑම සීමාවකින් නිදහස් විය යුතු බව අවධාරනය කරයි. එසේ වුවද සංවිධානාත්මක ප්‍රජාවන් තුළ ජීවත්වීමේ වාසි ලබා ගැනීම සඳහා පුද්ගලයන් යම් පුද්ගල නිදහසක් අත්හරින බව සහස්‍ර ගණනාවක අත්දැකීම් වලින් අපි දනිමු. එවැනි පුද්ගල නිදහස අත්හැරීම ප්‍රධාන වශයෙන් ප්‍රකාශිත හෝ ඇඟවුම් කරන ලද කැපවීම් හෝ ගිවිසුම් මත පදනම් වේ.

රූපය

හමුදා නිලධාරීන්.

රූපය

වෛද්ය නිලධාරීන්.

රූපය

ගිනි නිවන භටයින්.

රූපය

පූර්ණ කාලීන ධර්මදූතයින්.

අපගේ සමාජයේ ගිවිසුම් වගකීම් පිළිබඳ උදාහරණ කිහිපයක් මෙන්න:(1) විනිසුරුවන්, (2) හමුදාව, (3) වෛද්ය නිලධාරීන් සහ (4) ගිනි නිවන භටයන්. මෙම හුරුපුරුදු වෘත්තීන්ට සම්බන්ධ සියලු දෙනා ඔවුන්ගේ පවරා ඇති රාජකාරි ඉටු කිරීම සඳහා. කැපවීමක් සිදු කරයි—බොහෝ විට දිවුරුමක් හෝ ගිවිසුමක් මගින් විධිමත් කර ඇත. අපගේ පූර්ණ-කාලීන ධර්මදූතයින් සම්බන්ධයෙන්ද එය එසේම වේ. සුවිශේෂී ඇඳුම් පැළඳුම් හෝ නාම අදහස් කරන්නේ පළඳින්නා ගිවිසුමට යටත්ව සිටින බවත් එම නිසා ඉගැන්වීමට හා සේවය කිරීමට ඔහුට යුතුකමක් ඇති බවත් එම සේවයට සහාය විය යුතු බවත් ඇඟවීමටයි. අදාළ පරමාර්ථය වන්නේ පැළඳ සිටින අයට ඔවුන්ගේ ගිවිසුම් වගකීම් මතක් කර දීමයි. ඔවුන්ගේ සුවිශේෂී ඇඳුම් පැළඳුම් හෝ සංකේතවල “මැජික්” නොමැත, පැළඳ සිටින අය භාරගත් විශේෂ වගකීම් පිළිබඳ අවශ්ය මතක් කිරීමක් පමණි. විවාහ ගිවිස ගැනීමේ සහ මංගල මුදු වල සංකේත සහ නිරීක්ෂකයින්ට දැනුම් දීමේ හෝ පැළඳ සිටින අයට ගිවිසුම් වගකීම් මතක් කිරීමේ ඔවුන්ගේ භූමිකාව සම්බන්ධයෙන් ද මෙය සත්‍ය වේ.

රූපය

විවාහ මුදු.

තනි පුද්ගල ජීවිත නියාමනය සඳහා පදනමක් වන ගිවිසුම් ගැන මා පවසා ඇති දේ විශේෂයෙන්ම ආගමික ගිවිසුම්වලට අදාළ වේ. බොහෝ ආගමික බැඳීම් සහ අවශ්යතාවල පදනම සහ ඉතිහාසය ගිවිසුම් මත පදනම් වේ. නිදසුනක් වශයෙන්, ආබ්රහමික් ගිවිසුම ශ්රේෂ්ඨ ආගමික සම්ප්රදායන් කිහිපයකට මූලික වේ. එය දෙවියන්වහන්සේගේ දරුවන් සමඟ ඇතිකරගත් ගිවිසුමේ පොරොන්දු පිළිබඳ ශුද්ධවූ අදහස හඳුන්වා දෙයි. පරණ ගිවිසුමේ නිතර සඳහන් වන්නේ ආබ්‍රහම් සහ ඔහුගේ වංශය සමඟ දෙවියන්වහන්සේගේ ගිවිසුමයි. ¹

පැරණි ගිවිසුමේ යුගයේ දී ලියන ලද මෝමන්ගේ පොතේ පළමු කොටස, ඊශ්රායෙල් ඉතිහාසයේ සහ නමස්කාරයේ ගිවිසුම්වල කාර්යභාරය පැහැදිලිව පෙන්නුම් කරයි. නෙපිට පැවසුවේ එම යුගයේ ඉශ්රායෙල් ලියවිලි “ස්වාමින් වහන්සේගේ ගිවිසුම් අඩංගු යුදෙව්වන්ගේ වාර්තාවක් වන අතර එය ඔහු ඊශ්රායෙල් වංශයට කළ” බවයි.² නෙපිගේ පො ත ආබ්රහමික ගිවිසුම ³ සහ ඉශ්රායෙල්වරුන් “ස්වාමින් වහන්සේගේ ගිවිසුම් සෙනඟ” ලෙස නිතර සඳහන් කරයි.⁴ දෙවියන් වහන්සේ හෝ ආගමික නායකයින් සමඟ ගිවිසුම් ගත වීමේ පිළිවෙත නෙපී, ඊජිප්තුවේ ජෝසප්, බෙන්ජමින් රජු, අල්මා සහ කපිතාන් මොරෝනි ගැන මෝමන්ගේ පොතේ ලියවිලි වල ද සටහන් වේ.⁵

යේසුස් ක්රිස්තුස්වහන්සේගේ ශුභාරංචියේ පූර්ණත්වය නැවත පාහිටුවීමට සඳහා කාලය පැමිණි විට, දෙවියන්වහන්සේ අනාගතවක්තෘවරයෙක් කැඳවූවා , ජෝසප් ස්මිත්. මෙම පරිණත තරුණ අනාගතවක්තෘවරයාට මොරොනි දේවදූතයාගේ මුල් උපදෙස්වල සම්පූර්ණ අන්තර්ගතය අපි නොදනිමු. “දෙවියන් වහන්සේට [ඔහුට] කිරීමට කාර්යයක් ඇති” බවත්, “පියවරුන්ට දුන් පොරොන්දු ඇතුළුව” “සදාකාලික ශුභාරංචියේ පූර්ණත්වය” ගෙන ආ යුතු බවත් උන්වහන්සේ ජෝසප්ට පැවසූ බව අපි දනිමු⁶ තරුණ ජෝසප් විසින් සභාවක් සංවිධානය කිරීමට යොමු කිරීමට—පෙර සිටම දැඩි ලෙස කියවූ ශුද්ධ ලියවිලි—ඔහු මෝමන්ගේ පොතේ පරිවර්තනය කරමින් සිටිය ගිවිසුම් පිළිබඳ බොහෝ ඉගැන්වීම් බව අපි දනිමු. එම පොත දෙවියන්වහන්සේගේ දරුවන් සඳහා වූ සැලැස්ම ඇතුළුව ශුභාරංචියේ පූර්ණත්වය සඳහා නැවත පිහිටුවීමේ ප්‍රධාන මූලාශ්‍රය වන අතර මෝර්මන්ගේ පොත ගිවිසුම් වෙත යොමු කිරීම් වලින් පිරී ඇත.

බයිබලයේ හොඳින් කියවා ඇති නිසා, “ඊශ්රායෙල් වංශය හා ජුදා වංශය සමඟ නව ගිවිසුමක් ඇති කර ගැනීම” සඳහා ගැලවුම්කරුවාණන්ගේ අභිප්රාය ගැන හෙබ්රෙව් පොතේ සඳහන ගැන ජෝසප් දැන සිටිය යුතුය.⁷ හෙබ්‍රෙව්වරුන් යේසුස්වහන්සේව හඳුන්වන්නේ “නව ගිවිසුමේ මැදිහත්කරුවාණන්” ලෙසයි.⁸ සැලකිය යුතු කරුණක් නම්, ගැලවුම්කරුවාණන්ගේ මරණීය දේවසේවය පිළිබඳ බයිබලය හා සම්බන්ධ විස්තරය “නව ගිවිසුම” ලෙස නම් කර ඇත, “නව ගිවිසුම” සඳහා අනියම සමාන පදයකි.

ශුභාරංචිය නැවත පිහිටුවීමේදි ගිවිසුම් මූලික විය. ස්වාමින් වහන්සේ තම සභාව සංවිධානය කිරීමේදී අනාගතවක්තෘවරයාට අනුගමනය කිරීමට උපදෙස් දුන් මුල්ම පියවරවලින් මෙය පැහැදිලි වේ. මෝමන් පොත ප්රකාශයට පත් කළ විගස, ස්වාමින් වහන්සේ තම නැවත පිහිටු සභාව සංවිධානය කිරීමට උපදෙස් දුන් අතර, ඉක්මනින් යේසුස් ක්‍රිස්තුස්වහන්සේගේ පසුදවස්වල ශුද්ධවන්තයන්ගෙන් යුත් සභාව ලෙස නම් කරන ලදී.⁹ 1830 අප්‍රේල් මාසයේ දී වාර්තා කරන ලද එළිදරව්ව මඟින් පුද්ගලයන් “සාක්ෂි දීමෙන්” පසු(එනම් හදවතින්ම සාක්‍ෂි දීම) “බෞතීස්මයෙන් උන්වහන්සේගේ සභාවට පිළිගනු ලැබේ” “ඔවුන් තම සියලු පාපයන් ගැන සැබවින්ම පසුතැවිලි වී ඇති බවත්, යේසුස් ක්‍රිස්තුස්වහන්සෙගේ නාමය ඔවුන් වෙත භාර ගැනීමට කැමැත්තෙන් සිටින බවත්” උපදෙස් දෙයි, අවසානය දක්වා උන්වහන්සේට සේවය කිරීමට අධිෂ්ඨානයක් ඇත.¹⁰

මෙම එළිදරව්ව නියෝග කරන්නේ සභාව “ස්වාමීන් වන යේසුස් වහන්සේ සිහිපත් කිරීම සඳහා පාන් සහ වයින් [ජලය] සහභාගී කර ගැනීම සඳහා බොහෝ විට එකට හමුවන” බවයි. මෙම නියෝගවල වැදගත්කම, වැඩිමහල් හෝ පූජකවරයා සඳහා නියම කර ඇති ගිවිසුම් වචනවලින් පැහැදිලි වේ. ඔහු පාන් සංකේත ආශීර්වාද කරන්නේ “මෙයට සහභාගිවන්නා වූ එම සියලුම ප්‍රාණයන්ට …, තවද ඔවුන් … ඔබවහන්සේ වෙතට සාක්ෂි දරනු පිණිසය, අහෝ දෙවි වූ, සදාතනික පියාණන්වහන්ස, එනම් ඔවුන් ඔබවහන්සේගේ පුත්‍රයාණන්ගේ නාමය ඔවුන් මත ගැනීමට කැමතිව, උන්වහන්සේව සැමවිට සිහිකරමින්, උන්වහන්සේ ඔවුන්ට දුන්නා වූ එම උන්වහන්සේගේ ආඥාවන් පිළිපැදීමටය.” ¹¹

අලුතින් නැවත පිහිටුවන ලද සභාවේ ගිවිසුම්වල ප්‍රධාන කාර්යභාරය ස්වාමින් වහන්සේ තම එළිදරව් කිරීම් ප්‍රථම ප්‍රකාශනය සඳහා දුන් පෙරවදනෙන් නැවත තහවුරු කරන ලදී. එහි ස්වාමින් වහන්සේ ප්රකාශ කරන්නේ පොළොවේ වැසියන් “මාගේ අණපනත්වලින් ඈත්වී, මාගේ සදාකාල ගිවිසුම කඩ කර ඇති නිසා” ජෝසප් ස්මිත් කැඳවා ඇති බවයි.¹² “මගේ සදාකාලික ගිවිසුම පිහිටුවන පිණිස” උන්වහන්සේගේ ආඥා දෙනු ලබන බව එළිදරව්ව තවදුරටත් පැහැදිලි කරයි.¹³

නැවත පිහිටුවන ලද සභාවේ ගිවිසුම්වල කාර්යභාරය සහ එහි සාමාජිකයන්ගේ නමස්කාරය අද අපි තේරුම් ගනිමු. සභාපති ගෝර්ඩන් බී. හින්ක්ලි අපගේ බව්තීස්මයේ සහ අපගේ සතිපතා සක්‍රමේන්තුවට සහභාගී වීමේ බලපෑම පිළිබඳ මෙම සාරාංශය ලබා දුන්නේය: “බෞතිස්මයේ ජලයට ඇතුළු වූ මෙම සභාවේ සෑම සාමාජිකයෙක්ම පරිශුද්ධ ගිවිසුමකට පාර්ශ්වකරුවෙකු වී ඇත. ස්වාමින් වහන්සේගේ රාත්රී භෝජන සංග්රහයේ සක්රමේන්තුවට සහභාගී වන සෑම අවස්ථාවකම, අපි එම ගිවිසුම අලුත් කරමු¹⁴

සභාපති රසල් එම්. නෙල්සන් බොහෝ විට ගැලවීමේ සැලැස්ම “[දෙවියන් වහන්සේ] වෙතට අපව ආපසු ගෙන යන” සහ “දෙවියන් වහන්සේ සමඟ ඇති අපගේ සම්බන්ධතාවය” ලෙස “ගිවිසුම් මාර්ගය” ලෙස හඳුන්වන බව මෙම සම්මන්ත්‍රණයේ කතාකළ බොහෝ අය අපට මතක් කර දී ඇත.¹⁵ ඔහු අපගේ දේවමාළිගාවේ උත්සවවලදී ගිවිසුම්වල වැදගත්කම ගැන උගන්වන අතර ආරම්භයේ සිට අවසානය දැකීමට සහ “සෙලෙස්ටියල් මහිමය ගැන සිතීමට” අපෙන් ඉල්ලා සිටියි. ¹⁶

දැන් මම වැඩිපුර කතා කරන්නේ දේවමාළිගාවේ ගිවිසුම් ගැන ය. යේසුස් ක්රිස්තුස් වහන්සේගේ ශුභාරංචියේ පූර්ණත්වය නැවත පිහිටුවීමේ වගකීම ඉටු කිරීම සඳහා ජෝසප් ස්මිත් අනාගතවක්තෘ, ඉලිනොයිස් වල නවූ හි දේවමාළිගාවක් ඉදිකිරීම මෙහෙයවීම සඳහා ඔහුගේ අවසාන වසරවල වැඩි කාලයක් ගත කළේය. ඔහු තුළින් ස්වාමින් වහන්සේ තම අනුප්රාප්තිකයන්ට දේවමාළිගා පරිපාලනය කිරීම සඳහා පූජනීය ඉගැන්වීම්, දහම, සහ ගිවිසුම් එළිදරව් කළ සේක. බලයෙන් සැ රසීම ලබා දුන් පුද්ගලයන්ට දෙවියන් වහන්සේගේ ගැළවීමේ සැලැස්ම ඉගැන්විය යුතු අතර පූජනීය ගිවිසුම් ඇති කර ගැනීමට ආරාධනා කළ යුතු විය. එම ගිවිසුම්වලට ඇදහිලිවන්තව ජීවත් වූ අයට සදාකාල ජීවනය පොරොන්දු වූ අතර, එහි “සියල්ල ඔවුන්ගේ ය” සහ ඔවුන් “දෙවියන්වහන්සේ සහ උන්වහන්සේගේ ක්රිස්තුස් වහන්සේ අබියස සදහටම වාසය කරනු ඇත.”¹⁷

අපගේ මුල් පුරෝගාමීන් බටහිර කඳුකරයට ඔවුන්ගේ ඓතිහාසික ගමන ආරම්භ කිරීම සඳහා නෙරපා හැරීමට පෙර නාවූ දේවමාළිගයේ බලයෙන් සැරසීමේ උත්සව පරිපාලනය කරන ලදී. නාවූ දේවමාළිගාවේ ඔවුන්ගේ බලයෙන් සැරසීමහි ක්රිස්තුස් වහන්සේ සමඟ බැඳී සිටීමෙන් ඔවුන්ට ලැබුණු බලය ඔවුන්ගේ වීර චාරිකාව කිරීමට සහ බටහිර ස්ථාපිත වීමට ශක්තිය ලබා දුන් බව එම පුරෝගාමීන්ගෙන් අපට සාක්ෂි තිබේ.¹⁸

දේවමාළිගාවක බලයෙන් සැරසුන පුද්ගලයින් දේවමාළිගා වස්ත්රයක් පැළඳීමට වගකිව යුතු අතර, එය පිටත ඇඳුම් වලට යටින් පැළඳ සිටින බැවින් නොපෙනෙන ඇඳුම් කොටසකි. එය ඔවුන් විසින් කරන ලද පූජනීය ගිවිසුම් සහ ශුද්ධ වූ දේවමාළිගාවේ පොරොන්දු වී ඇති ආශීර්වාද බලයෙන් සැරසුන සාමාජිකයින්ට මතක් කර දෙයි. එම ශුද්ධ වූ අරමුණු සාක්ෂාත් කර ගැනීම සඳහා, දේවමාළිගාවේ වස්ත්ර අඛණ්ඩව පැළඳීමට අපට උපදෙස් දෙනු ලැබේ, පැහැදිලිවම අත්යවශ්ය දේවල් හැරෙන්න. ගිවිසුම් වලට දිනක නිවාඩුවක් නොලැබෙන නිසා, කෙනෙකුගේ වස්ත්ර ඉවත් කිරීම ඔවුන් සම්බන්ධ වන වගකීම් සහ ආශීර්වාද ප්රතික්ෂේප කිරීමක් ලෙස තේරුම් ගත හැකිය. ඊට පටහැනිව, තම දේවමාළිගා වස්ත්‍ර විශ්වාසවන්තව අඳින සහ තම දේවමාළිගාවේ ගිවිසුම් රකින පුද්ගලයන් ස්වාමීන් වන යේසුස් ක්‍රිස්තුස්ගේ අනුගාමිකයින් ලෙස ඔවුන්ගේ ගිවිසුම් වගකීම් තහවුරු කරයි.

රූපය

දේවමාළිගා සිතියම.

යේසුස් ක්‍රිස්තුස්වහන්සේගේ පසු-දවස්වල ශුද්ධවන්තයන්ගෙන් යුත් සභාව යනු පොළොව මත නැවත පිහිටුවා ඇති දෙවියන්වහන්සේගේ සභාවයි. ඔවුන්ගේ පරමාර්ථය වන්නේ දෙවියන් වහන්සේගේ ගිවිසුම් දරුවන්ට දේවමාළිගා නමස්කාරයෙන් ආශීර්වාද කිරීම සහ ගිවිසුමෙන් ඔවුන් ලබන ක්‍රිස්තුස් වහන්සේට බැඳී සිටීමේ පරිශුද්ධ වගකීම් සහ බලයන් සහ අද්විතීය ආශීර්වාද ලබා දීමයි.

රූපය

සාඕ පවුලෝ බ්‍රසීල දේවමාළිගාව

යේසුස් ක්‍රිස්තුස් වහන්සේගේ සභාව දෙවියන් වහන්සේ සමඟ ගිවිසුම් ඇති කර ගැනීම අවධාරණය කරන සභාවක් ලෙස හැඳින්වේ. මෙම නැවත පිහිටුවන ලද සභාව පරිපාලනය කරන ගැලවීම සහ උසස් කිරීම පිළිබඳ එක් එක් නියෝග තුළ ගිවිසුම් ආවේනික වේ. බව්තීස්මයේ නියෝග සහ ඒ ආශ්‍රිත ගිවිසුම් ස්වර්ග රාජ්‍යයට ඇතුල් වීම සඳහා අවශ්‍යතා වේ. දේවමාළිගාවේ නියෝ ග සහ ඒ හා සම්බන්ධ ගිවිසුම් සෙලෙස්ටියල් රාජධානියේ උත්කර්ෂයට නැංවීම සඳහා අවශ්යතා , වන අතර එය සදාකාල ජීවනය යි, එය ‘’දෙවියන් වහන්සේගේ සියලු දීමනා වලින් ශ්රේෂ්ඨතම වේ’’.¹⁹ යේසුස් ක්‍රිස්තුස්වහන්සේගේ පසු-දවස්වල ශුද්ධවන්තයන්ගෙන් යුත් සභාවේ අවධානය යොමු වන්නේ එයයි.

එම සභාවේ ප්‍රධානියා වන යේසුස් ක්‍රිස්තුස්වහන්සේ ගැන මම සාක්ෂි දරයි, ඔවුන්ගේ පරිශුද්ධ ගිවිසුම් තබා ගැනීමට උත්සාහ කරන සියල්ලන්ටම උන්වහන්සේගේ ආශීර්වාද ඉල්ලා සිටිමි. යේසුස් ක්‍රිස්තුස්වහන්සේගේ නාමයෙන්, ආමෙන්.