TE MAU MANA‘O TAUTURU NO TE PURERAA PÔ UTUAFARE

E nehenehe teie mau mana‘o tauturu no te haapiiraa e faaohipahia i roto i te piha haapiiraa e i roto atoa i te utuafare. E nehenehe ta outou e faatano i teie mau mana‘o tauturu i to outou utuafare aore râ piha haapiiraa.

« A haere mai i te hiero », api 14 : Ma te faaohiparaa i teie aamu, a tapa‘o i te mau oro‘a e ravehia i roto i te hiero, e a tuatapapa i te mau haamaitairaa no te haamoriraa i roto i te hiero. A faaite i te mau mana‘o e nahea ia faaineine i te haere i te hiero.

« Faaoroma‘iraa e tae noa’tu i te haamataraa », api 29 : A faaineine i te maa au-roa-hia e to outou utuafare. A tuu atu ia nehenehe i to outou utuafare ia ite mata e ia hau‘a i te reira. A parau atu ia ratou e noa’tu e nehenehe ta ratou e hinaaro i te amu i te reira i te reira ihoa taime, e ti‘a râ ia ratou ia tia‘i. A faaite i te aamu o Maria. A faaau i te tia‘iraa i te amu i te hoê maa au-roa-hia i to Maria tia‘i-noa-raa ia bapetizohia e ia haamauhia oia.

« No te Puai o te Taato’araa », api 32 : Te hepetoma na mua’tu, a ani i te melo tata‘itahi o te utuafare ia faaineine i te hoê a‘oraa poto no ni‘a i te hoê ture i roto i te No te Puai o te Feia Apî. A faaite i te mau a‘oraa, e a ma‘iti i muri iho i te hoê aore râ e piti ture ia haapa‘o maitaihia i taua hepetoma ra e te utuafare.

« Te pereoo tura‘i e aita e maa to roto » api H2 : Hou te haapiiraa, a papa‘i i te i‘oa o te mau melo atoa o te utuafare i ni‘a i te hoê api parau. A faaite i te aamu a te peresideni James E. Faust, e a tuatapapa i te mau uiraa i te pae hopea o te aamu. I muri iho ia rave te taata tata‘itahi i te hoê o te mau api parau. A haamaramarama e e ti‘a ia ratou ia imi i te mau rave‘a no te tauturu ma te ite-ore-hia i te taata ta ratou i huti i te i‘oa, i taua hepetoma ra.

« Aita o Michael i o nei », api H2 : A tai‘o i te aamu, e a tuatapapa nahea to Natalie tautururaa i to’na taea‘e. Ia hi‘o te mau melo no te utuafare 1 Ioane 4:21. A tuatapapa eaha te auraa ia. « here i to’na taea‘e ». E hinaaro paha outou e tauturu i te mau tamarii i roto i te utuafare ia papa‘i i te hoê rata i te tahi taata o te ore e haere tamau mai nei i te fare pureraa. E nehenehe atoa ta ratou e ani i taua taata ra ia haere mai i te paraimere aore râ i te mahana faaoaoaraa a te paraimere i mua atu.