Te faahauraa o te mau mana‘o no te taime faaanaanataeraa, Atopa 2007

Teie te tahi mau faahauraa no te mau mana‘o o ta te feia faatere o te Paraimere e faaohipa i roto i te taime faaanaanataeraa tei nene‘ihia i roto i te Liahono o te ava‘e Atopa 2007. No te haapiiraa, te mau haamaramaramaraa, e te faaoaoaraa e tano e teie mau mana‘o, a hi‘o « Eaha’tu ïa to oe oaoa rahi » i te mau api F4 e F5 o te tuhaa a te mau tamarii i roto i teie ve‘a.

1. Hou te Paraimere, a hamani i te mau hoho‘a o te mamoe (no te hoê hoho‘a, a hi‘o te buka Paraimere 2, haapiiraa 23, e aore râ, Paraimere 1 hoho‘a 1-8). A hamani e piti mamoe na te tamarii hoê, hoê aita e i‘oa e hoê te i‘oa no te tamarii i papa‘ihia i ni‘a iho. A taamu i na mamoe i ni‘a i te papa‘i o te piha a te Paraimere.

   A tai‘o Ioane 10:14. A tauturu i te mau tamarii ia maramarama i te faaauraa ta Iesu i rave. A faaite ia ratou e ua riro te tamarii tata‘itahi mai te hoê mamoe e o Iesu te tia‘i mamoe e aore râ, te taata faatere (a hi‘o « Mau Faaauraa », Haapiiraa Aore e Piiraa Teitei Atu [1999], 1763-64. Ua parau Cheryl Lant, peresideni rahi no te Paraimere e: Ua matau Iesu i te mau tamarii tata‘itahi o Ta’na i haamaitai i roto i te aamu o te Faufaa Tahito. Ua matau Oia i te mau tamarii tata‘itahi o te Ati Nephi, e ua ite Oia i te mau tamarii tata‘itahi o teie mahana. Te hinaaro nei Oia ia ite ratou tata‘itahi i To’na here. Te hinaaro nei Oia ia ite ratou tata‘itahi i Ta’na parau e ia roaa te hoê iteraa papû. Te hinaaro nei Oia ia farii ratou tata‘itahi i te mau haamaitairaa o te ra‘i e tae mai na roto i te oraraa parau-ti‘a » (« Feed My Lambs, » Primary open house address, Setepa 2006).

   A tuu i te hoho‘a o (Iesu te Mesia) te puohu hoho‘a 240 i mua i te piha. A ani i te mau tamarii ia imi i ta ratou iho mau mamoe e ia afa‘i atu i te tia‘i mamoe maitai. A ani te taata faata‘i piana ia hauti maru noa a ma‘imi ai te mau tamarii i ta ratou mau mamoe na te ana‘iraa e te tahi ana‘iraa e a tuu ai i mua. Ia oti teie ohipa i te ravehia, a faahaamana‘o ia ratou e te vaira e rave rahi mau mamoe aita â i tomo mai i roto e o tei ore â i tomo mai i roto i te Paraimere. Tai‘o Luka 15:4. A ani te faata‘i piana, e ani i te tamarii tata‘itahi ia ma‘iti hoê o te mau mamoe e aita e i‘oa. A ani ia ratou ia feruri i te hoê o ta ratou e nehenehe e ani no te haere mai i roto i te aua. Ia papa‘i i te i‘oa o te taata i ni‘a i te mamoe e ia afa‘i i te fare ia haamana‘o noa ratou ia ani i teie mamoe ia pee i te Tia‘i Mamoe Maitai.

   A faaite papû e o Iesu te Tia‘i Mamoe Maitai e ua horo‘a Oia i To’na ora no tatou, Ta’na mamoe.

2. A ani i te hoê melo itoito no te Ekalesia ia haere mai i te Paraimere ia faariro ia’na mai te hoê melo ore – te hoê taata ta te misionare e haapii ra. A tuu i ni‘a i te manihini e aore râ, i ni‘a i to’na ahu te hoê api parau tei papa‘ihia te hoê pereota ui rahi. Ia huri te manihini i te mau pereota ui i rapae mai roto mai i te hoê pute e aore râ, te hoê panie. A parau e e rave rahi uiraa ta teie taata. A ani i te mau tamarii e ua ite maitai anei ratou i te evanelia no te pahonoraa i te mau uiraa a teie melo ore. A parau e e hauti outou i te hoê hauti uiraa/pahonoraa. Te tuhaa fifi roa‘e oia hoi o te himeneraa ïa te mau tamarii i te mau pahonoraa atoa.

   E ani te manihini i te mau tamarii e, « O vai râ oe ? ». Ia hauti hau noa te faata‘i piana i te omuaraa o te himene « E tamarii au na te Atua ra » (Chant pour les enfants, 2) e i muri iho a vaiiho i te mau tamarii ia pahono i te uiraa ma te himene i te himene. A tapiti faahou e te tahi atu mau uiraa e te mau himene. I muri mai i te himene tata‘itahi, a tu‘u i te manihini ia tapiti i te uiraa e i te pahonoraa. Hi‘oraa, « A ! ua ite au. E mau tamarii atoa tatou na te Atua e ua tonohia mai i onei no To’na here ia tatou ». Ia tuatihia mai vetahi atu mau uiraa e mau pahonoraa tapehe: « Ua ora na vau i hea na hou vau i fanauhia’i ? » « Eaha te faaroo ? » « I hea to Iosepha Semita fariiraa te Buka a Moromona ? » A vaiiho i te mau tamarii ia ma‘iti eaha te himene e himene no te pahonoraa i te uiraa tata‘itahi, e ia horo‘a i te mau tamarii i te tahi tauturu mai te mea e hinaarohia.

   A tauturu i te mau tamarii ia maramarama e te haapii nei ratou i te evanelia na roto i te mau himene a te Paraimere. E horo‘a i te iteraa papû no te evanelia e i te faufaa o te pehe a tamau ai e a haapii ai i te evanelia.