Te pereoo tura‘i aita e maa to roto

Hōho’a

Tau matahiti i ma‘iri a‘e nei, ua opua te hoê pŭpŭ no te mau tahu‘a ia haaputuputu i te maa no te feia riirii ei opuaraa tavini. Hoê o teie mau tahu‘a o Jim, tei anaanatae maitai e o tei faaoti i te haaputu rahi i te maa hau atu i ta vera. E ua tae mai te taime e putuputu ai te mau tahu‘a i te fare pureraa. Ua haere ratou pauroa hoê â taime e ua ho‘i paatoa mai i te hoê taime i faataahia i taua ahiahi ra. Ua maere roa te mau taata atoa, i te mea e, aita e tauihaa a‘e to roto i te pereoo a Jim. Mai te mea ra e, e pe‘ape‘a to’na, e ua faaoo te tahi mau tamaroa ia’na. Ua ite a‘era te taata faatere i te reira, e no to’na ite e, e mea au na Jim te pereoo uira, ua parau atura oia, « Jim, haere mai i rapae. Hinaaro vau ia hi‘o oe i to‘u pereoo. Te vai ra te tahi ma fifi ».

I to ratou haereraa, ui atura te ti‘a faatere ia Jim eaha oia i oto ai. Pahono atura Jim, « aita e fifi. Area râ, i to’u haereraa e haaputu i te maa, ua rahi roa te maa i roaa mai ia‘u. Ua î roa ta‘u pereoo. E a ho‘i mai ai au i te fare pureraa, tape‘a mai nei au i te fare o te hoê vahine melo ore o tei faataa e ta’na tane faaipoipo e te ora nei i roto i te mau oti‘a o ta tatou paroita. Ua patoto vau i te uputa e ua faati‘a vau ia’na i te tumu matou e rave ai i teie ohipa, e ua ani mai oia ia‘u ia tomo i roto. E ua imi oia i te hoê mea no te horo‘a mai na‘u. Ua iriti oia i ta’na faato‘eto‘e e ua ite au e aita rii e mea to roto. Aita atoa e maa tei roto i te mau vairaa. I te pae hopea, ua iteahia ia’na te hoê punu iti pea.

« Ua maere roa vau. Te horohoro noa nei teie mau tamarii rii e e hinaaro roa ratou ia faaamuhia, e ua horo‘a mai oia i teie punu pea. Rave maira vau e tuu atura i roto i ta‘u pereoo e haere ê atura. I te afa ti‘a o teie mau fare, i ite ai au i te mahanahana i ni‘a i to‘u tino taato‘a e feruri ihora vau ia ho‘i i muri i taua fare ra. E ua horo‘a vau i te taato‘araa o teie mau maa na teie vahine ».

Parau maira te ti‘a faatere, e Jim, eiaha roa e haamo‘e te huru o ta oe i ite i teie pô no te mea mai te reira ihoa te huru ». Ua tamata Jim i te mau mea rii tumu o te taviniraa hi‘o-ore.

No roto mai i te hoê a‘oraa i te amuiraa rahi no te ava‘e Atopa 2006