Ang Mesa, Arizona, Pageant, Jesus the Christ, nagsaysay sa istorya mahitungod sa pagkatawo, pangalagad, dili maakuhon nga kamatayon, ug milagroso nga Pagkabanhaw ni Jesukristo. Ang pasundayag molungtad gikan sa Marso 24 hangtud sa Abril 3. Tan-awa sa www.easterpageant.org alang sa dugang impormasyon.

Ang sa Manti, Utah, nga The Mormon Miracle Pageant mihiusa sa mga istorya sa Pagpahiuli sa ebanghelyo, sa saksi sa Basahon ni Mormon, ug sa biyahe sa matinud-anon nga mga pioneer ngadto sa Sanpete Valley. Ang pasundayag molungtad gikan sa Hunyo 17 hangtud sa 26. Tan-awa sa www.mormonmiracle.org alang sa dugang impormasyon.

Ang Nauvoo, Illinois, Pageant, A Tribute to Joseph Smith, nagsaulog sa gipahiuli nga ebanghelyo, sa mapanagnaon nga misyon ni Joseph Smith, ug sa kabilin sa una nga mga Santos sa Ulahing mga Adlaw sa Nauvoo. Ang pasundayag molungtad gikan sa Hulyo 6 hangtud sa Hulyo 31. Tan-awa sa www.nauvoopageant.org alang sa dugang impormasyon.

Ang Hill Cumorah, New York, Pageant, America’s Witness for Christ, nagsaysay og balik sa istorya sa Basahon ni Mormon, lakip na ang mga pagsulay sa pamilya ni Lehi ug sa iyang mga kaliwatan, sa mahinungdanong pagbisita ni Jesukristo ngadto sa Amerika, ug ang pagkadiskobre ni Joseph Smith sa mga palid. Ang pasundayag molungtad gikan sa Hulyo 9 hangtud sa Hulyo 17. Tan-awa sa www.hillcumorah.org alang sa dugang impormasyon.

Ang Castle Valley, Utah, Pageant usa ka maanindot nga makasaysayanong drama nga gidula sa gawas nga naghulagway sa panimuyo sa usa ka pioneer village sa Castle Dale, Utah. Ang pasundayag molungtad gikan sa Hulyo 29 hangtud sa Agosto 7. Alang sa dugang impormasyon tawag sa 1-435-687-2403. Ang Castle Valley Pageant magpuli-puli matag tuig sa Clarkston Pageant, Martin Harris: The Man Who Knew, sa Clarkston, Utah.

Ang katapusang tagal karong tuiga alang sa mga miyembro sa pagsumiter og orihinal nga musika ug mga buhat sa teyatro nga konsiderahon alang sa pagmantala o pasundayag sa Simbahan kutob na lamang sa pila ka semana. Mga submisyon hangtud lang sa Marso 31, 2010.

Ang mapili nga musika ipresentar diha sa Church Music Festival, ug ang mapili nga mga script ug mga balak ipakigbahin diha sa Cultural Arts Submission Presentation. Usahay ang mga binuhat pagapilion alang sa umaabut nga pagmantala diha sa Web site sa Simbahan o diha sa mga magasin sa Simbahan. Ang pagsumiter sa musika maglakip sa mga awit, mga awit sa mga bata, mga himno, mga anthem, mga han-ay sa himno, ug instrumental ug uban pa nga mga buhat.

Mga submisyon sa cultural arts mao ang mga theatrical script lakip sa mga drama, mga comedy, ug mga musical. Balak ug mga oratoryo nga adunay performance value gidawat usab.

Ang mga gibuhat nga isumiter kinahanglan nga moangay alang sa paggamit sa mga unit sa Simbahan, magtudlo og mga baruganan sa ebanghelyo sa makapabayaw nga mga paagi, husto sa doktrina, ug tukma gayud kon ibase sa kasaysayan. Ang mga submisyon sa tanang mga pinulongan dawaton.

Alang sa dugang impormasyon ug mga lagda sa pagsumiter sa cultural arts, tawag sa 801-240-6492.