Pasundayag sa Art sa mga Bata

Ipagawas ang imong mga krayola o mga pintal, ug pag-andam sa paghimo! Inigka 2011, ang mga art pinaagi sa mga bata sa Primary gikan sa tibuok kalibutan mao ang ipakita sa usa ka pasundayag sa Church History Museum ug sa online art show. Kini mao ang paagi nga ikaw makaapil:

1. Paghimo og art diha sa tema nga “Ang Ebanghelyo Nakapanalangin sa Akong Kinabuhi.” Ang imong artwork mahimong kabahin sa mga pamilya, mga templo, mga misyonaryo, mga propeta, mga kasulatan, kinaiyahan, serbisyo, mga pioneer, Primary, o mga kalihokan sa Simbahan.

2. Ikaw kinahanglan nga anaa sa edad nga 5 hangtud 12, ug mahimo kang mopadala og usa lang ka buhat sa art.

3. Ang imong artwork kinahanglan nga maanaa sa flat nga piraso sa papel o panapton. Kini kinahanglan nga dili mas modako pa sa 12 por 14 ka pye (30 cm por 36 cm), ug kinahanglan nga dili kini i-frame.

4. Mahimo kang mogamit og krayola, lapis, marker, tinta, uling, acrylic, watercolor, mga pastel, oil, o bisan unsa nga two-dimensional medium.

5. Ayaw lang pagdali-dali aron ang imong artwork ang labing maayo nga imong mamugna. Ang imong art kinahanglang mookupar sa dakong bahin diha sa imong papel.

6. Isulat ang imong tibuok pangalan diha sa likud sa imong artwork. Pakompletoha ug papirmaha ang imong ginikanan sa porma nga anaa sa ubos. Dayon ipapilit ang porma sa likud sa imong artwork.

7. Ang imong salmot kinahanglang opisyal nga markahan sa koreyo [postmarked] sa petsa nga o sa wala pay Hulyo 31, 2010. Ang imong artwork dili na iuli sa imoha.

Ang imong salmot mahimong ipakita sa pasundayag sa Church History Museum, gikan sa Enero 1 hangtud Hunyo 30, 2011; sa online art show sa mga Web Site sa Friend ug Liahona; o sa Atong Luna sa Liahona o sa Our Creative Friends sa Friend. Dili tanang salmot gamiton o ipasundayag.

Palihug ipadala ang imong salmot sa:

Children’s Art Exhibit

45 N. West Temple St.

Salt Lake City, UT 84150, USA

Ang mosunod nga impormasyon ug pagtugot kinahanglang ilakip:

Kompletong pangalan sa Bata

Edad

Estado/Probinsya, Nasud

E-mail address o numero sa telepono sa ginikanan

Mitugot ako niining salmot nga ipakita sa usa ka pasundayag, sa Web site sa Simbahan, ug sa mga magasin sa Simbahan, ug sa tanang publisidad.

Pirma sa ginikaan o legal nga tigbantay