Manila Philippines Temple

Si Presidente Gordon B. Hinckley (1910–2008) mipahinungod sa Manila Philippines Temple niadtong Septyembre 1984. Ang matahum nga adunay unom ka spire nga building nga sa gawas niini adunay makita nga sanag sa puti nga ceramic tiles ug gipalibutan sa tag-as nga mga salwag [palm trees] ug nagkalain-laing kolor nga mga tanom.

Ang open house sa templo gipahigayon dayon human sa duha ka kusog nga bagyo nga midaut sa Pilipinas. Bisan pa sa mga pagbagyo, ang mga kalihokan nagpadayon sigun sa giplano. Niadtong Septyembre 3, 1984, usa ka tour alang sa mga pinasidunggang dinapit ang gihimo. Pagkasunod adlaw, sa dihang ang templo giablihan alang sa paglibut sa publiko, “usa ka matahum nga langitnong talan-awon ang gipakita sulod sa templo,” miingon si Jovencio Ilagan, executive secretary sa temple committee panahon sa pagtukod niini. “Ang adlaw, sa tibuok niini nga kasanag, nakita pinaagi sa usa ka korona nga may lain-laing mga kolor. … Sa usa ka punto, ang sentro nga spire nga gibutangan sa estatuwa ni Anghel Moroni nakita sa tunga sa maong korona. Dul-an sa usa ka gatus ka mga tawo sa nataran sa templo ang makapamatuod niini. Daghan ang nakahilak niini.”¹