Atong Pahina
Usahay mobati ako nga dili makasabut og usa ka butang kabahin sa Simbahan o mobati ako nga walay igong hugot nga pagtuo sa usa ka piho nga butang. Sa mga panahon nga mobati ako niini, mag-ampo ko ngadto sa Langitnong Amahan para mangayo og tabang. Hapit kanunay akong makadawat og tubag. Mobati ako og kainit ug luwas sa kinatibuk-an, ug akong maangkon ang tinuod nga pagbati nga ang Dios naminaw sa akong mga pag-ampo ug nahigugma kanako pag-ayo. Kining mga kasinatian nakatabang sa akong pagpamatuod ug sa akong gugma alang sa Dios aron motubo.
Nasayud ako nga ang Dios mao ang atong Amahan ug nahigugma kaayo sa matag usa kanato. Siya naminaw sa atong mga problema ug nagpadala sa Espiritu Santo aron sa paghupay kanato. Nasayud ako nga Siya maminaw sa atong mga pag-ampo ug magmalipayon kon kita magmatarung. Napuno ako sa hingpit nga kalipay sa pagkasayud nga ang Dios nahigugma kanako ug ako usa ka miyembro sa Simbahan. Nasayud ako nga si Jesukristo mao ang Iyang Anak ug atong Manluluwas.
Deveney R., edad 11, Switzerland
Carlos D., edad 8, Brazil
Viet Minh Tri P., edad 10, Cambodia
Daniel K., edad 7, gikan sa Denmark, usa ka malipayon ug may kaisug nga batang lalaki. Siya ganahan nga motabang sa tanaman. Siya usab ganahan sa pagtabang og luto—ilabi na sa pag-rolyo sa dough para sa pizza. Siya kugihan sa pag-eskwela ug ganahan nga magdula og soccer, mag-swimming, ug mokat-kat sa mga kahoy. Siya malingaw sa pagtabang og pagpasiga og kalayo diha sa mga kalihokan sa Scouting. Sa simbahan siya ganahan og mga istorya kabahin ni Joseph Smith ug ni Jesus, ug siya malingaw sa pagkanta sa “Choose the Right” [Pilia ang Matarung].