Mga Piyanista sa Primary

“Dili ko motuo nimo!”

“Nagbinuang lang ka!”

“Dili gyud na mahitabo!”

Mao kana ang pwedeng isulti nila ni Andrea, Erick, Kristofer, Suzett, ug Yuridia sa Provo, Utah, kon inyo silang ingnon sa pagtug-tug sa piyano sa sunod nga pasundayag sa Primary sa miting sa sakrament. Sa ingon, usa lang gyud kanila ang nakatug-tug og piyano sa una!

Apan ang ilang piyanista sa Primary, nga si Sister Perry, mihatag kanila og hagit—ug sila andam sa pagdawat niini.

Kausa sa usa ka semana, ang matag bata adunay leksyon kabahin sa piyano uban ni Sister Perry, gawas lamang sa usa ka bata kinsa aduna nay magtutudlo. Sa balay sila magpraktis diha sa mga electric keyboard. Sa wala madugay sila nakakat-on sa yanong mga bersyon sa mga awit alang sa pasundayag sa miting sa sakrament. Sila usab magpraktis diha sa Primary samtang ang ubang mga bata manganta.

Sa wala madugay, miabut ang adlaw sa pasundayag. Ang kada bata mipatug-tug og usa o duha ka mga awit. Sila ba ginerbyos sa pagtug-tug diha sa atubangan sa tibuok ward? Sigurado gayud! Apan kana wala makapugong kanila.

“Mibati ko og ka-nerbyos,” miingon si Kristofer, “apan ako nagpadayon sa pagbaton og hugot nga pagtuo.”

Salamat sa ilang hugot nga pagtuo ug kakugi, ang tanan maayo kaayong mihimo nianang adlawa. Ug ang labing nindot niini?

“Nindot kaayo ang pagbati nga makatabang diha sa simbahan,” miingon si Andrea. “Kini usa ka talagsaon nga panalangin alang kanako.”

Karon ang mga bata makatug-tug na panahon sa family home evening, sa mga bunyag, ug kon ang ilang mga pamilya manganta sa miting sa sakrament. Nindot gyud kaayo!