Ang Pagbati sa Espiritu sa Templo

Sa dihang gitawag ako nga mahimong sakop sa high council, ang stake president mipahayag sa iyang tinguha nga unta daghang miyembro ang moadto sa templo sa mga adlaw nga gitakda alang sa among stake. Ang pagbiyahe mao ang problema, busa ang una niyang gibuhat mao ang pagpakigsabut sa bus nga mokuha sa mga miyembro ngadto sa mga building sa ward diha sa stake ug mohatud namo og balik inig ka hapon.

Hinoon, aduna pay lain nga problema. Daghang inahan ang dili makatambong tungod kay walay makabantay sa ilang mga anak. Sa dihang among gihisgutan ang posibilidad nga pipila sa batan-ong mga babaye gikan sa stake mobantay sa mga bata, akong namatikdan nga mahimo kaming motawag og usa ka nursery leader sa stake. Akong gisugyot ang maong ideya ngadto sa stake president. Misugyot siya nga tawagon namo ang bag-ong mga miyembro aron sa pagserbisyo isip mga assistant sa nursery leader aron bation usab nila ang diwa sa templo. Sa dihang kini nga mga ideya nahimo ngadto sa usa ka buhat, daghan sa among stake ang nakatambong sa templo.