Ko hai te u talanoa mo ia ʻo fekauʻaki mo hano maʻu ha tāpuaki fakapēteliake?
Naʻe pehē ʻe Palesiteni Sēmisi E. Fausi (1920–2007), ko e Tokoni Ua ʻi he Kau Palesitenisī ʻUluakí: “[Ko e tāpuaki fakapēteliaké ko ha faingamālie mātuʻaki makehe ia ʻe lava ke maʻu ʻe he kāingalotu faivelenga ʻo e Siasí kuo nau maʻu ha matuʻotuʻa feʻunga ke mahino kiate kinautolu ʻa e natula pea mo hono mahuʻinga ʻo e faʻahinga tāpuaki peheé. … Hangē ko ha ngaahi tāpuaki lahi, kuo pau ke kolea ia ʻe he taha pe fāmili ʻo e taha ʻokú ne fie maʻu e tāpuakí].”1
Kapau ʻokú ke ongoʻi ʻokú ke mateuteu fakalaumālie ke maʻu ho tāpuaki fakapēteliaké, ʻoku totonu ke ke tomuʻa aleaʻi ha ʻinitaviu mo hoʻo pīsopé pe palesiteni fakakoló, ʻa ia te ne fakafuofuaʻi hoʻo mateuteú pea mo hoʻo moʻui tāú. Kapau te ne ongoʻi kuó ke mateuteu, te ke maʻu leva ha fakaongoongolelei. Hili iá peá ke toki fetuʻutaki leva ki he pēteliake ʻo e siteikí ke fakataimi-tēpileʻi ha taimi.