Gipabiling Buhi sa mga Miyembro ang Komperensya sa Matag Adlaw nga Kinabuhi
Nakadungog kamo sa mga mensahe; gibati ninyo ang espiritu; mipasalig kamo sa pagsunod sa tambag. Apan karon nga nahuman na ang kinatibuk-ang komperensya, sa unsang paagi ninyo mahimo kini nga kabahin sa inyong kinabuhi sa sunod nga unom ka mga bulan?
Ang mga miyembro sa Simbahan sa tibuok kalibutan mipakigbahin unsa ang nakatabang nila nga mahinumdom ug maimplementar ang mga mensahe sa kinatibuk-ang komperensya.
Ilakip ang Kinatibuk-ang Komperensya sa Inyong Inadlaw-adlaw nga Kinabuhi
Paminaw sa mga pakigpulong samtang kamo nag-ehersisyo, nagdrayb, nagbuhat sa buluhaton sa balay, o nangandam alang niana nga adlaw.
—James, Ontario, Canada
Papulipuliha ang mga miyembro sa pamilya sa pagpili og mga pakigpulong nga paminawon atol sa pamahaw.
—Ashlee, Washington, USA
Tan-aw og mga bahin sa kinatibuk-ang komperensya isip pamilya ma-Dominggo.
—Grant, California, USA
Himoa nga ang mga Pakigpulong Kabahin sa Family Home Evening
Pagpili og mga mensahe nga gusto ninyong ribyuhon isip pamilya ug ipatudlo kini sa mga miyembro sa pamilya sa umaabut nga mga family home evening.
—Vern and Jennifer, Utah, USA
Pagbasa ug pagtan-aw og pakigpulong ug pangita og mga tumong nga inyong mabuhat isip usa ka pamilya.
—Tony, Arizona, USA
Gamita ang mga Pakigpulong alang sa Pagtuon sa Kasulatan
Pulipuliha ang pagbasa sa mga kasulatan sa buntag ug ug pagbasa sa pakigpulong sa kinatibuk-ang komperensya sa gabii.
—Diane, Washington, USA
Pagbasa og pakigpulong ngadto sa inyong mga anak kada gabii isip bedtime story.
—Heather, Utah, USA
Tan-awa ang mga pakisayran sa kasulatan sa kada pakigpulong human ninyo mabasa ang pakigpulong.
—Becky, Utah, USA
Butangi og timaan ang tanan nga gisulti sa mga mamumulong nga atong buhaton ug mo-focus sa pagsunod sa ilang tambag.
—Helen, Australia
Pagtuon pinaagi sa Hilisgutan
Paghimo og lista nga mohaum sa mga hilisgutan nga gihisgutan sa kinatibuk-ang komperensya ngadto sa mga butang nga gusto ninyong palamboon sa inyong kinabuhi. Tun-i ang mga hilisgutan usa kada higayon samtang kamo maningkamot sa pagpalambo sa dili pa ang sunod nga kinatibuk-ang komperensya.
—Rebecca, Texas, USA
Pag-focus sa partikular nga hilisgutan panahon sa inyong pagtuon sa kasulatan sulod sa pipila ka mga adlaw, o sa family home evening sulod sa pipila ka mga semana.
—Francis, Nigeria
Ipakigbahin ang mga Mensahe ngadto sa Uban
Ilakip ang mga kinutlo sa kinatibuk-ang komperensya diha sa mga bulletin ug mga handout sa Simbahan.
—Todd, West Virginia. USA
Pagpasiugda o apil og book club sa kinatibuk-ang komperensya, sa online o sa kinaugalingon. Kada semana, pagtuon og usa ka pakigpulong ug adto sa book club nga andam nga mopakigbahin sa nasabtan.
—Stephanie, Utah, USA