Ko e Faʻifaʻitakiʻanga ʻa Taniela ʻo e Lotú
“ ʻOua naʻa manukiʻi hoʻo kei siʻí ʻe ha taha; ka ke ʻi he kakai tuí ko e [faʻifaʻitakiʻanga]” (1 Tīmote 4:12).
-
Naʻe fiefia ʻa Taniela. Naʻá ne puna vakapuna ke ʻaʻahi ki heʻene ongo kuí ʻi Pelū. Naʻe ʻikai ke na kau ki he Siasí, ka naʻá ne ʻofa ʻiate kinaua peá na ʻofa ʻiate ia.
-
Naʻe fiefia ʻa Taniela he sio ki heʻene ongo kuí ʻi heʻene aʻu ki Peluú. Naʻe kiʻi taʻelata foki. Naʻe kehekehe ʻaupito ʻa Pelū ia mei Sipeini ʻa ia naʻá ne nofo aí. Ka naʻá ne ʻilo ʻoku ʻi ai e meʻa ʻe taha te na tatau ai.
-
ʻE lava ke tau lotu pea tau toki mohe?
-
Ko e hā ʻokú ke fie maʻu ai ke tau lotú?
Koeʻuhí he naʻe talamai ʻe Sīsū.
Sai. ʻOku fēfē hoʻo lotú?
-
ʻOku fie maʻu ke tau tūʻulutui, punou hotau ʻulú, pea tau kuikui.
-
Te tau lava ʻo fakamālō ki he Tamai Hēvaní koeʻuhí ko hotau ngaahi tāpuakí pea kole kiate Ia ke tokoni mai.
-
Naʻe saiʻia ʻaupito e ongo kui ʻa Tanielá ʻo na lotu he pongipongi mo e efiafi kotoa lolotonga e ʻi ai ʻa Tanielá.
-
Naʻe ongoʻi fiefia ʻa Taniela he lotu mo ʻene ongo kuí. Naʻá ne ʻilo naʻe fiefia foki mo e Tamai Hēvaní.
Toʻohemá: Ngaahi tā fakatātā ʻa Scott Peck