Ko Netaleni

Naʻe fokotuʻu e fuofua siteiki ʻi Netaleni ʻi Heikí, ʻa e Siteiki Hōlaní, ʻi he māhiná ni he taʻu ʻe nimangofulu kuo hilí. Ko e fuofua siteiki ia ʻo e Siasí ne ʻikai ngāue ʻaki e lea faka-Pilitāniá. Ko Paula ʻAkositusi mo A. Ueika veni ta Uonitā e ongo fuofua faifekau ke malangaʻi e ongoongoleleí ʻi Hōlani ʻi he taʻu ʻe teau kimuʻa aí, ʻi ʻAokosi ʻo e 1861. ʻI he taʻu ʻe 100 ne hokó, ne laka hake he kakai ʻe toko 14,000 ne papitaiso ʻi Netalení, pea naʻe hiki honau tokolahi ki he ʻIunaiteti Siteití. ʻOku ʻi Netaleni he ʻahó ni ha kāingalotu ʻe meimei toko 9,000.

Naʻe fakatapui ʻe Palesiteni Kōtoni B. Hingikelī (1910–2008) e Temipale Heiki Netalení ʻi he ʻaho 8 ʻo Sepitema 2002, ʻa ia ʻoku fakaʻaongaʻi ʻe ha siteiki ʻe nima mo e vahefonua ʻe taha ʻi Netaleni, Pelisiume, mo e konga ʻo Falanisē.