Atong Pahina
Pagserbisyo sa Usag Usa
Nasayud ko nga si Presidente Thomas S. Monson mihangyo kanato sa pagserbisyo sa ubang mga tawo. Usa ka Dominggo sa hapon gusto kong mobisita sa akong lola, kinsa nag-inusara, ug mogahin sa gabii aron kuyogan siya. Gitugutan ko sa akong mama, ug ang akong lola nasurprisa ug nalipay nga nakakita nako. Kami nag-istoryahanay, nag-snacks og gamay, ug dungan nga nagbasa og Liahona. Human sa pag-ampo, kami nangatulog.
Pagkagabii, adunay kusog kaayo nga unos—hangin, kilat, dugdog, ulan, ug ulan nga yelo! Nakapamata kini kanamo, ug ang akong lola miingon kanako nga siya mas mahadlok unta kon wala pa ko. Malipayon ko nga nakaserbisyo kaniya sa niini nga paagi.
Vinício R., 10 anyos, Brazil
Ang Templo sa Salt Lake, ni Eve D., 4 anyos, Ukraine
Usa ka Sister Missionary sa Red Square, ni Emile D., 9 anyos, Ukraine
Mia Lynn L., 5 anyos, gikan sa Germany, nagkat-on na nga mamahimong misyonaryo. Usa ka adlaw samtang naniudto uban sa usa ka higala, si Mia mipanalangin sa pagkaon, nga nakapa-aghat sa inahan sa iyang higala nga mangutana sa inahan ni Mia kabahin sa mga pagtuo sa Simbahan. Karon si Mia mahimong modapit sa iyang higala ngadto sa Primary.
Ang Langitnong Amahan Maminaw sa Atong mga Pag-ampo
Ako adunay dakong pagtuo ni Jesukristo ug sa Iyang mga sugo ug, labaw sa tanan, sa pag-ampo. Usa ka Dominggo ang akong lolo habig sa akong amahan ug ako mibisita sa akong apohan sa tuhod. Mihukom ko nga dalhon ang akong gamay nga itoy. Sa among pagpamauli ang akong itoy nabanggaan sa usa ka batang lalaki nga nagbisikleta. Kini nakapahadlok sa itoy, ug gigukod ang batang lalaki. Gigukod namo ang itoy, apan wala na namo makit-i. Kinahanglang mouli mi nga wala siya. Kami nagmagul-anon kaayo. Ang akong apohan sa tuhod mitawag ug miingon kanako sa pagpangita og pribadong lugar ug pag-ampo alang sa akong itoy.
Sayo sa buntag kami nakadunggog kami og paghot sa iro—ang akong itoy miuli na! Nasayud ko nga ang Langitnong Amahan midungog sa akong pag-ampo.
Stephanie P., 8 anyos, Honduras