Makapausab sa Kinabuhi nga Libro

“Kini [ang Basahon ni Mormon] mas makapaduol ninyo sa Dios kay sa bisan unsa nga basahon. Kini makapausab og kinabuhi ngadto sa mas maayo. Nag-awhag ako kaninyo sa pagbuhat unsay gibuhat sa akong misyonaryo nga kompanyon. Milayas siya sa iyang panimalay sa pagka-tin-edyer, adunay tawo nga mibutang og Basahon ni Mormon sa kahon nga gidala niya sa iyang pagpangita og labaw nga kalipay.

“Ang katuigan milabay. Mibalhin balhin siya og dapit sa tibuok kalibutan. Siya nag-inusara ug walay kalipay usa ka adlaw niana sa dihang nakita niya ang kahon. Ang kahon nga iyang gidala puno sa mga butang. Ilawom sa kahon, nakita niya ang Basahon ni Mormon. Gibasa niya ang saad niini ug gisulayan kini. Siya nasayud nga kini tinuod. Kana nga saksi miusab sa iyang kinabuhi. Nakaplagan niya ang kalipay lapas sa iyang gipangandoy.

“Ang inyong kopya sa Basahon ni Mormon mahimong natago sa inyong panan-aw pinaagi sa kalinga ug atensyon tungod sa tanan ninyo nga panaw. Nangamuyo ako kaninyo sa pagtuon og maayo ug sa kanunay gikan sa mga pahina niini. Anaa niini ang kahingpitan sa ebanghelyo ni Jesukristo, nga mao lamang ang paagi nga makabalik ngadto sa Dios.”

Presidente Henry B. Eyring, Unang Magtatambag sa Unang Kapangulohan, “Usa ka Saksi,” Liahona, Nob. 2011, 70–71.

Mga pangutana nga angayang palandungon:

• Unsa kaha sa inyong kinabuhi ang nakatago sa Basahon ni Mormon gikan sa inyong panan-aw?

• Unsay inyong mahimo sa pagpalambo sa inyong pagtuon sa Basahon ni Mormon?

• Unsa nga mga leksyon gikan sa Basahon ni Mormon ang nakatabang ninyo nga mausab ang inyong kinabuhi ngadto sa mas maayo?

Ikonsiderar sa pagsulat sa inyong panghunahuna sa journal o hisguti kini ngadto sa uban.