Mapasalamaton ako sa tanang gihimo nga mga paningkamot aron mapagula ang Liahona, ug akong mabati ang Espiritu kon magbasa ako niini. Bag-ohay lang ko nagtuon ug namalandong sa mensahe ni Presidente Dieter F. Uchtdorf, “Naghulat diha sa Dalan sa Damasco” (Liahona, Mayo 2011, 70). Kini ug ang uban nga mga artikulo sa magasin nakatabang kanako nga molambo ug makakita og mga solusyon sa akong mga kahuyang.

Diha sa Liahona akong nakaplagan ang mga mensahe gikan sa Dios—gipadala pinaagi sa Iyang mga sulugoon, ang mga buhi nga propeta ug mga apostoles. Kinsa kadtong nagtinguha og espirituhanong giya makakaplag dayon niini kon sila kinasingkasing nga magtuon sa magasin.

Ang Liahona naglig-on sa akong pagpamatuod nga ang Langitnong Amahan ug si Jesukristo nahigugma ug nag-amuma sa matag usa kanato. Ganahan kaayo ko nga mobasa sa magasin matag bulan tungod kay kanunay nakong makaplagan ang mga tubag sa akong mga pag-ampo. Mapasalamaton ako sa oportunidad nga madawat ang mga pulong sa Ginoo niini nga paagi.