Gamhanan nga Pag-ampo

Ang pag-ampo mao ang usa sa labing mahinungdanon nga paagi nga makonektar, makaistorya, ug mahupay sa atong Amahan sa Langit.

Usa ka gabii, samtang nag-ampo ko, naghunahuna ko kon unsa ang kinahanglanon sa akong pamilya, unsay angay nakong pasalamatan, ug unsay angay nakong hinulsulan. Human dayon sa pagtapos sa akong pag-ampo, naghunahuna ko og daghang kalibutanong mga butang nga daling makabalda nako gikan sa akong mga tumong.

Samtang nag-ampo ko, nabati ko nga kon mag-ampo ko nga kinasingkasing ug mapainubsanon, ang akong mga palas-unon magaan, akong mga sala mapasaylo, ug ang akong mga problema adunay mga tubag. Nakaamgo ko kon unsa ko kaduol sa Dios kon mag-ampo ko. Nagpakita kini kanako kon unsa kita kaimportante sa mga mata sa Dios. Mopamatuod ko nga ang pag-ampo mao ang usa sa gamhanan ug importante nga butang nga atong mahimo.