Sandwich Buddies

Misakay si William sa sakyanan tupad ni Jeremy ug mitaod sa iyang seat belt.

Andam na ba ang tanan alang sa preschool?

Oo!

Oo!

Misugod na sa pagdrayb ang mama ni Jeremy, ug giablihan ni William ang iyang bawon. Iyang gikuha ang peanut butter ug jelly sandwich ug mikaon.

Gitan-aw ni Jeremy ang sandwich ni William. Mora og yummy. Gigutom si Jeremy.

Mama, gigutom ko. Aduna ka bay makaon alang nako?

Pasensya, Jeremy. Nangaon na ta sa wala pa ta mobiya. Wala koy gidala.

OK.

Naguol si Jeremy. Gusto usab siya og sandwich.

Nakakita si William nga naguol si Jeremy. Gikuha niya ang usa ka piraso sa iyang sandwich ug gitunol ngadto ni Jeremy.

Ania o!

Salamat, William. Buotan ka.

Walay problema. Mao kana ang mga higala!