Si Camille na Taga-New York City
Ang siyam na taong gulang na si Camille ay maraming kaibigan. “Ang talagang gusto ko sa mga kaibigan ko ay ang pagkakaiba-iba nila,” sabi niya. “Nagmula sila sa iba’t ibang lugar, at iba’t iba ang paraan ng paggawa nila ng mga bagay-bagay.” Gustung-gustong matuto ni Camille ng mabubuting bagay mula sa kanyang mga kaibigan, at gusto niyang bahaginan sila ng mga bagay-bagay. Ang pinakamagandang naibahagi niya sa isang kaibigan ay ang ebanghelyo. Matapos ibahagi ang unang saligan ng pananampalataya sa kanyang kaibigang si Yailin, inanyayahan ni Camille ang pamilya ng kanyang kaibigan na makipagkilala sa mga missionary. Tinuruan din ni Camille si Yailin kung paano manalangin. Ngayon si Yailin at ang kanyang ina ay mga miyembro na ng Simbahan.
Ang paborito kong mga awitin ay “Ako ay Anak ng Diyos ” at “Mag-Anak ay Magsasamang Walang Hanggan.” Ang paborito kong banal na kasulatan ay Doktrina at mga Tipan 19:23: “Matuto ka sa akin, at makinig sa aking mga salita; lumakad sa kaamuan ng aking Espiritu, at ikaw ay magkakaroon ng kapayapaan sa akin.” Lagi akong pinasasaya ng talatang ito kapag nalulungkot ako.