Faamanatuina o Afiafi Faaleaiga
I le 1915, na fautuaina e perofeta o aso e gata ai i tatou ina ia faataatia ese se afiafi o vaiaso taitasi mo o tatou aiga. Sa ta‘ua o “afiafi o aiga” i le taimi muamua—se taimi e aoao ai le talalelei ma maua le fiafia faatasi, a o faamalolosia o tatou sootaga faalelalolagi ma le faavavau.
I le selau tausaga mulimuli ane, ua faaauau e afiafi faaleaiga ona fesoasoani ia i tatou e fausia aiga na o le a tumau mo le faavavau. Ua folafola mai e perofeta o le a ala mai ai, le faatupuina i o tatou loto o se faatuatua ma le malosi faaleagaga sili atu, ma le puipuiga sili atu, ma o le filemu o le a faatasi ai i o tatou aiga.
Ua tatou i ai uma o se aiga i le lalolagi ma o se vaega o le aiga o lo tatou Tama oi le Lagi. Po o fea lava tatou te i ai i le lalolagi ma po o le a lava lo tatou tulaga i le olaga, e mafai ona tatou faamanatuina ma auai i afiafi faaleaiga.
Lalo: O le mauaina o le fiafia ma le taaalo i taaloga o se tasi o auala o le aiga o Santos o Potukale e fausia ai ni faigauo vavalalata i afiafi faaleaiga.
Taumatau: O le aiga e sili atu lona uiga nai lo le tina, tama, ma fanau i le Ripapelika Temokarasi o Congo. O le mea lea, pe a faapotopoto e Uso Suekameno lona aiga mo le afiafi faaleaiga, o le toatele o tagata mai le nuu e lagona le taliaina e auai faatasi.
Luga: O Tuafafine Gercan o le atu Filipaina e faaaoga pese o le Peraimeri ma tu ma aga o musika e aoao ai lana fanau i le olioli o le talalelei.
Luga: O le aiga o Anderson, o loo vaaia iinei i le umukuka o lo latou fale i Georgia, ISA, e fiafia i le faiga o kuki. Latou te faaaogaina i nisi taimi o se vaega o se lesona pe tau lava o sina meaai mama.
Luga: O Uso ma Tuafafine Reynolds o Uosigitone, ISA, e vaavaai mo auala e aoao faafaigofie atu ai le talalelei ina ia mafai ona aoao ma malamalama i ai le la fanau laiti.
Taumatau, mai luga: O le aiga o Espinoza o Polivia e faaaofia lo latou tina matua faamamaluina i le afiafi faaleaiga a o latou pepese ma aoao le talalelei.
Mo le aiga o Jin o Georgia, ISA, o le talafaasolopito o aiga o se gaoioiga i le afiafi faaleaiga e fiafia i ai. E fiafia e aoaoina le latou fanau e uiga i lo latou tupuaga faaKorea.
O le aiga o Ligertwood o Ausetalia o nisi taimi e o i tafaoga o se vaega o afiafi faaleaiga, ma matamata i vaega matagofie o lo latou aai.