O Se Telefoni i le Taimi Sao
E alala le tusitala i Taiuani
I lou tuputupu ae, ou te le‘i talitonu sa i ai se Atua. Sa tumu lo‘u olaga i faigata ma i oʼu aso sili ona pogisa sa ou matuai faanoanoa lava ma sa ou manao e faauma lo’u ola. O le taimi lena na tuitui mai ai faifeautalai i lou faitotoa. O le talalelei o le mea tonu lava lea na ou manaomia; sa ou tosina atu i ai e pei o se maneta.
O o‘u tofotofoga e le i uma ai ina ua ou auai i le Ekalesia, ae sa ou i ai i se tulaga sili atu ona lelei e tetee atu ai i le uunaiga a le fili. Mo le taimi muamua, sa ou iloaina pe na faapei le lagona o le fiafia.
Ae ui i lea, o le faanoanoa e lei faamamuluina gofie au. I se tasi taimi sa ou toe lagonaina le fiu. I le taimi lena, o Sister Ting, le faletua o le epikopo, na valaau mai. Sa ia fai mai sa ia maua se lagona e tatau ona ia valaau mai ia te au. Sa fesili mai pe o faapefea mai au. Sa ou sasaa atu o‘u mafatiaga ia te ia. Ia te au, o ia o se agelu na auina mai e le Atua.
O lena mea na tupu na faamamanaina ai au. Na faamalosia lo‘u faatuatua. Sa ou lagonaina e pei ua mafai ona ou faatoilaloina le oti. Sa ou lagonaina le laveaiina, e pei ona ta‘u mai i le Alema 36:2–3:
“Sa i ai i latou i le pologa, ma sa leai se tasi sa mafai ona laveaiina i latou vagana ai … le Atua. …
“… O ai lava e tuu atu lo latou faalagolago i le Atua e lagolagoina i o latou tofotofoga, ma o latou faalavelave, ma o latou puapuaga, ma o le a sii ae i latou i luga i le aso gataaga.”
Sa i ai pea ou tofotofoga, ae o le a lē faigofie ona faatoilaloina au. Ua lagolagoina a‘u e le Atua i o’u tofotofoga uma ma popolega. Ua Ia faasaoina au mai le falepuipui ma le pologa faaleagaga, e oo lava i le oti. O Ia o lou Faaola.