O le a se mea e sili atu ona e fiafia i ai i le avea ai ma tagata o le Ekalesia?

Ata

Product Shot from October 2015 Liahona

Ou te fiafia i le taimi o le faamanatuga tatou te faaaogaina ai le areto ma le vai i le faamanatuina o Iesu Keriso. O le falaoa e faamanatu mai ia i tatou Lona tino, ma e faamanatu mai e le vai ia i tatou Lona toto. Pe a tatou fetagofi atu i le faamanatuga, e mafai ona tatou moeiini o tatou mata ma mafaufau i mea uma sa faia e Iesu mo i tatou.

Ava J., 9 tausaga, North Carolina, ISA

Ou te fiafia e aoao faapea o aiga e mafai ona faatasi e faavavau. (Renee)

E mafai ona ou maua ni uo, e mafai ona ou faitau i tusitusiga paia i aso uma, ma e mafai ona ou aoaoina le talalelei. (Ralph)

Renee ma Ralph E., e 9 ma le 10 tausaga, Metro Manila, Filipaina

Ou te fiafia pe a ou lagonaina le Agaga Paia. E tele ina ou mafai ona lagonaina le Agaga Paia a o faalogologo atu i lauga ma lesona. Ou te lagonaina foi pe a ou fesoasoani i isi.

Kaylee C., 7 tausaga, Virginia, ISA

O le mea e sili ona ou fiafia ai o le mafai lea ona tatou aoao ma taaalo i le taimi e tasi, ma e mafai ona tatou aoao atili e uiga ia Iesu Keriso. Ou te fiafia e aoao e uiga ia te Ia aua o Ia o lo‘u Faaola. (Liz)

Ou te fiafia e aoao e uiga ia Iesu, ma ou te iloa e alofa Iesu ia i tatou. (Lalo)

Liz ma Lalo S., 8 ma le 6 tausaga, Kalefonia, ISA

Ou te fiafia e alu i le Peraimeri ma le usuina o pese.

Hayden H., 5 tausaga, Iuta, ISA

Ou te fia aoao e uiga ia Iesu Keriso, ma ou te fiafia e alu i le Peraimeri ma le faia o ni uo.

Catherine W., 7 tausaga, North Carolina, ISA

Ou te fiafia i ai ou te maua ai le tele o uo fou ma e mafai ona ou aoao atu i au uo e le lolotu e uiga i le talalelei. Ou te mafai ona faalogo i konafesi aoao ma faalogo i le perofeta ma Aposetolo o saunoa mai. O afiafi faaleaiga foi o se mea e matuai malie lava ona o nisi taimi matou te o ai mo se aisa kulimi. Mmm!

Savannah H., 12 tausaga, Uosigitone, ISA