Të Dashur Prindër,

Jemi të lumtur që e fillojmë vitin e ri me ju! Ne do të mësojmë për Librin e Mormonit së bashku. Cilat histori nga Libri i Mormonit pëlqen familja juaj? Ju lutemi, ndihmojini fëmijët tuaj të vizatojnë një figurë dhe të na i dërgojnë ne (shih faqen M3). Ne do t’i ekspozojmë disa prej këtyre vizatimeve në revistë këtë vit! Ja tek janë disa faqe të tjera rreth Librit të Mormonit nga ky botim:

Një mesazh nga profeti (faqe M2)
Një tabelë për lexim (faqet M12–F14)
Një veprimtari me histori nga shkrimet e shenjta (faqe M16)
Një histori për familjen e Lehit dhe Sarias (faqet M20–M23)
Një histori për një djalë i cili gjen një mënyrë të re për ta lexuar Librin e Mormonit (faqet M4–M5)

Gëzuar Vitin e Ri!

Miku

Si ta Dërgoni Punimin Artistik ose Përvojën e Fëmijës Suaj te Liahona

Shkoni te liahona.ChurchofJesusChrist.org dhe klikoni te “Submit an Article or Feedback” [“Dërgoni një Artikull ose Lini një Përshtypje”]. Ose na i dërgoni atë me postë elektronike te liahona@ChurchofJesusChrist.org së bashku me emrin, moshën, vendbanimin e fëmijës suaj dhe këtë deklaratë për leje: “Unë, [vendos emrin tënd], i jap leje Kishës së Jezu Krishtit të Shenjtorëve të Ditëve të Mëvonshme ta përdorë materialin e dorëzuar nga fëmija im në revistat e Kishës, ose faqet e internetit të Kishës dhe platformat e mjeteve shoqërore të komunikimit dhe ndoshta te raportet, materialet për shtypje, materialet filmike, botimet dhe materialet për trajnim të Kishës”. Mezi presim të dëgjojmë prej jush!