Rinia
Më pëlqen vërtet të marr pjesë në nismën Fëmijët dhe Rinia sepse arrij t’i vendos vetë synimet që dua të përmbush.
Për njërin nga synimet e mia, zgjodha që të gjeja emra familjarësh dhe të bëja për ta pagëzimet për të vdekurit. U desh shumë punë që të mësoja se si ta bëja historinë familjare, por ndihesha shumë i lumtur sa herë që gjeja një emër të ri për ta çuar në tempull.
Sapo mësova se si ta bëja atë, thjesht vazhdova gjithnjë e më tepër sepse ishte shumë zbavitëse. Shpejt kisha shumë emra për t’i bërë vetë. Ndaj një grup i tërë kushërinjsh dhe unë shkuam që të gjithë në tempull me emrat që gjeta dhe së bashku bëmë pagëzime dhe konfirmime për 172 njerëz.
Prindërit e mi po punojnë që të përfundojnë pjesën tjetër të ordinancave të tempullit për ata njerëz, gjë që është e mrekullueshme sepse ndiej sikur e gjithë familja ime është në një ekip! Synimi ynë është të ndihmojmë sa më shumë nga paraardhësit tanë që të mundemi.
Bërja e historisë familjare më ka ndihmuar të afrohem më shumë si me familjen time të gjallë ashtu edhe me paraardhësit e mi. Jam i lumtur që e arrita synimin tim dhe tani shpresoj që të vendos një synim edhe më sfidues që të mund të vazhdoj të arrij edhe më shumë.
Eldon M., 13 vjeç, Ohajo, SHBA