Elda Patricio M. Giuffra

Taem we Elda Patricio M. Giuffra i gat fo yia, papa blong hem i ded from kansa. Taem hem i wan pikinini, hem i groap we hem i stap askem God mo i stap wantem save se from wanem laef i no mekem i stret long evriwan.

Elda Giuffra i tingbaot se hem i stap tingting i go olsem: “Papa blong mi i wan gudfala hasban, wan papa, mo i lukaotem gud famli; “?From wanem nao hem i mas ded?

Ol ansa oli kam samples 10 yia afta, taem we Patricio mo mama blong hem i mitim ol fultaem misinari, mo oli bin akseptem gospel.

Plan blong fasin blong sevem man i bin givim hem hop ia, from se plan ia i bin helpem hem blong andastanem lus blong famli. “Papa blong mi i mekem rod i rere blong mifala i joenem Jos,” hem i talem.

Stat long taem we hem i bin baptaes, gospel blong Jisas Kraes i bin stap olsem angka blong laef blong Elda Guiffra. Hem i talem: “Jos, i laef blong mi.” “Mi mi filim se mi pat ia nao blong Jos longtaem finis i kam.”

Wan spesel taem i bin hapen long 1989, taem we Elda Giuffra i bin sil long papa mo mama blong hem, mo ol brata mo sista we oli ded finis, insaed long Ogden Yuta Tempol. Afta long odinens, mama blong hem i bin wispa: “Mi filim se papa blong yu i stap.”

Patricio Mauricio Giuffra Vargas i bon i kam long wol ia long Valparaíso, Jile, long 6 Epril 1962. Papa mo mama blong hem i Lazaro Dante Giuffra Riffo mo Olga Rosa Vargas Canales. Hem i bin groap long Valparaíso, Jile, mo i maredem Maria Eugenia Gonzalez Olmos long Santiago Jile Tempol long 1992. Tufala i gat fo pikinini.

Elda Guiffra i kasem wan digri long saed blong maketing mo translesen/intepretesen long Brigham Yang Yunivesiti long 1990, mo wan masta long saed blong bisnis administresen long BYY long 1994.

Hem i bin wok long Woodgrain Millwork (1994–96) olsem maneja we i lukaot long evri samting kampani i pem, i wok afta long Alvenius Chilena (1996–98) mo i maneja blong ol sel mo operesen, long Carbotech Chile (1998–99), mo Arcotex SA (2000 kasem tedei), hem i bin jeneral maneja.

Elda Guiffra i bin stap olsem wan fultaem misinari long Jile Osorno Misin, wan stek eksekutiv sekretari, wan stek Yang Man presiden, wan bisop, mo wan stek presiden. Bifo koling blong hem olsem wan Jeneral Atoriti Seventi, hem i bin stap givim seves olsem wan Eria Seventi long Saot Amerika.