Tempol Progres I Gohed

Long ol las toktok blong hem long jeneral konfrens, Presiden Russell M. Nelson i bin anaonsem ol plan blong bildim 20 niu tempol raon long wol (luk long pej 127). Namba we i moa hae we oli bin anaonsem blong sam spesifik tempol, long wan sem taem, i kasem 12 tempol we Presiden Nelson i bin anaonsem long namba 7 Oktoba 2018.

Presiden Gordon B. Hinckley i bin anaonsem ol plan ia blong bildim kasem 32 niu tempol long Epril 1998 jeneral konfrens be i no bin anaonsem ol stret ples blong ol.

Stat long taem we hem i kam Presiden blong Jos long 2018, Presiden Nelson i bin anaonsem we bae oli bildim 69 niu tempol. Hem i bin anaonsem 19 tempol long yia ia, 16 long 2019, mo 14 long 2020. I gat 43 tempol we oli stap bildim naoia, o oli stap mekem i niu bakegen, mo nomata long wol sik ia, oli bin brekem graon blong 21 niu tempol long 2020. Naoia, Jos i gat 251 tempol we Jos i bin anaonsem, oli stap bildim, o oli open i stap.

Antap long tempol anaonsmen ia, Presiden Nelson i bin putum aotlaen blong nambafo step blong stap openembak ol tempol, taem we wol sik ia i stap go daon.