Elda Sean Douglas

Olsem wan yang misinari we i stap givim seves long Jile Konsepsion Misin, Sean Douglas i bin statem seves blong hem long rurol eria. “Gudfala fas Jile kompanion mo trena blong hem, i bin toktok Spanis olsem laetning.” Afta long tri manis long Saot Amerika, Elda Douglas i stap traehad yet wetem Spanis.

Tingting i slak mo i homsik; hemia i mekem hem i gat bigfala tu tingting mo i mekem hem i foldaon long ni blong hem. Hem i prea: “Mi no stap mekem eni gud samting. “Mi no luk se mi stap tajem hat blong eniwan.”

Hat blong hem i bin fulap wetem wan kwestin we i kam long heven i kam: “?Yu yu stap ia blong Mi, o yu yu stap ia blong yuwan nomo?”

Long tetaem ia, hem i disaed mo promesem God se bae hem i fogetem hemwan mo i gohed blong traem. Hem i talem: “Long naet ia, mi drim long Spanis.

Nekis dei, evri samting i bin isi moa. “Mi save toktok i gud moa. Mi save andastanem samting smol moa,” hem i talem. “Misin i jenisim testemoni blong mi abaot paoa blong prea, mo we, taem yu go mo mekem wanem we Lod i givim oda long yu blong mekem, oltaem Hem i putum wan rod i stap blong yu.”

Kaen wei blong tingting ia i bin lidim ful laef blong mi.

Sean Douglas i bon i kam long wol long 1 Mei 1964 long Sol Lek Siti, Yuta. Papa mo mama blong hem i Leo mo Barbara Douglas. Hem i groap long Is pat blong Sol Lek Vale, hem i bin maredem Patricia Ann Dickson—switat blong hem blong hae skul—long Sol Lek Tempol long Jun 1985. Tufala i gat fo pikinini.

Elda Douglas i bin graduet long akaonting long Yunivesiti blong Yuta, mo i wok olsem wan odita bifo i spendem 30 yia wetem Huntsman Corporation, mo long en, i stap olsem eksekutiv vaes presiden mo jif faenens ofisa.

Bilif mo tras blong hem long Lod, we i kam strong long taem blong yut mo misin blong hem, i bin lidim hem long taem hem i stap muv from wok i go long Inglan, mo long ples ia, hem i bin stap olsem wan yang bisop, mo bilif mo tras ia i bin lidim hem tu long Yuston, Teksas, YSA. Hem i givim seves olsem presiden blong Peru Lima Saot Misin stat long 2012 kasem 2015. Elda Douglas i bin stap finis olsem wan Eria Seventi bifo hem i kasem las koling blong Hem.