Niu Posisen: Intanasonol Eria Oganaesesen Advaesa

Fas Presidensi i bin apruvum wan blong wan niu posisen, we oli singaotem: Intanasonol Eria Oganaesesen Advaesa. Ol woman we oli givim seves long posisen ia, bambae oli singaotem olgeta blong oli sapotem ol lida blong Rilif Sosaeti, Ol Yang Woman, mo Praemeri long ol eria we oli stap long hem raon long wol. Bambae oli help blong givimaot ol trening mo tijing ol tingting blong ol lokol lida aotsaed long Yunaeted Stet mo Kanada.

Nid blong gat ol eria advaesa olsem, bambae Kworom blong Olgeta Twelef Aposol, Presidensi blong Olgeta Seventi, mo ol Eria Presidensi nao oli disaed long hem. Long ol eria we oli singaotem olgeta long hem, ol volontia advaesa ia bambae oli tekpat tu long ol kaonsel insaed long eria taem oli wok tugeta wetem ol man mo ol woman blong Jos long wanwan eria blong olgeta. Bambae oli givim seves anda long daereksen blong Eria Presidensi blong tri kasem faef yia.