O Le Mafanafana o le Talalelei

Ua oo ia Iuni i Niu Sila nei, ua i ai nai mataua o le kiona to’a o le taeao po ma le felelei solo o potoi kiona i le pito i lalo o sauté e faamanatu mai ai ua to’aitaunuu le taumalulu. A o faapupuu matilatila se alii talavou i lo’u fale Te Aroa, i lalo ifo o se mauga lanulauava, sa amata faaola le afi o le umukuka i taeao taitasi o le taumalulu e faamafanafana ai le umukuka ma kuka ai le ulo polesi sa naunau i ai ma talia ma le fiafia mo le malu taeao.

Sa ou toe tomanatu pe o le a se isi mea e mafai ona faamafanafanaina ai i tatou ia le gata i masina o le taumalulu—ma sa tasi moemoe ai ‘O Le Mafanafana o le Talalelei.’

O aoaoga o le talalelei e fesoasoani tatou te malamalama ai pe o ai i tatou, ma aumaia ai ia i tatou se sane mafanafana o i tatou o ni ō. O a’u, e faapei foi o outou, o se atalii pele o ni Matua Faalelagi o e amana’ia i tatou ma mananao ia manuia la tatou faigamalaga i le olaga faitino. Ua la silafia, mai le amataga o le fuafuaga a le Tama, o le a faigata lena faigamalaga, ma sa silafia foi e manaomia ona faapena, ina ia tatou tuputupu a’e ai ma avea atili ai e faapei o lo tatou Faaola. O taimi uma lava, aemaise i na momoi taimi o le atuatuvale, e mafai ai ona tatou lagonaina le mafanafana o Matua Faalelagi alolofa.

E oo mai se mafanafana faaopoopo pe a tatou osia ma tausia feagaiga paia, ua mafai ona fai e ala i le Perisitua ua toefuata’i mai a le Atua. Tusa lava po o a faigata e vagaia ai i tatou, ma e tele na’ua, ua ia te i tatou le toefaamautinoaga e faapea a tatou osia ma tausia ia feagaiga, e mafai ona tatou toe ola i le mafanafana o le opogi a le Alii.

Po o le a le malulu e oo i ai le taeao o se Aso Sa, tatou te lagonaina le mafanafana a o tatou ulu atu i le faletapua’i, pe gaosia i piliki po o laupolapola, ma lagonaina ai le mafanafana o le faafeiloa’i mai o tagata o le au paia. E leai se tasi o i tatou e atoatoa ae tatou te manana’o uma lava ia sili atu, ma e tatou te vaaia lena naunauga o susulu mai i le tasi ma le isi. E o mai saunia tagata o le au paia i sauniga lotu e fefa’asoaa’i o latou malamalama’aga, aumai se ‘ata’ata faamalosi’au ma molimauina, pe afai e leai lava se isi auala nai lo lo latou auai mai, o i tatou ma i latou o ni ō le Talalelei a Iesu Keriso. Ia tatou faamautinoa e le aunoa i a tatou paranesi ma uarota “ua le toe tagata ese po o e aumau a ua nuu faatasi ma le au paia, o le aiga foi o le Atua’ (Efeso 2:19).

E atili faamafanafanaina o tatou loto pe a tatou saofafa’i ia tatou tapua’iga o le faamanatuga i vaiaso taitasi, ma taumamafa i faatusa, o le faamanatuga e faamanatu ai le taulaga a le Alii o Lona tino ma le toto lea na Ia ofoina mai mo i tatou taitoatasi. O le alofaina tele e Iesu Keriso na tatau ai ona Ia faia se taulaga Togiola mo i tatou, e matuai faamafanafanaina i o tatou loto.

O tusitusiga paia foi e faamalamalamaina ai le ala ma faamafanafanaina ai agaga o i latou uma o e tuuto atu sina taimi i aso taitasi e a’oa’o ai e uiga ia te Ia. O le a’oa’oina o a’oa’oga a Keriso, e tuleia ese ai le pouliuli ae faasusulu mai le malamalama faamafanafana o Keriso i o tatou agaga.

Tatou te sapi i se faatelega o le filemu lea na folafola mai e le Faaola ia i tatou ma faamalamalamaina i upu a perofeta a o ‘tatou faalogo atu’ i le siufofoga ta’iala o le Alii.

A o toe foi o tatou malumalu i na faagaoioiga atoa, ua tatou vaai atu ai i o latou moli i le po o se valaaulia mafanafana ia agavaa e ulu atu i le Maota o le Alii lea tatou te lagonaina ai le mafanafana ma le taugamalie o le Alii a o tatou a’oa’o atili e uiga ia te Ia ma osia feagaiga paia.

E maeu lo’u loto faafetai ona o se tama’i fale laau i lalo i auvae mauga ua faamanatu mai ai iā te a’u e oo lava i taeao malulu o le taumalulu, tatou te mafaia lava ona maua le ‘Mafanafana o le Talalelei’ i o tatou olaga.