“E Le Tuua Lava Na o Oe,” Liahona, Iulai 2022.
Sau, Mulimuli Mai ia te A’u
E Le Tuua Lava Na o Oe
Pe na i ai se taimi na e lagonaina ai le tuuatoatasi po o le fefe i le mea o le a oo mai? Sa faapena foi lagona o le auauna a Elisaia le perofeta ina ua ia vaaia le autau a Suria o solofanua ma kariota o loo siomia ai Totana, le nuu moni o Elisaia.
Ata na tusia e Denis Freitas
I le fefe sa tagi atu ai le auauna ia Elisaia, “Matai e! e faapefea ona tatou faia?” (2 Tupu 6:15).
Na tali atu Elisaia ma le faatuatua, “Aua e te fefe: aua e toatele ua ia te i tatou i e ua ia te i latou” (fuaiupu 16). Ina ua uma ona tatalo Elisaia mo le Alii e faapupula mata o lana auauna, sa vaaia e le auauna “solofanua ma kariota afi faataamilo ia Elisaia” (fuaiupu 17).
“Atonu e i ai taimi e te, pei ai o le auauna, e te mauaina oe lava o loo tauivi ina ia vaai pe o faapefea ona galue le Atua i lou olaga—o taimi pe a e lagonaina le lofituina—pe a faavaivaia oe e tofotofoga o le olaga faaletino. Faatalitali ma faalagolago i le Atua ma i Lana taimi, aua e mafai ona e faatuatuaina ma lou loto atoa Lona finagalo. … E mafai foi ona e tatalo mo le Alii e faapupula ou mata e vaai ai i mea e masani ona e le vaaia” (Michelle D. Craig, “Mata e Vaai Ai,” Liahona, Nov. 2020, 15).
Atonu tatou te le vaai ia i latou, ae o loo si‘o faataamilo i tatou e le Alii ma Lana autau o agelu (tagai Mataupu Faavae ma Feagaiga 84:88). “Afai ua au ma i tatou le Atua, o ai se e faasagatau mai?” (Roma 8:31).