O Mea Moni e 5 e uiga ia Eseta

Ata

Eseta o loo alu atu i le Tupu

Eseta o Loo Alu Atu i Luma o le Tupu, saunia e Robert T. Barrett, e le mafai ona kopiina

1. O Eseta o se tagata matuaoti.

O Eseta o se Iutaia, ma ina ua maliliu ona matua, sa tausia o ia e lona tausoga, o Moretekai, o ia foi o se Iutaia (tagai Eseta 2:7).

2. Sa nofo Eseta i Pesia.

Sa nofo Eseta i Shushan, Pesia (o Iran i ona po nei), i le silia ma le 100 tausaga talu ona ave faatagataotauaina tagata Iutaia i Papelonia.

3. Sa tatau ia Eseta ona tausisia lona faasinomaga faaIutaia o se mea lilo.

I le talosaga a Moretekai, sa lei faaalia ai e Eseta lona tupuaga faaIutaia i soo se tasi. Sa ia tausisia lona faasinomaga o se mealilo, e ui lava ina sa avea o ia ma masiofo. (Tagai Eseta 2:10, 20.)

4. Na lamatia e Eseta lona ola e laveai lona nuu.

I le taimi o Eseta, sa masani ona lamatia soifua o tupu. O lea, mo le puipuiga o le tupu, o le tu ma le masani na faatonuina ai e le tatau i se tasi ona soona alu atu i le tupu e aunoa ma lana valaaulia. O le mafuaaga lena na lamatia ai e Eseta lona ola ina ua alu atu o ia i le tupu e valaaulia o ia i se aiga e mafai ona ia faaalia ai le taupulepulega a Hamanu e fasioti tagata Iutaia (tagai Eseta 5; 7).

5. Sa faatuatua Eseta i le Atua.

Sa talosaga atu Eseta ia anapopogi tagata Iutaia uma i Susana mo aso e tolu a o lei alu atu o ia i le tupu (tagai Eseta 4:16). Ona o le lototele o Eseta ma faamanuiaga a le Alii, na faasaoina ai tagata Iutaia.